Сайрам ауданында тамақ өнеркәсібі қарқынды дамуда. Аудан кәсіпкерлері дайындаған ұн өнімдері аудан халқын түгелдей қамтамасыз етуге жетеді. Тірліктің көзін тапқан кәсіпкерлер мемлекеттік жәрдемді де тиімді пайдалануда.

Түркістан облысына қарасты 50 мыңға тарта тұрғыны бар Сарыағаш қаласына кәріз жүйесін жүргізу ісі басталды. Осыдан жарты ғасыр бұрын шаһар мәртебесін иемденгенімен аудан орталығындағы ахуал экологиялық талаптарға мүлдем сай келмейтін. Ауқымды құрылыс үш жылға жоспарланып отыр екен.

ҚР Премьер-министрі Асқар Мамин Арыс қаласының әрбір тұрғынына яғни 44 781 мың адамға 100 мың теңге көлемінде өтемақы төлеу жоспарланып отырғандығын айтқан болатын. Төтенше жағдайдан зардап шеккендерге қолдау көрсетуге бағытталған қаржыға байланысты, қазір түрлі сауалдар туындауда. Сонымен бірреттік өтемақыға қабылданатын құжаттар қандай, кімдерге беріледі деген сауалдарға жауап іздеп көрсек.

Кәсіподақ өкілдері Арыстықтарға 30 миллион теңгенің материалдық көмегін көрсетті. Арыс қаласына барып, білім саласының қызметкерлерімен кездескен кәсіподақтар алдағы уақытта моральдық және материалдық көмектің көрсетілетінін айтты.

Арыстық оқушыларды жазғы сауықтыру лагеріне жайғастыру жалғасуда. Мәселен 4 аусымын ашық деп жариялаған «Балауса» демалыс орнында Арыстан келген 10 бала бар. Балалар онда мәдени, спорттық шараларға қатысып, жан-жақты дамуына жағдай жасалған.

Бүгінгі таңда Түркістан облысына қарасты Төлеби ауданындағы «Қасқасу» тау шаңғы курортының жобасы бойынша CG Group компаниясы қонақ үй кешендерін салуға қызығушылық танытып отыр.

Түркістан облысы, Келес ауданы, Абай ауылында мақсатына сай пайдаланылмай жатқан және бос жатқан жерлерді заңсыз иелену және пайдалану бойынша бірқатар жұмыстар атқарылуда.

Облыс әкімі Өмірзақ Шөкеев Арыстағы тұрғын үйлерді қалпына келтірумен айналысып жатқан Нұр-Сұлтан қаласына тиесілі №9 сектор, Шымкент қаласына тиесілі №10 сектор, БҚО-на тиесілі №11 секторжұмысымен танысты. Өңір басшысы төтенше жағдайдан жапа шеккен нысандарды жөндеуге жауапты облыстардың кемшіліктерін айтып, сын-ескертпе жасады. 

Жыл басында Келес ауданының орталығы Абай ауылында кәсіпкерлерге қызмет көрсету орталығы іске қосылған болатын. Қазіргі таңда аталған мекеме өз қызметтерін жалғастыруда. Ауданда тоқтап тұрған қыш зауытының иесі ауысып, қайта құрылымнан өткен кәсіпорын бүгінде жаңа қыш өнім түрлерін шығаруда. Сондай-ақ, аудан кәсіпкерлерінің ішкі инвестицияларының арқасында қазіргі таңда 3 кәсіпкерлік нысан іске қосылып, өз кәсіптерін дөңгелетуде.

2019 жылдың 13 шілдесінен бастап Қазақстан Республикасы Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты аясында Түркістан облысының Жетісай ауданындағы Асықата кентінде «Мырзашөл» Ақпараттық білім беру орталығы өз жұмысын бастады.