Бұл Қырғы базарға апаратын көше бойында тәртіп пен реттілікті орнату бойынша жасалатын алғашқы қадам. Заң бойынша сот шешімінің үстемдігі ретсіз сауда мәселесі бойынша таяуда өткен брифинг барысында айтылды. Осылайша Шымкент қаласының әкімдігі ретсіз саудамен кезекті мәрте күрес науқанын бастап отыр. Бұл күресте жергілікті атқарушы органның күші басым екені айтпаса да түсінікті, себебі сот шешімін орындау баршамыздың міндетіміз екені анық. Сот орындаушылары мен құқық қорғау органдарының қызметкерлері осы мақсатта қызмет ететін болады. «Сот шешімі бар және оның орындалуын қамтамасыз етеміз. Бұл біздің міндетіміз», - дейді Әл-Фараби полиция бөлімінің бастығы Сейтхан Сейтжомарт.

Сонымен, шілденің 30-ы сағат 10-да соттың шешіміне сәйкес жоғарыда айтылған ретсіз сауда қатарларын бұзу жұмыстары басталады. Брифингте белгілі болғандай, бұл сауда қатарлары мен дүңгіршектер заңсыз орнатылған - меншік иелерінің ешқандай заңды құжаттары жоқ екен.

«AQ-QARA.KZ» – ақпарат»