Медиация күніне орай Шардара ауданында ашық есік күні өтті. Аудандық ішкі саясат бөлімінің ұйымдастыруымен өткен шараға заң қызметкерлері мен ардагерлер қатысып ой-пікірлерімен бөлісті.

«Нұр Отан» партиясы Арыс қаласының бүлдіршіндеріне қуаныш сыйлады! «Қазығұрт Турбаза» демалыс аймағында жазғы демалыстарын өткізіп жатқан бүлдіршіндерге арнап концерттік бағдарлама мен сый-сыяпат ұсынды. Айта кетейік, лагерьдегі 137 баланың демалуына жағдай жасаған Семей қаласының Қазақ инновациялық гуманитарлық заң университеті болатын.

Бүгін Арыс қаласына арнайы жұмыс сапарымен Қазақстан Республикасы Парламенті Сенатының депутаттары Әли Бектаев пен Әлімжан Құртаев келді. Осы сапары кезінде сенаторлар қалада жүргізіліп жатқан құрылыс жұмыстарының тынысымен танысып, тұрғындармен кездесті.

Кентауда егін шаруашылығы қарқын алған. Ал, иқандық ағайынды Нышанбаевтар 20 жылдан бері мақта өсірумен айналысады. Бүгінде шаруалар жергілікті тұрғындарды жұмысқа тартып, өздерін де, өзгелерді де табысқа кенелтуде.

Отырар ауданында туған елге тағзым ететін азаматтар көп деп айтуға болады. Солардың бірі - ауылдағы ағайынның мұңын сейілтіп, аудан орталығынан балабақша салып берді. Шәуілдірдің шеткі аумағында орналасқан бөбекжай қазір жергілікті 100 баланы мектепке дейінгі мекемемен қамтып отыр.

Арыстағы жарылыстан қираған әлеуметтік нысандардағы жөндеу жұмыстары 15-тамызға дейін толық аяқталады. Бұл туралы еліміздің индустрия және инфроқұрылымдық даму вице – министрі Қайырбек Өскенбаев мәлімдеді.

Мақтаарал аудандық «Жастар ресурстық орталығы» КММ жанынан құрылған еріктілер клубының мүшелері мен ауданның белсенді жастары аудандағы кенттер мен ауылдық округтерде тұратын жалғызбасты қарттар мен асыраушысы жоқ ата-әжелерге, аз қамтамасыз етілгендер мен мүмкіндігі шектеулі жандарға қолұшын созып, көмек беруді күн тәртібінен түсірген емес. 

Өткен жылы Түлкібас ауданында жалпы тұрғын үй кезегінде тұрған 158 жанұяға жаңа пәтер кілті табысталған болатын. Бүгінгі таңда тұрғынүй алуға өтініш берген 1974 азаматтың сұраныстарын қанағаттандыру мақсатында аймақта жүйелі түрде жұмыстар жүргізілуде.Нәтижесінде жыл соңына дейін 312 пәтер пайдалануға берілмек.

Жастар жылы аясында, Түркістан облысының құрылғанына 1 жыл толуына орай, Қазығұрт аудандық «Жастар ресурстық орталығы» КММ-сі «Сайрам – Өгем» мемлекеттік ұлттық табиғи саябағына қарасты Өгем тауларына саяхат ұйымдастырды. Іс-шараның негізгі мақсаты – Елбасы Н.Ә.Назарбаевтың «Болашаққа бағдар: Рухани жаңғыру» бағдарламалық мақаласы аясында экотуризмді, альпинизмді, "Ұлы даланың жеті қырын", еліміздің киелі орындары мен тарихи мекендерді жастар арасында үлкендер үлгісімен кеңінен насихаттау. 

Көлеңкелі экономиканың көзін жою үшін - салықтық тексерісті күшейту керек. Сонда ғана еліміздің хал-ахуалы артып, мемлекетіміз гүлденетін болады. Бұл ретте, мемлекеттік кірістер департаменті түсімдер бойынша, ағымдағы жылдың 6 айында бекітілген жоспар 85 миллиард 086 млн. теңге болса, бюджетке 87 миллиард 209 млн. теңге өндірген. Яғни, бекітілген жоспар 2 миллиардтан астам теңгеге артығымен орындалды. Бұл туралы Түркістан облысы бойынша Мемлекеттік кірістер департаменті басшысының орынбасары Алмас Шаймерденов айтты.