Түркістан облысында 2,1 млн адам тұратын 800-ден астам елді мекеннің 361-і қоқыс шығару қызметімен қамтылған. Аудан, қалалар аумағында 151 қатты тұрмыстық полигон орны белгіленген.
Жетісай ауданында «Жайлы мектеп» Ұлттық пилоттық жобасы аясында 6 нысан бой көтермек. Ауданға арнайы ат басын бұрған БАҚ өкілдері жоба аясында салынып жатқан құрылыс нысандарының жұмыс барысымен танысты.
Түркістан облысында Ветеринария басқармасына қарасты «Ветеринариялық қызмет» шаруашылық жүргізу құқығындағы мемлекеттік коммуналдық кәсіпорын жұмыс атқаруда. Аталмыш кәсіпорында 2 мыңға жуық маман бар.
Түркістан облысы кәсіпкерлер палатасының Өңірлік кеңес төрағасы Нұралы Әбішов Қазығұрт және Төлеби аудандарының кәсіпкерлерімен кездесті. Басқосуға ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаменті басшысының бірінші орынбасары Нұрлан Арынбаев, Өңірлік кеңес мүшелері, облыстық кәсіпкерлер палатасының директоры Асылан Ибадуллаев және жеке кәсіпкерлер қатысты.
Шымкент қаласы жұмыспен қамту және әлеуметтік қорғау басқармасының басшысы Жанат Өтебаева 2-лек бойынша қайтарымсыз грант иегерлерімен кездесті.
2024 жылы Шымкентте құрылыс саласы жаңа деңгейге көтерілуде. Биыл 163,07 млрд. теңгеге 114 жоба жүзеге асырылып, 111 нысан жыл соңына дейін тапсырылмақ. Бұл біздің қала тұрғындарының өмір сүру жағдайларын жақсартуға арналған үлкен қадам.
Шымкент қаласындағы Әл Фараби атындағы қалалық ғылыми-әмбебап кітапханасында белгілі ақын Әкім Ысқақтың «Темір генерал» кітабының және Ғалымжан Битұрсынның «Өмірді сүй. Адамды құрметте» атты жинағының тұсаукесері рәсімі өтті.
3-7 қыркүйек аралығында елімізде Халықаралық «Ұлы дала жорығы» марафон-бәйгесі өтеді. Оған шет мемлекеттерден 10-жуық команда қатысады. Отандық командалардың саны 9. Қазіргі уақытта қатысушыларды тіркеу аяқталды.
Қазірде Шымкент қаласының дене шынықтыру және спорт басқармасына қарасты 33 спорттық ұйым жұмыс жасайды. Оның ішінде 16 балалар-жасөспірімдер спорт мектебі, 1 мүгедектігі бар адамдарға арналған спорт мектебі, 2 жоғары спорт шеберлігі мектебі, 1 олимпиада резервін даярлау орталығы, 2 кәсіби спорт клубы, 3 спорт клубы, 1 дәрігерлік-дене шынықтыру диспансері, 1 спорт ғимараттар дирекциясы, 1 су-спорт кешені және 4 мемлекеттік-жекешелік әріптестік аясындағы спорт нысандары. Бұл туралы бүгін Өңірлік коммуникациялар қызметі алаңында өткен баспасөз конференциясында Шымкент қаласы дене шынықтыру және спорт басқармасының басшысы Мықтыбеков Маратбек Саменбекұлы баяндады.
«Қуатжылуорталық-3» МКК-ның Қожанов және Темірқазық көшелерінің қиылысындағы жылу желілерін қайта жаңарту бойынша пресс-тур өтті. Бұл баспасөз туры Шымкент қаласындағы жылу жүйелерін жақсарту бойынша жүргізіліп жатқан жұмыстармен танысуға және олардың маңыздылығын атап өтуге бағытталған.
Белгілі болғандай, Шымкент қаласында 2022-2026 жылдар аралығында жылу жүйелерін жаңартуға бағытталған Инвестициялық бағдарлама жүзеге асырылуда. Бағдарламаны Қазақстан Республикасы Ұлттық экономика министрлігі табиғи монополияларды реттеу комитетінің Шымкент қаласы бойынша департаменті мен Шымкент қаласы әкімдігі бірлесіп іске асыруда. Аталған бағдарламаға жалпы сомасы 81 878,21 мың теңге қаржы қарастырылған.
2023 жылы бағдарлама аясында 440 метр жылу желісі қайта құрылды, ал 2024 жылы мемлекеттік сатып алу бойынша 480 метр жылу желісі жаңартылды. Үнемделген қаржы есебінен қосымша жылу желілерін ауыстыру жоспарлануда.
Мамандардың айтуынша, инвестициялық бағдарламаны іске асыру нәтижесінде жылу желілеріндегі апаттардың саны 29,4%-ға азайып, ысыраптар көлемі қысқарып, жылу энергиясын беру сапасы айтарлықтай жақсарады.
ҚР Ұлттық экономика министрлігінің Табиғи монополияларды реттеу комитетінің Шымкент қаласы бойынша департаменті «Қуатжылуорталық-3» МКК-мен бірлесіп, жылу энергиясын өндіру, беру, бөлу және жабдықтау саласындағы инвестициялық бағдарламаның орындалу барысымен танысу мақсатында баспасөз турын ұйымдастырды.
«Қуатжылуорталық-3» МКК Шымкент қаласындағы жылу жүйелерінің 100%-ына қызмет көрсетеді, жылу энергиясын өндіруші, беруші және жабдықтаушы болып табылады. Қазіргі уақытта қалада 2 306 көпқабатты тұрғын үй, 287 бюджеттік мекеме (мектептер, балабақшалар, ауруханалар) және 248 заңды тұлға жылумен қамтамасыз етілген.
Жылу жүйелерінің жалпы ұзындығы 880,542 шақырымды құрайды, оның 823,842 шақырымы «Қуатжылуорталық-3» МКК-ның балансында, ал 56,7 шақырымы «Шымкент қаласының энергетика және инфрақұрылымды дамыту басқармасы» мемлекеттік мекемесіне тиесілі.