Түркістан қалалық полиция басқармасының ювеналды полиция тобының қызметкерлері тұрмыстық зорлық-зомбылықтың алдын алу және жолын кесу, қоғамда отбасының рөлін нығайту мақсатында тұрғындар көп шоғырланатын орындарға барды.

Онда зорлық-зомбылық бойынша қабылданып жатқан шаралар туралы жұртшылыққа хабарлап, азаматтардың полиция органдарына деген сенімін арттыру мақсатында тұрғындарға түсіндіру жұмыстарын жүргізді. Әр тұрғынмен жеке сөйлесіп, олардың көкейіндегі сұрақтарға жауап берді.

Сонымен қатар әйелдердің құқығы заңмен қорғалатынын айтты.

Қазіргі таңда Түркістанда 378 тұрғын қорғау нұсқамасына алынып, 49 тұлғаға ерекше талап қойылған. Сондай-ақ 35 жанұя жайсыз отбасы ретінде тіркелді. Ал полицейлер осы тіркелген жайсыз отбасылар мен қорғау нұсқамасына алынған тұлғаларға түсіндірме жұмыстарын жүргізуде.