Жарылыс кезінде зардап шеккен Арыс шаһары тұрғындарына 100 мың теңге көлеміндегі өтемақы берілді. Аталған қаржыны алу үшін, бұған дейін екі ауылдық елдімекен мен Арыс қаласындағы 17 секторда банк карточкалары таратылған болатын. Қызылорда, Жамбыл облыстары және Шымкенттен «Халық банкінің» 120 қызметкері Арысқа арнайы келіп, жұмыс жүргізген. 

Ағымдағы аптада аудандық ардагерлер кеңесінің ұйымдастыруымен Ұлы Отан соғысының ардагері, ҚСР Жоғарғы Кеңесінің депутаты (1967), мал шаруашылығын өркендетуге қосқан үлесі үшін «Қазақ КСР-іне еңбегі сіңген ауыл шаруашылық қызметкері», есімі «Қазақ КСР-нің Алтын кітабына» жазылған (1964), 2 Ленин (1964, 1975), Еңбек Қызыл Ту (1971, 1977) ордендерінің иегері, Созақ ауданының Құрметті азаматы Қалы Байымбетовті еске алуға арналған асық атудан аудан ардагерлері арасында жарыс өтті. Аталған жарыс аудан орталығы Шолаққорғандағы балалар мен жасөспірімдер спорт мектебінде болды. 

«Ауыл – Ел бесігі» бағдарламасы аясында биыл Абай ауылында республикалық бюджет есебінен 23 көшені орта жөндеу жұмыстары қарқын алды. Атап айтқанда, Абай ауылына кіре беріс тұстағы көшелерді жөндеу, А.Мамытбайұлы көшесіне суағар нысандарын жеңімпаз мердігер мекеме тарапынан әкеліп орналастыру жұмыстары жүруде. 

Састөбе кентінің жастары жаңа оқу жылын жақсы жаңалықпен қарсы алмақ. Бүгін спорт күні мерекесіне орай кент орталығынан 240 адамға есептелген «Ер Жәнібек» атындағы су жаңа шынықтыру-сауықтыру спорт кешені ашылды. 

Кентау қаласының Қарашық ауылында 2007 жылдан бері шаруашылықпен айналысып жатқан «Бағы-Жахан» шаруа қожалығы бүгінде қарқынды бау-бақшаны дамытып келеді. 20 гектар жердің 14 сотығына жүзім егілсе, қалған жерлеріне алма, өрік, шабдалы жемістерін өсірген. 

Бүгін Түркістан облысына бір топ шетелдік басылымдардың тілшілері келіп, Арыстанбаб, Қожа Ахмет Ясауи кесенелеріне саяхат жасады. Елбасының «Рухани жаңғыру» бағдарламасының «Жаһандағы заманауи қазақстандық мәдениет» жобасын халықаралық деңгейде ілгерілету шеңберінде шетелдік БАҚ өкілдерінің қатысуымен өткен мәдени баспасөз туры Қазақстан Республикасы Сыртқы істер министрлігі және Түркістан облысы әкімдігінің ұйымдастыруымен өтті. 

Келес ауданының әкімі Ақментай Есбаев аудан орталығы Абай ауылында тұрғындармен кездесті. Кездесу мақсаты Абай ауылының әкімі Ерғали Абдирахмановтың 2019 жылдың 6 айында атқарған жұмыстарын халықпен бірге тыңдау және талқылау, халықтың пікірін білу болып табылады. 

Бүгін Сайрам ауданының әкімі Бақтияр Мамаев Арыс қаласындағы ауданға және Маңғыстау облысына бекітіліп берілген нөмірі №4 секторда болып, атқарылып жатқан жұмыстарды көрді. Қазір аталған секторда жұмыс қарқынды. Аудан басшысы Маңғыстау облысы әкімдігінің өкілдерімен бірге құрылысы жүріп жатқан үйлерді аралап, тұрғындармен кездесті. Олардың өтініш-тілектерін тыңдады. 

Бүгін Сайрам ауданының орталығы Ақсукент ауылында орналасқан Шәмші Қалдаяқов атындағы мәдениет үйінде «Ана. Қоғам. Отбасы» тақырыбында аудандық әйелдер форумы болып өтті. 

Қазақстан Республикасының Тұңғыш Президенті Нұрсұлтан Назарбаев Қазақстан халқына арнаған кезекті Жолдауында 2019 жылды «Жастар жылы» деп жариялаған болатын. Осы бағытта жастарды жан-жақты қолдау мақсатында Түлкібас ауданында ауқымды жұмыстар іске асып жатыр.