Қысқы жылу маусымына дайындық жұмыстары кестеге сәйкес жүргізілуде. Коммуналдық шаруашылық саласының мамандары жұмыстың жоспарлы уақытында аяқталатынын және қала тұрғындары жылу тапшылығын сезінбейтінін айтады.
«Алдағы жылу маусымына дайындық жұмыстары толық деңгейде жүріп жатыр, - дейді қалалық тұрғын үй коммуналдық шаруашылығы бөлімінің басшысы Нұрлан Бектұрсынов. Сондай-ақ: «өткен жылу маусымынан кейін негізгі және ішкі орамдық жылу жүйелеріне қысымдау жұмыстары жүргізілді. Жылумен қамту желілерінде 163 ақау анықталып, бүгінгі күнге дейін оның 49-ы қалпына келтірілді. Аталған жұмыстарды «Қуатжылуорталық-3» мемлекеттік кәсіпорны іске асыруда»,-деді бөлім басшысы.
«AQ-QARA.KZ» – ақпарат»