Ғылым-білім

Ордабасы ауданында ІТ - сынып ашылды

«Балалар үшін тегін ІТ сыныптар» партиялық бастамашыл жобасы аясында бүгін Ордабасы ауданындағы «Кәусар» мектеп гимназиясында алғашқы ІТ-сыныбы ашылды. Балалардың қуанышына ортақтасқан «Нұр Отан» партиясы ТОФ төрағасының орынбасары Қалыйма Жантөреева бұл игілікке Елбасы Нұрсұлтан Назарбаевтың «Болашаққа бағдар: Рухани жаңғыру» бағдарламалық мақаласы аясында қол жеткізілгенін, мемлекет дамуының ендігі кезеңі «Цифрлы Қазақстан» жүйесімен жалғасатынын, ол үшін жастарға үлкен үміт артылатынын атап өтті.

Отырар ауданында IT - сынып ашылды

Отырар ауданындағы Шәмші Қалдаяқов атындағы мектеп-гимназиясының базасында IT-сынып ашылды. Сыныпта оқушыларды робототехника, 3 Д модельдеу, анимациялық фильмдер мен киберспорттық ойындар жасау ісіне баулымақ. «Цифрлы Қазақстан» жобасы аясында ашылған IT-сынып «Нұр Отан» партиясы Түркістан облыстық филиалы және Отырар ауданы әкімдігінің қолдауымен жүзеге асып отыр.

Бәйдібекте ІТ-сыныбы ашылды

«Цифрлы Қазақстан» бағдарламасы аясында «Нұр Отан» партиясының бастамасымен Бәйдібек ауданы Шаян ауылындағы Садық Әбдіжаппаров атындағы жалпы орта мектеп-интернатында алғаш рет IT-сыныбы ашылды. Шараға «Нұр Отан» партиясы Түркістан облыстық филиал төрағасының бірінші орынбасары Нұрмахан Жолдасов пен ауданы әкімі Бақытбек Танагөзов қатысып, IT-сыныбының лентасын салтанатты түрде қиды.

Түркістан облысы: тарих пәні мұғалімдеріне арналған семинар өтті

Қарашаның 22 күні Түлкібас ауданындағы Абай атындағы мектеп-лицейде тарих пәні мұғалімдеріне «Тарих пәндерін өткізу процессіндегі әдістемелер, нұсқаулықтар» тақырыбында әдістемелік семинар өтті. Семинардың мақсаты: тарих пәндерін жүргізуде тиімді әдіс-тәсілдерді меңгерту бағытында үлгілі сабақ, шебер сынып және тренигтер өткізу арқылы педагог мамандардың білімдерін жан-жақты шыңдау.
Семинарды Түлкібас АББ-нің әдіскері Д. Уразбаев ашып, іс-шараның мақсаты мен міндеттерін айтып өтті.

Түркістан облысының әкімі — Вильгельм Томсен медалінің иегері атанды

Түркістан қаласында өткен «Киелі Түркістан және Түркі дүниесінің рухани жаңғыруы» атты ғылыми-теориялық конференцияда бірқатар ғалымдар мен қайраткерлер және БАҚ өкілдері марапатталды. Биыл көне түркі жазуының алғаш оқылғанына 125 жыл толып отыр. Осыған орай, жазуды алғаш оқыған ғалымның атындағы сыйлық әзірленген болатын. Түркология саласына ғалым әрі саясаткер ретінде еңбек сіңіре білген Түркістан облысының әкімі Жансейіт Түймебаевқа осы Вильгелм Томсен медалі салтанатты түрде тапсырылды.

Түркістанда халықаралық түркі академиясының ғылыми орталығы ашылмақ

Түркістан қаласында «Киелі Түркістан және Түркі дүниесінің рухани жаңғыруы» атты ғылыми-теориялық конференция өтті. «Рухани жаңғыру» бағдарламасы аясындағы маңызды жиынды Түркістан облысының әкімдігі мен Халықаралық Түркі Академиясы өткізді. Жиынға елімізден бөлек Әзірбайжан, Ресей, Түркия, Қырғыз Республикасы, Өзбекстан, АҚШ, Тәжікстан, Үндістан мемлекеттерінен туркологтар мен ғалымдар және дипломатиялық өкілдіктерден де қонақтар келді. Жиында Түркістан облысының әкімі Жансейіт Түймебаев Түркістан қаласын Түркі әлемінің рухани және мәдени орталығына айналу бағытында жұмыстар басталғанын мәлімдеді.

Түркістанда халықаралық ғылыми-теориялық конференция өтуде

Түркістан қаласында «Киелі Түркістан және Түркі дүниесінің рухани жаңғыруы» атты ғылыми-теориялық конференция басталды. «Рухани жаңғыру» бағдарламасы аясындағы маңызды жиынды Түркістан облысының әкімдігі мен Халықаралық Түркі Академиясы бірлесіп ұйымдастырды. Сонымен қатар, Түркі кеңесі мен Қожа Ахмет Ясауи атындағы Халықаралық қазақ-түрік университеті де қолдау көрсетуде. Конференцияны Түркістан облысының әкімі Жансейіт Түймебаев ашты.

Түлкібаста қазақ тілі әліпбиін латын графикасына көшіру бойынша семинар өтті

«Қазақ тілі әліпбиін латын графикасына 2025 жылға дейін кезең-кезеңімен көшіру жөніндегі іс-шаралар жоспарын» іске асыру мақсатында «Латын негізді әліпби мен емле ережесі туралы насихат» жобасы бойынша көпшілікпен талқылау мақсатында «Тіл- Қазына» ұлттық ғылыми-практикалық орталығы бас директорының кеңесшісі - Оразкүл Асанғазы, Еуразия ұлттық университетінің профессоры, филология ғылымдарының докторы - Бекжан Әбдуалиұлы және Назарбаев Университетінің қауымдастырылған профессоры - Жазира Ағабекова жұмыс сапарымен Түлкібас ауданына келіп, аудан тұрғындарына семинар өткізді.