Бәйдібек ауданы Ақбастау елді мекеніндегі Шоқан Уәлиханов атындағы жалпы орта мектебінде жастар арасында волейболдан жарыс өтті. Ұлы Абай Құнанбайұлының 175 жылдығына орай ұйымдастырылған додаға 8 команда қатысып үздіктерін анықтады. Сондай-ақ күні кеше бокстан жастар арасында Түркістан облысының чемпионаты бастау алды.
Жерлесіміз Тілектес Әділ Бақытжанұлы 1998 жылы Түлкібас ауданының Т.Рысқұлов ауылында дүниеге келген. Жастайынан спортты жанындай жақсы көретін Әділ еркін күрес, грек-рим спортымен шұғылданып келеді.
Арыс қаласында халықаралық талаптарға сай жабдықталған жаңа спорт кешені ашылды. Орталықта бір мезетте 100-ге жуық спортшының жаттығу жасауына толық мүмкіндіктер қарастырылған. Заманауи кешенде бір спорттық ойындар өткізетін және екі күрес залы бар. Нысан "Самұрық-Қазына" ұлттық әл-ауқат қоры" акционерлік қоғамының демеушілігімен салынып, өңір тұрғындарының игілігіне берілді.
Бүгін аудан әкімі Ақментай Есбаев аудан орталығы Абай ауылында құрылысы жүріп жатқан нысандарды аралап көрді. Аудандық мәслихат хатшысы, аудан әкімінің орынбасарлары және мердігер мекеме басшыларымен бірге құрылыстың барысымен танысып, сонымен қатар сапасына назар аударып, мерзімінде аяқтау бойынша тиісті тапсырмалар берілді.
Түркістанда баскетболдан 2006-2007 жылы туған жасөспірімдер арасында өткен халықаралық бәсекеде топ жарған мектеп оқушылары марапатталды. Байрақты бәсекеде көне шаһардағы №8 Нәзір Төреқұлов атындағы жалпы орта мектебінің оқушы қыздары топ жарған болатын.
Түркістан қаласының әкімі Рашид Аюпов рухани шаһардың спортын дамытуға елеулі үлес қосқан спортшылар мен бапкерлерді марапаттады. Олардың қатарында республикалық және әлемдік ареналарында топ жарған жас өрендер бар.
Қытай елінің Тайбэй Тайчжунь қаласында грек-рим күресінен жасөспірімдер арасында Азия чемпионаты аяқталды. Айтулы додада Түркістан облысының спортшысы Санжар Құдайберген күміс алқаны олжалап, ел мерейін үстем етті.
Футболдан Қазақстан біріншілігінің Екінші лигасында өнер көрсеткен «Арыс» командасы биылғы маусымды жақсы нәтижемен аяқтады. Келер жылы Түркістан облысының намысын Бірінші лига клубтары қатарында қорғайтын болады.