Нысандар халықаралық қауіпсіздік стандарттарына сәйкес салынады. «Қазіргі ауруханалар 60-70-ші жылдары салынған. Олар әрдайым заманауи стандарттарға сәйкес келе бермейді. Бұл мәселелер модульдік құрылымдарды салу кезінде ескерілетін болады», – дейді денсаулық сақтау саласының өкілдері.

Бұған дейін үш карантиндік медициналық модуль құрылысына 14,8 млрд. теңге бөлінеті белгілі болған-ды. Шымкенттегі аурухана көршілес Өзбекстан елінің тәжірибесіне сүйене отырып салынады. Яғни жеке желдеткіші бар контейнерлерден құрылатын болады. Ауруханалар дәрігерлерге қысқа мерзімде тапсырылуы қажет екенін атап өткен жөн. 

«Дүниежүзін дүрбелеңге салған COVID-2019 вирусын жұқтырғандар саны әлемде өршіп, бүгінде 1,5 млн.-ға таяды. Індет құрбандарының саны70 мыңнан асады. Вирустың «отаны» – Қытайда ауру жұқтырғандар мен одан көз жұмғандар саны күрт азайса, керісінше, Еуропада жағдай ушығып кетті. Кесе-көлденең келген кеселден адамзат шынымен де абдырап қалды. Бүгінге дейін күллі әлем Қытайға қарап алаңдап отыр еді, енді әр ел өз жағдайын ойлап, мазасы қашты» - дейдіШымкент қалалық жұқпалы аурулар ауруханасының бас дәрігері Амангелді Нұрлыбаев.

«AQ-QARA.KZ»-ақпарат.