Облыс спортшылары ерледі. Ақтөбеде Есту қабілеті төмен спортшылар арасында республикалық ІІ спартакиада болып өтті. Мұнда командалық есепте үздік үштіктен көрінген спортшыларымыз өңір мерейін үстем етті.
Қазақстан Республикасының Президенті Нұрсұлтан Әбішұлы Назарбаевтың 2003 жылдың 15 қарашасындағы Жарлығына сәйкес тамыз айының үшінші жексенбісі Спорт күні болып белгіленген болатын. Осы мақсатта Спорт күні мерекесіне орай, Арыс қалалық дене шынықтыру және спорт бөлімінің ұйымдастыруымен спорт кешенінде қаламыздағы спорт мекемелерінен құралған командалар арасында спорттық сайыстар өтті.
«Қазақстан Республикасындағы кәсіптік және өзге де мерекелер туралы» 1998 жылғы 20 қаңтардағы №3827 Жарлыққа сәйкес «Спорт күні» кәсіби мерекесі елімізде тамыз айының үшінші жексенбісі күні қарсаңында жыл сайын жоғарғы деңгейде аталып өтілуде. Осы орайда, Түлкібас ауданы Т.Рысқұлов ауылының орталық алаңында аудан спортының дамуына өлшеусіз үлес қосып жүрген спортшылар мен бапкерлерді марапаттау шарасы өтті.
19 тамыз – спортшылар күніне орай Мақтаарал ауданының ардагер спортшыларының арасында футболдан жолдастық кездесу өтті. Іс-шараның ашылу салтанатына қатысқан аудан әкімінің орынбасары Бейсенбай Төребеков спортшыларға деген ізгі тілегін арнады.
Түркістанға жаңа қоныстанған Дене шынықтыру және спорт басқармасы қалалық спорт бөлімімен бірге тамыздың 18-інде «Спортшылар күніне» орай салтанатты іс-шараны Октябрь Жарылқапов атындағы стадионда ұйымдастырды. Ұйымдастырушылар алдымен салтанатты шараны бастамас бұрын Қазақ волейболының атасы атанған Октябрь Жарылқаповтың ескерткішіне гүл шоқтарын қойып, құрмет көрсетті.
13 тамыз – Спортшылар күні мерекесіне орай түрлі спорт саласында еңбек етіп жүрген бір топ азаматтарға аудан әкімінің марапаттары табыс етілді. Аудан әкімдігінің үлкен мәжіліс залында өткен іс-шарада аудан әкімінің орынбасары Бауыржан Шомпиев спорт мектебінің директорлары мен ардагер спортшыларды, үздік спортшылар мен спорт мекемелерінде жұмыс істеп жүрген қызметкерлерді төл мерекелерімен құттықтады.
Шардара ауданында Түркістан облысы әкімдігі мен басқарма қызметкерлерінің Түркістан қаласына қоныс аудару құрметіне орай спорттың жағажай түрлерінен жарыстар ұйымдастырды. Аудан әкімдігі мен аудандық дене шынықтыру және спорт бөлімінің ұйытқы болуымен өткен жарыста қала мен ауылдық округтерден келген спортшылар жағажай волейболынан, жағажай футболынан және балық аулаудан өзара сынға түсті.
Жуырда Қызылорда қаласында еліміздегі мектеп және колледж оқушылары арасындағы IX жазғы спартакиадасының жабылу салтанаты өтті. Дүбірлі сынды Қазақстан Республикасының Білім және ғылым министрлігі ұйымдастырған болатын. Төрт айдан астам уақытқа созылған сында Түркістан облысының спортшылары жалпыкомандалық есепте бірінші орынды жеңіп алды. Бұл туралы «AQ-QARA.KZ» хабарлайды «ontustik.gov.kz-ке» сілтеме жасап.