Бұл туралы Шымкент қаласы әкімдігінің Халықты жұмыспен қамту орталығының баспасөз қызметі хабарлады. 

Шектеу шаралары күшейген үшінші қала – Шымкент. Қаланың кіріп-шығатын барлық жолдарына блок-бекеттер қойылып, тәртіп бойынша жұмыс қарқынды жүргізіліп жатыр. Кешкі 21:00-де посттар жабылап, ешкім кіргізілмейді және жан баласы қаладан сыртқа аяқ басып шыға алмайды. Бұл – әуелі мегаполис тұрғындарының денсаулығына жасалып отырған жағдай. Аты жаман індеттің алдыналып, онымен күресудің де бірден-бір жолы – осы. 

Төтенше жағдай режимін бұзған 287 кәсіпкерге айыппұл салынды. Санитарлық талаптарды орындамағандардың дені – мейрамхана мен дәмхана кәсібін игергендер. Қаулы күшіне енген күннен бастап рейдтік жұмыстар қарқын алғанда шаһарда біршама тексерістер жүріп жатыр. Нәтижесі де жаман емес. Тәртіпке бас иген тұрғындар коронавирустың таралмауын қалайды. 

Әлемді жайлаған індет өз қауіптілігін жоймай тұр. Осы мақсатта Шымкент қаласында сақтық шаралары күшейтілді. Коронавирустың алдын алу жұмыстарына қала бюджетінен 230 млн. теңге жұмсалып отыр. Бұл сома әрі қарай артуы мүмкін.