Мемлекет басшысы Қасым-Жомарт Тоқаевтың Қазақстан халқына жолдайтын жыл сайынғы Жолдауында өңірлер мен елді мекендерде бұқаралық спортқа, дене шынықтыруға, салауатты өмір салтын қалыптастыра отырып денсаулығы мықты ұрпақ тәрбиелеуге басымдық беріп, әр аудан орталықтарында спорт алаңшаларын ашу жайындағы бастамасын жүзеге асыруды жүйелі түрде жүргізіп келе жатқан Жетісай ауданында тағы бір спорт алаңшасы қолданысқа берілді.

Түркістан өңірінде облыс әкімдігінің қолдауымен жұмысын жаңаша бағытта жүйелеген «Тұран су» мекемесі толайым табыстарға қол жеткізуде. Бүгін аталған мекеме ұжымының атқарған жұмыстары мен жетістіктері және алдағы жоспарлары талқыланған жиын өтті. Облыс әкімі Дархан Сатыбалды су үнемдеу технологияларын енгізу, аймақтағы су нысандарын жөндеу, реттеу жұмыстарын күшейте түсуді тапсырды.

Түркістан облысына 2030 жылға қарай су үнемдеу технологияларын 216,3 мың гектарға енгізу жоспарланған. Бүгінде 32 мың гектардан астам алқапқа су шығынын азайту технологиялары енгізілуде. Жаңа жүйе суды 2 есе үнемдеп, өнімді 3 есе арттырады. Мемлекет басшысының тапсырмасын іске асыру барысы Түркістан облысының әкімі Дархан Сатыбалдының жіті назарында.

Түркістан облыстық қоғамдық кеңесінің отыз алтыншы отырысы өтті. Жиынға қоғамдық кеңес мүшелері мен тиісті басқарма басшылары қатысты. Күн тәртібінде 16 мәселе қаралды. Кеңес отырысын Облыстық қоғамдық кеңес төрағасы Б. Жылқышиев ашып, жүргізіп отырды.