Арыс қаласын қалпына келтіру жұмыстары жалғасуда. Қаладағы алтыншы секторға бекітілген Қызылорда облысы мен Созақ ауданы өзіне жүктелген жауапкершілік жүгін жақсы сезінеді. Тұрғын үйлерді жөндеу барысында әрбір тұрғындардың талап-тілегін ескеріпті.
2009 жылы Шымкент қаласында негізі қаланған «Ғибрат Құрылыс» ЖШС биыл Мақтааралда қайта тіркеуден өткен. Шолпан Дүйсенбина басшылық ететін кәсіпорын Мақтааралда ПУИД-2 жобасы аясында жалпы жобалық құны 115 миллион теңгенің тапсырысын қабылдап, ағын су жүйелерін салу мен оларға қажетті өнімдер шығару, каналдарды тазартудан бөлек газ желілеріне және түрлі мекемелер мен жеке тұлғалардың тапсырысы бойынша темір-бетондар жасауда.
Елбасымыз «Қазақстан экономикалық, әлеуметтік және саяси жедел жаңару жолында» «Жасыл ел» бағдарламасын жүзеге асыруды тапсырған болатын. Бұл бағытта Түлкібас ауданының жастары белсенді жұмыс атқаруда. Бос уақыттарын тиімді өткізіп, кешенді бағдарламаның жүзеге асуына септігін тигізіп отыр.
Арыстағы бірінші сектор Атырау облысы мен Жетісай ауданына берілген аймақ. Онда барлығы 482 үй бар. Ал 50 үйдің құрылысы қайта салынуда. Қазіргі таңда құрылыстар қарқын алып, тұрғындар қоныс тойларын тойлайтын күн де жақын. Ал, одан бөлек арнайы штаб қызметкерлері де өз міндеттеріне сай жұмыстар атқаруда.
Қазығұрт ауданына Қазақстан Республикасы Парламенті Сенатының депутаттары Әли Бектаев пен Әлімжан Құртаев жұмыс сапарымен барды. Онда бірқатар нысандарды аралап, аймақтың тыныс-тіршілігімен танысты. Содан соң Рухани жаңғыру бағдарламасы аясында құрлысы қайта жүріп жатқан Смайыл ата кесенесінде болды.
Түркістан қаласы 16 секторға бөлініп, картасы дайындалды. Әр секторға бір ауданнан беріледі. Осылайша, тұрғындар өз арыз-шағымдарын оңай жеткізе алады.
Бақыт – балалардың күлкісінде! Арыстық 70 баланы Жетісай аудандық әкімдігі жазғы лагерьге аттандырды. Мақсат – оқушылардың уақытын тиімді пайдаланып, естен кетпес жазғы демалыс ұйымдастыру еді.
Қ.А.Ясауи атындағы халықаралық қазақ-түрік университеті қосымша 500 білім грантын жариялап отыр. Қазіргі кезде оқу орнындағы қабылдау комиссиясы талапкерлерден құжат қабылдап жатыр.
Бүгінгі таңда мақталы Мақтаарал ауданында вегетациялық науқан қарқынды жүріп жатыр. Ауданға қарасты 21 канал мен олардың тармақтарының барлығына ағын су толып, Достық каналы арқылы ауданға секундына 42,30 текше метр су берілуде.
Түркістан облысына Қазақстан Республикасының Ұлттық қорынан мақсатты трансферт арқылы көп балалы және әлеуметтік аз қамтамасыз етілген отбасылардың балалары үшін 2019-2020 оқу жылына жоғары білімі бар кадрларды даярлауға арналған 1345 білім гранты бөлінді.