Түркістан облыстық мәдениет басқармасының қолдауымен және облыстық «Фараб» әмбебап ғылыми кітапханасының ұйымдастыруымен өңірдің зиялы қауым өкілдері Өзбекстанға әдеби сапармен барды. Делегация мүшелері Жызақ қаласында көрнекті мемлекет және қоғам қайраткері, қаламгер Шараф Рашидовтың ескерткішіне гүл шоқтарын қойып, рухына тағзым етті.
16 наурыз – Мәдениет және ұлттық салт-дәстүр күніне орай Отырар аудандық мәдениет үйінде «Ұлттық құндылық – ел қазынасы» атты тағылымды кездесу кеші ұйымдастырылды. Шара аясында белгілі суретші, ақын, Отырар ауданының Құрметті азаматы Мәлік Әділхан Табылханұлымен кездесу өтті.
Түркістан төрінде алғаш рет ұйымдастырылған халықаралық кітап көрме-жәрмеңкесі жалғасын табуда. «Turkistan Book Fair» жәрмеңкесіне алыс-жақын шетелдер мен еліміздің түкпір-түкпірінен 50-ге жуық баспа ұйымы қатысуда. Олардың қатарында Түркия, Өзбекстан, Әзербайжан, Қырғызстан, Саха Республикасы (Якутия), Ресей және Моңғолия бар.
ҚР Мемлекеттік Әнұранының авторы, Қазақстанның Халық әртісі, Еңбек Ері Шәмші Қалдаяқовтың 95 жылдығы аясында композитордың өмірі мен шығармашылығын кеңінен насихаттау мақсатында апталық өтуде. Шара аясында композитордың өмірі мен шығармашылығын еске алуға арналған дөңгелек үстел ұйымдастырылды.
Биыл халқымыздың біртуар ақыны – Абай Құнанбайұлының туғанына 180 жыл толып отыр. Осы айтулы мерекеге, яғни, 10 тамыз - Хакім Абайдың туған күніне орай Отырар кітапханасында Абай апталығының ашылу салтанаты өтті.
Бүгін Созақ ауданының әкімі Мұхит Тұрысбеков қарымды қаламгер, Қазақстан Журналистер одағының мүшесі, «Созақ үні» газетінің Бас редакторы Сәрсенбек Сайлаубекұлын қабылдап, 63 жасқа толған мерейтойымен және зейнеткерлік жасқа қадам басуымен құттықтады.
Отырар ауданының 90 жылдық мерейтойы аясында Шәуілдір ауылындағы аудандық мәдениет сарайында отырарлық шығармашыл тұлғалардың көшін жалғап келе жатқан есімі елге танымал суретші, ақын, сазгер, ҚР Мәдениет саласының үздігі, «Ерен еңбегі үшін» медалінің иегері, Отырар ауданының Құрметті азаматы Мәлік Әділхан Табылханұлының «Отырар романтизмі» және «Тамшы» атты кітаптарының тұсаукесер рәсімі өтті.
Отырар ауданының құрметті азаматы, саналы ғұмырын туған жерінің тарихы мен этнографиясын зерттеуге арнаған қаламгер Сағындық Қыдырұлының «Алдым – сағым, артым - сағыныш» кітабының тұсаукесері өтті. Отырардың отты перзенттерінің бірі Сағындық ағамыздың бұл үшінші кітабы еді.
Сауран ауданындағы мәдениет үйінде ақын, Қазақстанның еңбек сіңірген қайраткері, Қазақстан Жастар одағы және Халықаралық «Алаш» сыйлығының лауреаты, ҚР Жазушылар одағының басқарма төрағасының орынбасары, Түркістан, Кентау қалаларының, Сауран ауданының Құрметті азаматы, «Құрмет» орденінің иегері, жерлесіміз Қасымхан Бегмановтың «Армысың, ағайындар алыстағы» атты шығармашылық кеші болып өтті.
Отырар ауданында қазақтың бас ақыны Абай Құнанбайұлының құрметіне белгіленген «Абай күні» қарсаңында Отырар аудандық кітапханасының ұйымдастыруымен жетінші рет «Абай оқулары» байқауы өтті. Сайыс алдында келушілерге ұлы тұлғаның өмірі мен шығармашылығы жайлы көрме таныстырылды.