Елбасы Нұрсұлтан Назарбаевтың бастамасымен елімізде еңбек өнімділігін ынталандыру, жастар арасында жұмысшы мамандықтарын насихаттау және жұмысшылар әулетінің көпжылдық дәстүрлерін нығайту мақсатында Еңбек күні мерекесі белгіленген болатын. Осыған орай еліміздің барлық өңірлерінде қыркүйектің соңғы жексенбісінде еңбек күнін атап өту дәстүрге айнала бастағаны белгілі. Бұл игі дәстүрден Отырар ауданы да шет қалған жоқ.
Астана қаласынан Түркістанға сапар шегетін жолаушылар үшін жағымды жаңалық! Ендігі жерде Елордадан Түркістан қаласына дейін пойыз ауыстырмай-ақ жетуге толық мүмкіндік тумақ. «Жолаушылар тасымалы» АҚ Түркістан облысына көлік қатынасын дамыту және жолаушыларды Қазақстанның танымал туристік орындарының біріне қарай тасымалдау мақсатында №176/175 Астана-1 - Шымкент пойызының бағытын Түркістан қаласына дейін ұзартып жатыр.
Түркістан облысы Жетісай ауданында Елбасының «Болашаққа бағдар: Рухани жаңғыру» атты мақаласындағы «Туған жер» бағдарламасы аясында Қызылқұм ауылдық округінің 70 жылдық мерейтойы аталып өтті. Мерекелік шара округке кіреберістегі «Шаңырақ» монументінің ашылуымен бастау алды. Еңселі монументтің ашылу салтанатына Жетісай ауданының әкімі Жамантай Бейсенбаев, аудандық ардагерлер кеңесінің төрағасы Әбдіғаппар Исаев, аудандық қоғамдық кеңестің төрағасы Тойым Жүнісов, профессор Бегім Серіков сынды азаматтар қатысты.
Мақтаарал ауданы жаңадан құрылып, дербес дами бастағандықтан, Мырзакент пен Атакент кенттерінде тұңғыш рет «Жасыл ел» жастардың еңбек жасақтары жұмыс жасай бастады. Аудандық «Жастар ресурстық орталығы» КММ-нің ұйымдастыруымен ауданның студент және жұмыссыз жастарын қосымша жұмыспен қамту, қоғамдық, еңбек белсенділіктерін нығайтуды жүзеге асыру, жастар бойында азаматтық және отансүйгіштік қасиеттерін қалыптастыру мақсатында «Жасыл Ел» еңбек жасақтарын қалыптастырған болатын.
Мақтаарал ауданында «ХХІ ғасырдағы қазақстандық ата-ана: өз балаңа үлгі бол!» атты аудандық конференция болып өтті. Іс-шараға аудан әкімінің орынбасары Бейсенбай Төребеков, аудандық білім бөлімінің басшысы Серік Туребеков және білім ұйымдарының мамандары, ата-аналар комитетінің төрағалары мен мүшелері қатысты.
Қазан айының екінші онүкіндігінде Созақ ауданының құрылғанына 90 жыл толғалы тұр. Аталған мерекелік күнді ерекше әрі есте қаларлықтай етіп атап өту үшін аудан халқы тынбай жұмылып, ұйымдастыру ісіне білек сыбана кірісті.
«Жол жөндеу жұмыстарында көзбояушылыққа жол берілмеуі керек. Әсіресе, төселініп жатқан асфальт жолдардың ені мен қалыңдығы талаптарға сай болуы қажет». Бұл туралы Жетісай ауданының Атамекен ауыл округіне қарасты Жеңістің 40 жылдығы елдімекеніндегі жол жөндеу жұмыстарының барысымен танысқан Жетісай ауданының әкімі Жамантай Бейсенбаев мәлім етті.
Таяу күндері Түркістан облысы Жетісай ауданына қарасты Атамекен ауыл округінің Қоғалы ауылындағы 136 отбасы көгілдір отынмен қамтылмақ. Бұл мақсатқа 2017 жылы облыстық бюджеттен 87 млн 219 мың теңге бөлініп, ұзындығы 8,69 шақырымды құрайтын газ құбырлары тартылған болатын.