Түркістан облысы әкімінің орынбасары Бейсенбай Тәжібаев аудан, қалаға іссапармен барып, әлеуметтік нысандарды аралады. Алдымен Кентау қаласында Орталық клиникалық ауруханасындағы күрделі жөндеу жұмыстарымен танысты.
Кентау қаласының жылу энерго орталығын жаңа жылыту маусымында сапалы жылумен қамтамасыз ету жұмыстары күшейтілген режимде жүргізілуде. Алдағы жылыту маусымына дайындық жұмыстарын тексерген Түркістан облысының әкімі Дархан Сатыбалды жылу көздерін жаңғырту барысын бақылап, жылумен жабдықтау желілерін жөндеуге жауапты тұлғаларға нақты тапсырмалар берді.
Түркістан қаласында өткен БАҚ өкілдеріне арналған баспасөз турында журналистер «Asia Brend» жиһаз өндіретін фабрикасына барып, жұмыс барысымен танысты. Жалпы 150 адамды тұрақты жұмыспен қамтамасыз етіп отырған кәсіпорын жылына 22 мың дана жиһаз өндіреді. Бүгінде түркістандық жиһаздар Түркістан, Алматы, Астана, Шымкент, Қызылорда және Тараз қалаларында сатылымда. Сондай-ақ, өнімдер Ресей мен Қырғызстан елдеріне экспортталып жатыр.
Бүгін Туризм және меймандостық университеті мен Түркістан қаласы әкімдігінің ұйымдастыруымен «2024 жыл - Түркістан – түркі елдерінің туризм астанасы» атануына орай БАҚ өкілдеріне арналған баспасөз туры өтті. Тур аясында журналистер облыс орталығындағы құрылыс жұмыстарымен танысты.
Түркістан музыкалық драма театры 18-19 мамыр күндері ақын-драматург Оңайгүл Тұржанның «Қаламқас» пьесасын сахналайды. Бұл туралы бүгін театрда өткен баспасөз жиынында кеңінен баяндалды.
Түркістан облысы әкімінің орынбасарлары «Ашық әкімдік» кеңсесінде кестеге сәйкес жеке қабылдаулар өткізіп келеді. Бұл жолы облыс әкімінің орынбасары Ермек Кенжеханұлы өзі жетекшілік ететін салалар бойынша жергілікті тұрғындардың өтініштері мен ұсыныстарын тыңдады. Қабылдауға 20-дан астам азамат келді.
Биыл Түркістан облысында 45 мыңнан астам оқушы бюджет есебінен жазғы сауықтыру лагерьлерінде демалады. Жалпы жаз мезгілінде облыс бойынша 22 сауықтыру лагері қызмет көрсетеді. Оның 7-і - мемлекеттік болса, 15-і - жекеменшік. Балалардың жазғы демалысын ұйымдастыруда арнайы дайындықтан өткен 14 444 педагог жұмыс істейді. Бұл жайында Түркістан облысы білім басқармасы басшысының міндетін атқарушы Жандос Маханбетов брифингте мәлімдеді.
Бүгін Түркістан облысының әкімі Дархан Сатыбалды Түркия Республикасы Жоғары сайлау кеңесінің төрағасы Ахмет Йенер бастаған халықаралық делегациямен кездесті. Түрік делегациясының құрамына Түркия Республикасының Жоғары сайлау кеңесінің мүшелері Фейзи Эроглу мен Бакир Талип қатысты. Сондай-ақ кездесуге Қазақстан Республикасы Орталық сайлау комиссиясының хатшысы Мұхтар Ерман қатысты.
Бүгін Қожа Ахмет Ясауи атындағы Халықаралық қазақ-түрік университетінде Түркістан облысы бойынша «Мамандығым – болашағым» өңірлік жобалық кеңсесінің ашылу салтанаты өтті.
Түркістан облысында тұқымбақтардың көлемін ұлғайту, климаттық жағдайды жақсарту бағытында жұмыстар атқарылып жатыр. Осы орайда Ордабасы ауданындағы Бадам орман және жануарлар әлемін қорғау жөніндегі коммуналдық мемлекеттік мекемесінде заманауи тұқымбақ ашылды. Түркістан облысы мен Шымкент қаласының журналистері және өңірдің баспасөз хатшылары тұқымбақ шаруашылығымен және өндіріліп жатқан көшет түрлерімен танысып қайтты.