2019 жылдың 13 қарашасында Түркістан облысы әдістемелік орталығының ұйымдастыруымен өткізілген республикалық «Педагогикалық идеялар фестивалі» байқауына ауданнан 12 пән мұғалімі қатысты. Байқауда І орынға 7 мұғалім, ІІ орынға 5 мұғалім ие болды. 

Жетісай ауданының Ш.Ділдәбеков ауылдық округінде спорттық аяқ киім шығаратын шағын цех жұмыс істейді. Аталмыш цех 25 ауыл тұрғынын тұрақты жұмыспен қамтамасыз етіп отыр. Бұл кәсіпорын тәулігіне 1500 жұп аяқ киім шығаруға қабілетті. 

Бүгін Жетісай ауданының әкімі Жамантай Бейсенбаев жұмыс сапарымен Шаблан Ділдәбеков ауылдық округінде болды. Алдымен ол аталмыш округте орналасқан ауданның кіреберіс қақпасының жұмыстарымен танысты. Құрылыс жұмыстарының уақытылы әрі сапалы аяқтау қажет екендігін айтқан аудан әкімі мердігер компания өкіліне ел үшін жасалатын жұмыстарды кемшіліксіз жасауға шақырды. 

Жетісай ауданындағы Жаңаауыл ауылдық округінің ішкі көшелерінің жалпы ұзындығы 70,5 шақырымды құрайды. Оның 45,2 шақырымы асфальт болса, 15,3 шақырым көшеге тас төселген. 

Биылғы «Жастар жылында» мемлекеттік қолдаудың арқасында жылдық үстемесі 1 пайызбен 2 млн. теңге несие алып, шаруасының ауқымын кеңейткен жетісайлық жас кәсіпкерлердің бірі – Әсия Қозыбекова. Автокөліктердің орындықтарын қаптап, әрін келтіретін келіншек бұған дейін ескі тігін машинасымен жұмыс істеп келген екен. 

Осыдан екі апта бұрын Түркістан облысының Жетісай ауданындағы Жылысу ауыл округіне қарасты Кәрімата елдімекенінің тұрғындары ауылдарына кіре берістегі үлкен көпірдің құлайын деп тұрғанын айтып, аудан әкімдігіне шағымданған болатын.