Түркістан облысының әкімі Дархан Сатыбалды Түркиядан келген инвесторлар – «Е.С.А SEREL» компаниялар тобының өкілдерімен кездесті. Келіссөздер барысында тараптар Түркістандағы «Turan» арнайы экономикалық аймағында зауыт ашу мәселесін талқылады. Бірегей жоба Мемлекет басшысының түркітілдес елдерді біріктіретін арнайы экономикалық аймақ құру туралы тапсырмасы аясында жүзеге асуда. 

Түркістанда ҚР Ауыл шаруашылығы министрлігінің әдеп жөніндегі уәкілі Ильхам Аметовтың қатысуымен министрлікке бағынысты өңірлік мекемелердің ұжымдарымен кездесу өтті. Семинарда мемлекеттік қызметшілердің мемлекеттік қызмет туралы заңнамасы мен этика нормаларын сақтау, сыбайлас жемқорлыққа қарсы әдепті қалыптастыру мәселелері талқыланды.

Түркістан облысында аудан, қалаларды абаттандыру, көгалдандыру және тазалық жұмыстары қатаң бақылауға алынған. Түркістан облысы әкімі аппаратының апталық мәжілісінде аталған саладағы мәселелер талқыланды.

Су ресурстары және ирригация министрі Нұржан Нұржігітов Түркістан облысының Жетісай және Мақтаарал аудандарының шаруаларымен кездесті.