Ш.Қалдаяқов атындағы мәдениет сарайының кіші мәжіліс залында "Нұр Отан" партиясы Кентау қалалық филиалының ХХХV конференциясы өтті. Конференцияның күн тәртібінде Қазақстан Республикасының Президенті, Елбасы Н.Ә.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауын талқылау, «Нұр Отан» партиясы Кентау қалалық филиалы Саяси кеңесінің 2017-2018 жылдары атқарған жұмыстары туралы есебі, «Нұр Отан» партиясы Кентау қалалық филиалының Саяси кеңесін сайлау туралы, «Нұр Отан» партиясы Түркістан облыстық филиалының XXХV конференциясына делегаттар сайлау туралы мәселелер қойылды. 

Келес ауданы әкімдігінің мәжіліс залында Келес ауданы әкімдігі жанындағы қылмыстық жазаларды және өзге де қылмыстық-құқықтық ықпал ету шараларын орындайтын мекемелер мен органдардың қызметіне жәрдемдесу, сондай-ақ қылмыстық жазаларын өтеген адамдарға әлеуметтік және өзге де көмекті ұйымдастыру бойынша консультациялық-кеңесші органының отырысы өтті. 

Шымкентте қалалық Қазақстан халқы Ассамблеясы мен «Жаңғыру жолы» республикалық жастар қозғалысының ұйымдаструымен өзін-өзі дамыту, өзіндік маркетинг және өзін таныту стратегиялары бойынша «PRодвигай себя» тренингі өтті. Тренингке «Жаңғыру жолы» республикалық жастар қозғалысының өкілдері, «Қазақстандағы 100 жаңа есім» жобасының жеңімпаздары, «Жарасым» республикалық жастар ұйымының белсенділері, мектеп оқушылары, жоғары оқу орындары мен колледждердің студенттері қатысты.

Мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша департамент басшысы, Әдеп жөніндегі кеңес төрағасы Ғалым Сұлтанұлы Тұрсынбаевтың төрағалық етуімен Сайрам ауданында арнайы жиын өтті. Іс-шараға ауданның мемлекеттік қызметшілері, бюджеттік ұйым, сондай-ақ білім беру саласының басшылары мен арнайы мониторингтік топ мүшелері М.Калыбаева, С.Сағындықов және А.Оразалы қатысты.