Шымкенттің үшінші үшемі 16 наурызда дүниеге келген. 34 жастағы Арайлым Сембиеваға шұғыл түрде ота жасалып, сәбилер айы-күні толмай, дүние есігін ашқан. Қалалық перинаталдық орталық дәрігерлерінің қатаң бақылауында болған шақалақтардың әрқайсысы бүгінде салмақ қосып, жағдайлары жақсарған. «Қазір олардың өміріне еш қауіп жоқ», - дейді мамандар. Жақындары нәрестелерге Медина, Алина және Ясина деген есім беріпті. Үшемдерді үйінде күтіп отырған 2 ағасы мен бір әпкесі бар. Дәрігерлердің біліктілігі мен тынымсыз еңбегінің арқасында балаларын аман-есен бауырына басып, перзентханадан шыққан ана ақ халаттыларға алғысын білдірді.
«AQ-QARA.KZ»-ақпарат.