Түркістан облысында 4525 зейнеткердің зейнетақысы үйлеріне жеткізілді. Оның 2361-і Түркістан қаласына тиесілі. Бұл төтенше жағдай кезінде мекеме ғимараттарына адамдардың көп шоғырлануын болдырмау мақсатында қолға алынған шара.
Шымкент қаласы аумағындағы блок-бекеттерде тұрған қызметкерлерге үш мезгіл ыстық ас жеткізілуде.
Шымкент қаласының ақпараттық-коммуникация орталығында «Nur Otan» партиясы қалалық филиалы төрағасының бірінші орынбасары Бахадыр Нарымбетов және «Birgemiz-Shymkent» қоғамдық қорының директоры Тасқынбай Бүрлібаев «Біз біргеміз!» республикалық акциясы аясында коронавирусқа қарсы күресті күшейту, тұрғындарға көмектесу мақсатында атқарылып жатқан жұмыстар мен жоспарлар жайында баспасөз-конференциясын өткізді.
Түркістан облысы Төлеби ауданында аз қамтамасыз етілген отбасыларды қолдау мақсатында қайырымдылық шаралары жалғасып жатыр. Елім деген жанашыр азаматтар аз қамтамасыз етілген және көп балалы отбасыларға түрлі көмектер көрсетуде. Солардың бірі –«Бейбарс и К» ЖШС мен Қуаныш Ешенқұлов жеке қоры Ленгір қаласы мен ауылдық округтерде тұратын 30 отбасыға «Қамқорлық» бағдарламасы аясында 20 мың теңге көлемінде қаржылай көмек үлестірді.
Елімізде коронавирус індетінің алдын алу, аз қамтылған отбасыларға көмектесу үшін Елбасы, «Nur Otan» партиясының Төрағасы Нұрсұлтан Назарбаевтың бастамасымен «Birgemiz» республикалық қоғамдық қоры құрылып, жұмыс атқарып жатыр. Қорға еліміздегі ірі кәсіпкерлер, ауқатты азаматтар, жетекші компаниялар қолдау білдірді.
Мемлекет басшысының тапсырмасы аясында 2020 жылдың 1 қаңтарынан бастап Түркістан облысы бойынша аз қамтамасыз етілген отбасылардың балаларына атаулы әлеуметтік көмекпен (АӘК) қоса кепілдендірілген әлеуметтік топтама (КӘТ) берілуде.
Төтенше жағдайға байланысты табысынан айырылған азаматтарға ең төменгі жалақы мөлшерінде, 42 500 теңге жәрдемақы төлеудің тәртібі барынша жеңілдетілді. Жәрдемақыға өтініш беру үшін электронды цифрлық қолтаңбаның болуы міндетті емес.
Енді миллионды қала Шымкентте тіркелген әлеуметтік әлжуаз топтағы жандарға 50 мың теңге қаржылай жәрдемақы аударылады. Осылайша «Нұр Отандықтар» азық-түлік таратудың орнын жаңа жүйемен толықтырып отыр.