Медицина саласында «Тізе буын хирургиясы» өте өзекті. Қ.А. Ясауи атындағы Халықаралық қазақ-түрік университетіне Түрік елінің травматолог-ортопедтері келді. Мақсаты – Арыстан келген науқастарға күрделі ота жасау. Сонымен қатар жергілікті мамандармен тәжірибе алмасу.
ҚР Премьер — министрі Асқар Мамин, еліміздің денсаулық сақтау министрі Елжан Біртанов Арыс қалалық орталық ауруханасында жүріп жатқан күрделі жөндеу жұмыстарының барысымен танысты. Арыстың бүгінгі жай-күйі туралы нақты ақпарат беру мақсатында арнайы келген делегацияға Облыстық денсаулық сақтау басқармасының басшысы Мұқан Егізбаев қазіргі таңда Арыстағы емхана науқастарды қабылдап жатқанын және 1 ай ішінде қалалық аурухана іске қосылатынын атап өтті.
Арыс қаласында орын алған жағдай жалпы қазақ елінің қабырғасын қайыстырған оқиға болды. Әйтсе де, арыстықтардың басына түскен сынақты ел болып көтеріп, жұмыла көмектесудің арқасында қалаға қайта жан біте бастады. Бүгінде Түркістан облысының әкімі Ө.Шөкеевтің тікелей басшылығымен қаланы қайта қалпына келтіру жұмыстары қарқынды жүргізілуде.
Сайрам ауданында «Болашақ» сауықтыру лагерінде 1800 бала демалатын болады. Сайрам аудан әкімі Бақтияр Мамаев, аудан әкімінің орынбасары Мадияр Оразалиев Арыс ауылдық округінде орналасқан «Болашақ» сауықтыру лагерінде барып, демалушы балалармен кездесті.
Сарыағаш ауданында медицина қызметкерлеріне құрмет көрсетілді. Өңір басшылығы ақ желеңді абзал жандарды мерекемен құттықтап, сала ардагерлері мен білікті дәрігерлерге «Алғыс хат» табыстады. Мәдениет үйінде өткен шарада адам жанының арашашысы саналатын мамандық иелерінің еңбектері дәріптелді.
Түркістан облысында Медицина қызметкерлері күніне орай салтанатты шара ұйымдастырылды. Оған денсаулық сақтау саласының ардагерлері мен медицина қызметкерлері қатысты. Түркістан облысы әкімінің орынбасары Жолдымұрат Аманбаев медицина қызметкерлерін кәсіби мерекелерімен құттықтап, еңбегімен дараланған ақ желеңді абзал жандарды «Облысқа сіңірген еңбегі үшін» медалімен, Түркістан облысы әкімінің Құрмет грамотасы мен алғыс хаттарымен марапаттады. Түркістан облысының дәрігерлеріне облыс әкімінің атынан шипажайға 100 жолдама табыс етілді.
Аудандық мәдениет сарайында денсаулық сақтау саласы қызметкерлерінің кәсіби мерекесіне арналған салтанатты шара өтті. Салтанатты жиында сөз сөйлеген аудан әкімінің орынбасары Бауыржан Шомпиев шардаралық дәрігерлерді облыс бойынша «Үздік стационар» номинациясын иеленулерімен құттықтады.
Маусым айының үшінші жексенбісі – Қазақстан медицина қызметкерлерінің төл мерекесі.Түркістан қалалық емханасының ұжымы кәсіби мерекелерін үлкен жетістіктермен қарсы алды. Емханада бүгінде 700-ге жуық медицина қызметкері еңбек етуде. Осыдан төрт жыл бұрын пайдалдануға берілген медициналық ұйымның облыс орталығында 10 бөлімшесі жұмыс істейді. Оңтайландырылған емханада жергілікті халыққа бір терезе қағидасы бойынша медициналық қызмет көрсетіледі.