Қазақстан Республикасының кейбір заңнамалық актілеріне агроөнеркәсіптік кешенді реттеу мәселелері бойынша заңнамалардың тиісті нормаларына түсіндірме жасау жөнінде семинар-кеңес өтті.

Семинар – кеңестің төрағасы, Созақ ауданы әкімінің орынбасары Ақәділ Сатыбалды семинар кеңесті ашып, бірқатар күн тәртібінде тұрған мәселелерге көпшіліктің назарын аударып, агроөнеркәсіптік кешенді реттеу мәселелері жөнінде қолданыстағы заңнамалардың нормаларын сақтауға бағытталған талаптарын түсіндіру мақсатында облыстық, аумақтық инспекциясымен ауыл шаруашылығы басқармасының сала мамандары келгенін айтып өтті.

Жиынға Түркістан облыстық аумақтық инспекциясының орынбасары және салалық бөлім басшылары, аудандық инспекция қызметкерлері, Созақ аудандық аумақтық инспекция басшысы, мамандары, аудандық ауыл шарушылығы бөлімінің басшысы, мамандары, ауылдық округтердің әкімдері, орынбасарлары және ауылшаруашылығы тауарын өндіруші жеке және заңды тұлғалар қатысты.

Күн тәртібіндегі мәселе бойынша Түркістан облыстық аумақтық инспекциясының орынбасары Б.Музаппаров инспекцияның негізгі міндеттері мен мақсаттары жайында баяндаса, Түркістан облыстық аумақтық инспекциясың өсімдіктерді қорғау жөніндегі мемлекеттік инспекция бөлім басшысы М.Куренбаев өзінің алғы сөзінде, аудан аумағында жеке және заңды тұлғалардың реттелетін салада қолданыстағы Қазақстан Республикасының агроөнекәсіптік кешенді реттеу мақсатындағы заңнамарының талаптарына инспекция тарапынан түсіндірме жүргізуге ықпал ету, алдағы уақытта осы саладағы заң бұзушылықтардың тәуекелдерін болдырмау және олардың алдын алу төңірегінде мәселелерді атап айтып, ауылшаруашылығы тауар өндірушілері мен тиісті жеке және заңды тұлғалар арасында қолданыстағы агроөнекәсіп кешенін реттейтін заңдарды жетік білмейтін немесе білсе де елемейтін фактілер кейінгі кезде жұмыс барысында жиі ұштасып жататын жағдайларды көрсетіп, күн тәртібінде тұрған қажетті заңнамалардың талаптарын кәсіби түрде шарушылық субъектілеріне түсіндіру шараларын жасау маңыздылығына тоқталды.

Сонымен қатар, өсімдіктерді қорғау жөніндегі мемлекеттік инспекция бөлімінің маманы Е.Ештаев Қазақстан Республикасының «Асыл тұқымды мал шаруашылығы туралы» Заң талаптарын түсіндіріп өтті.

Аталған жиында шаруалар көкейде жүрген сұрақтарын қойып, ұсыныс пікірлерін жеткізді.

Түркістан облысы бойынша экономикалық тергеп-тексеру департаментінің офицері Гүлзия Қарсыбай Жетісай аудандық ішкі саясат бөлімінің «Жастар ресурстық орталығы» КММ мәжіліс залында аудан жастарымен кездесіп, қаржылық сауаттылықты арттыру дәрістерін өткізді.

Кездесуде жастарға жеке бюджетті бақылау, карталарды қорғау, кеңінен таралған қаржылық өнімдер мен қызметтерді сауатты пайдалану машықтарымен, «Ақылды сауда» қағидаты, қаржы пирамидасы мен оның зардаптары, алдын-алу шаралары түсіндірілді.

Алаяқтардың жұмысын кеңінен жүргізіп, құрығына ілінетін адамдардың санын көбейтуіне ғаламторы дамыған қазіргі уақыт үлкен септігін тигізіп отыр. Қаржылық пирамиданы жүргізушілер телефонға телмірген аңғал елді түрлі тәсілдермен алдап, үйде отырып-ақ үлкен табысқа кенелуге болатынын айтып сендіреді. Табысынан айырылған немесе табысын тиімді жұмсай алмайтын азаматтар оңай олжаға кенелуді жөн санап өзінің маңдай терімен тапқанын, жетпесе қарыз немесе пайыздық үстеме ақша, тым болмағанда несие алып алаяқтардың қолына тапсырады. Онысымен қоймай өзінің артынан ертегіге сенгіш өзі секілді бірнеше адамды алып келеді. Міне, осындай жолмен салымшылар қатарын қалыңдатқан қарапайым жұрт алаяқтардың ауызын ақшаға толтырып келеді. Айтылған мерзімде уәде етілген жұмақ мекен де, қап-қап қаражат та көзден бұл-бұл ұшқан соң алданғанын білген салымшы құзырлы органдардың табалдырығын тоздырып, табанынан таусылады. Жапа шегушілер тарапынан жазылған арыздардың ешбірі қараусыз қалдырылмайды, аталған қаржылық пирамидалар ІІМ-нің жүйесіндегі ақпараттық технологиялар саласындағы қылмыстарды ашуға ең тәжірибелі деген білікті мамандардың тергеп-тексеруімен әшкереленеді. Әйтсе де, құзырлы органдар пирамидаларды жүргізушілердің қылмысын дәлелдегенімен қанша адам ақшасынан айырылып, зардап шегіп үлгереді. Міне, осылайша қарапайым ғаламтор да қылмыскерлердің арам пиғылын жүзеге асыруға өз септігін тигізіп отыр.

Қаржылық пирамидаларға қарсы құзырлы органдар тарапынан қыруар жұмыстар жүргізіліп жатса да алаяқтардың арбауына түсіп, «ауызы күйгендердің» саны азаяр емес. Қаржы пирамидасының салқынына бетпе-бет келген біраз отандастарымыз, ағайын-туыс, жора-жолдастарымыз бармақ тістеп, сан соғып қалса, енді біреулері өз-өзіне қол жұмсау әрекеттеріне де барып жатыр.

Жүздесу барысында осындай оңай олжа мен «батпан құйрық» компаниялардан бойларын аулақ ұстауға шақырған Гүлзия Қарсыбай жастарды өзімен қоса өзгелердің де қалтасын қағып «қарғысын» арқаламай, адал мен арамның аражігін ажырата білу қажеттігін ескертті.