Түркістан қаласының жаңа қала аумағында Орталық және Рәміздер алаңы бой көтереді. Жаңа нысан ұлттық құндылықтарды дәріптеп, мемлекеттік рәміздердің мәні мен маңызын насихаттайтын қоғамдық кеңістік ретінде қалыптаспақ.
23 тамыздағы Құрылтай сайлауы – Қазақстандағы қатысушы демократияның дамуына бағытталған маңызды белес. Бұл сайлау арқылы әр азамат елдің болашағын қалыптастыруға нақты үлес қоса алады. Тамыз айында өтетін сайлау азаматтық қоғамның саяси салмағын арттырып, мемлекеттік басқаруды сапалы жаңа деңгейге көтереді.
Қазақстан Республикасы Мемлекеттік қызмет істері агенттігінің Түркістан облысы бойынша департаменті басшысының орынбасары, Әдеп жөніндегі кеңес хатшылығының меңгерушісі Ерғали Жұмабаевтың төрағалығымен Созақ ауданында мемлекеттік қызмет саласындағы жаңа заңнамалық талаптарды түсіндіруге арналған семинар өтті.
Созақ ауданының әкімі Мұхит Тұрысбековтің төрағалығымен кезекті аппарат мәжілісі өтіп, ауданның әлеуметтік-экономикалық дамуына қатысты бірқатар өзекті мәселелер жан-жақты қаралды. Жиынға аудан әкімінің орынбасарлары, дербес бөлім және мекеме басшылары, ауылдық округ әкімдері мен жауапты сала мамандары қатысты.
Сауран ауданы әкімі аппаратының басшысы Бекзат Абубакировтың төрағалығымен аппараттық мәжіліс өтті. Жиын барысында мемлекеттік қызметке алғаш қабылданған қызметкерлердің Қазақстан Республикасы Ұлттық қауіпсіздік комитетінің оң қорытындысы негізінде мемлекеттік әкімшілік лауазымдарға тағайындалуы рәсімделіп, бес мемлекеттік қызметші Қазақстан Республикасының мемлекеттік қызметшісі антын қабылдады.
Жиынға аудан әкімі Мұхит Тұрысбеков, аудандық мәслихат депутаттары, бөлім және мекеме басшылары, ауылдық округ әкімдері қатысты. Сессияны аудандық мәслихаттың төрағасы Ордабек Жәмиев жүргізді. Күн тәртібінде сегіз мәселе қаралып, ауданның әлеуметтік-экономикалық дамуына қатысты шешімдер қабылданды.
Отырар ауданында жалпыхалықтық референдум арқылы қабылданған Қазақстан Республикасының жаңа Конституциясының ресми түрде күшіне енуіне орай «Конституция – ел бірлігінің кепілі» атты салтанатты жиын өтті. Мәдениет сарайында ұйымдастырылған тарихи шараға мемлекеттік мекеме қызметкерлері, құқық қорғау органдарының өкілдері, қоғам белсенділері мен аудан тұрғындары қатысты.
Тарихы терең, тағылымы мол «Отырар алқабы» газетінің жарық көргеніне биыл 90 жылдан асты. Ауданмен қатар құрылған басылым тоғыз онжылдық бойы елдің мұңын мұңдап, жоғын жоқтап, ауданның тыныс-тіршілігін, жетістігі мен жаңалығын халыққа жеткізіп келе жатқан рухани ордаға айналды.