Бұл жөнінде Шымкент қаласы әкімдігінің баспасөз қызметі хабарлады.Айта кетер жайт, өрт бүгін түнгі сағат 1:14-те «ЛТД Тұрмыс» ЖШС-нің айып тұрағында орын алған болатын. 

Шымкент қалалық мәслихатының кезектен тыс 34-сессиясында Әл-Фараби ауданына жаңаданәкім тағайындалды. Сессия отырысында халық қалаулылары Әл-Фараби ауданының әкімі лауазымына Мәуленқұлов Ғабит Патшаханұлының тағайындалуына бірауыздан келісім берді. 

Шымкент қалалық мәслихатының кезектен тыс 34-сессиясында Қаратау ауданының әкімі тағайындалды. Сессия отырысында депутаттар Қаратауауданының әкімі лауазымына Қантөреев Исамидин Мұхитдинұлының тағайындалуына келісім берді. 

Бұған салаға жауаптылардың өздері де алаңдаулы. Себебі қазір аталған шағынауданның тұрғындарын тасымалдайтын 17 б бағытындағы автобустың екеуі ғана жолда жүр. Ал қалғандарының әбден тозығы жеткен. 

Таяуда елордамыз Астана қаласында алыс-жақын шетелдерден келген әлемге танымал цирк өнерпаздары қатысқан «Азия жаңғырығы – 2018» фестивалі аяқталды. Шымкенттік «Оңтүстік цирк» мекемесінің ұжымы да аталған конкурсқа қатысып, бірінші орынды жеңіп алғанын айта кетейік.

Мемлекет шағын және орта бизнесті дамыту үшін әртүрлі бағдарламалар түзіп, жеңілдіктер жасап келе жатқаны белгілі. Осы орйда Шымкенттік қыз-келіншектер үшін жағымды жаңалықпен бөлісе кетсек. Шырайлы шаһардың қыз-келіншектері ендігі жерде 10 миллион теңгеге дейін жеңілдетілген несие алуына мүмкіндіктері бар. Несиелеудің бұл жаңа бағдарламасын «Қазақстан Халық Банкі» АҚ ұсынып отыр екен.

Шымкент қаласындағы ең үлкен көшелердің бірі болып табылатын Қонаев даңғылының ұзартылатынын бұған дейін де жазған болатынбыз. Осының бастауы ретінде Түркістан моншасы бұзылып, ары қарайғы жұмыстар жүргізіле бастаған-ды. Алайда, даңғылды ұзарту жұмыстары тоқтатылыпты дейтін қауесет тараған болатын. Десе де, қала билігі бұл қауесеттің шындыққа сай келмейтінін айтып, Қонаев даңғылын ұзарту бойынша жұмыстардың жалғасып жатқандығын айтуда.

Шымкентке жуырда ғана жеткізілген жаңа автобустар қоғамдық көлік бағыттарына бөлініп, қатынай бастады. Бүйірлеріне қаланың символы - қызыл қызғалдақ салынған аппақ автобустар әзірге үш әлеуметтік бағытта жүр. «T-bus» компаниясы жыл соңына дейін тағы 70 жаңа автобус жеткізуді жоспарлап отыр. Осылайша Шымкент қаласындағы жаңа автобустардың қатары көбейіп, тұрғындарға сапалы қызмет көрсететін болады.

Шымкент қаласының өзінің аймақтық даму институты болады. Қала әкімі Ғабидолла Әбдірахымов 5 шілде күні әлеуметтік-кәсіпкерлік корпорация (ӘКК) түріндегі аймақтық даму институтын құру туралы шешім қабылдады. Ол институт толығымен қала әкімдігіне қарасты болмақ. 

Қала әкімдігінде өткен салтанатты жиынға 400-ден аса адам, қала активі, мәслихат депутаттары, қоғамдық кеңес мүшелері, құқық қорғау органының өкілдері, мәдениет және спорт саласының қызметкерлері қатысты. Жиылғандар алдында сөз алған қала әкімі Ғабидолла Әбдірахымов баршаны аяулы да асқақ қаланың дүбірлі мерекесі – Астананың 20 жылдық мерейтойымен құттықтады.