Ел жұрттың мұң-мұқтажымен танысып, түйінді мәселелерді шешу мақсатында Қазақстан Республикасы Парламенті сенатының депутаттары Әли Бектаев пен Әлімжан Құртаев Ордабасы ауданында болды. Бұл жерде депутаттар құрылыс нысандары, ауыл шаруашылық жұмыстарымен және әлеуметтік мәселелермен де жіті танысты.
Мемлекеттік тіл халықтар достығының дәнекері. «Жастар жылына орай мемлекеттік тілді жоғары деңгейде меңгерген өзге этнос жастарын анықтау және ынталандыру, мемлекеттік тілдің беделін артыру мақсатында Шардара аудандық «тілдерді оқыту және дамыту орталығының ұйымдастыруымен «Тіл мерейі» атты аудандық байқау өтті. Аталмыш шараға сегіз үміткер қатысып, мемлекеттік тілде бар өнерін ортаға салды.
Мақтаарал ауданында «Жас кәсіпкер» жобасына 76 азамат қатысып білім алудың алғашқы легін бастады. Жастар кәсіпкерлігін дамыту және қолдауға бағытталған бастама Атамекен Ұлттық кәсіпкерлер палатасының ұйытқы болуымен жасалған. Игі шараға аймақтан қызығушылық танытқандардың саны артуда. Қазірдің өзінде 400-ге жуық кәсіп ашам деген ниетті тұрғындар өз өтініштерін білдерген.
Ордабасы ауданы төтенше жағдай басқармасының қызметкерлері су ережелерін сақтамай суға түсетін балаларға қатаң ескертулер жасады. Түркістан облысы, Ордабасы ауданы ТЖБ-нің қызыметкерлері және ішкі саясат бөлімінің қызметкерлерімен бірлесе отырып рейдтік іс-шарасы жүргізілді.
«Түркістан - Қызылжар - Қостанай – Көкшетау» ақпараттық турында жүрген түркістандық БАҚ өкілдерінің сапары Қостанай облысы, Сарыкөл ауданында жалғасын тапты. Тәгіл ауылдық округы, Соналы ауылына ат басын тіреген делегация ауылдың тыныс-тіршілігімен танысып, Соналы орта мектебіне барды.
Түркістан облысында 2019-2024 жылдар аралығында 55 мыңнан астам балаға арналаған 184 мектеп салынады. Қазіргі уақытта 20 мың орындық 68 мектептің құрылыс жұмыстары жүргізілсе, 37 мектептің жобалау-сметалық құжаттамасы әзірленді.
Алматы қаласында ұлттық спорт түрі көкпардан І Азия чемпионаты болып өтті. Тартысты аламанға 8 мемлекеттің құрамасы қатысты. Азия ойындарында «Түлкібас ұлттық спорт түрлерінен балалар мен жасөспірімдер спорт мектебінің» спортшылары, Қазақстан құрамасының мүшелері Мамыт Әділет пен Қарқабат Бекзат жүлделі І орынды иемденді.
Аудан әкімі Әліпбек Өсербаев Қарақұм ауыл округінде аудан активінің көшпелі мәжілісін өткізді. Қарақұм ауыл округінің әкімі Әміржан Досымов 2019 жылдың 6 айында тындырылған тірлік барысын баяндады.
«Арыстағы вокзалды жоғалтудамыз! Тарихи-мәдени нысанды бұзып жатыр!». Әлеуметтік желі мен жергілікті басылым беттерінде осындай жаңалық тарап еді. Бұл жалған ақпарат болып шықты. 115 жылдық тарихи ғимаратты ешкім бұзбайды. Керісінше, Арыстағы апаттан зақымданған «Арыс-1» теміржол вокзалы қайта қалпына келіп, жаңаланады.
Арысты қалпына келтірудегі тәжірибе Түркістанды түлету жолында да қолданылады. Енді облыс орталығы 16 секторға бөлініп, ондағы жұмыстарға бір басқарма мен бір аудан жауап бермек.