Сауран ауданы әкімдігінің мәжіліс залында аудан әкімдігі мен Түркістан облысы Қоғамдық даму басқармасы «Қоғамдық келісім» КММ Сауран аудандық филиалының бірлесе ұйымдастыруымен «Заң мен тәртіп –тұрақтылықтың негізі» тақырыбында жиын өтті.
Отырар ауданында қоршаған ортаның тазалығын қамтамасыз ету, санитарлық жағдайды жақсарту және тұрғындарға қолайлы өмір сүру ортасын қалыптастыру бағытындағы жұмыстар тұрақты түрде жүргізілуде. «Таза Қазақстан» республикалық экологиялық акциясы аясында аудан аумағында құрылған жұмысшы топ кезекті рейдтік іс-шара өткізіп, санитарлық тазалық талаптарының сақталуына мониторинг жүргізді.
Сауран ауданының әкімі Мақсат Таңғатаровтың төрағалығымен аудан аумағындағы заңсыз құрылыс нысандары мен жер учаскелерін заң талаптарын бұза отырып пайдалану мәселелері бойынша кәсіпкерлермен кездесу өтті. Жиынға тиісті салаға жауапты бөлім басшылары, ауылдық округ әкімдері және кәсіпкерлік нысандарының өкілдері қатысты.
Отырар ауданында «Таза Қазақстан» республикалық экологиялық акциясы және «Заң мен Тәртіп» қағидаты аясында санитарлық тазалықты қамтамасыз ету, абаттандыру талаптарының сақталуын бақылау бағытындағы мониторинг жұмыстары жүйелі түрде жүргізілуде.
Шомылу маусымына байланысты Сауран ауданы аумағындағы өзен-көлдер, су айдындары және жеке меншік бассейндерде тұрғындардың қауіпсіздігін қамтамасыз ету мақсатында рейдтік-түсіндіру жұмыстары жүргізілді.
Отырар ауданында «Таза Қазақстан» бағдарламасы мен «Заң және тәртіп» қағидатын іске асыру аясында мобильді топ құрылды. Мобильді топтың қатысуымен саябақтарда, скверлерде, жағалау аймақтарында, демалыс орындарында, сондай-ақ халық көп шоғырланатын қоғамдық орындарда рейдтік іс-шаралар ұйымдастырылды. Аралау барысында, тазалық қағидаларын бұзудың 8 фактісі анықталды.
Сауран ауданында аудан әкімі Мақсат Таңғатаровтың төрағалығымен, аудан прокуроры Алмаз Асылбеков және аудандық полиция бөлімінің басшысы, полиция полковнигі Алмат Абидиновтың қатысуымен мекемеаралық мәжіліс өтті.
Ауданда азаматтардың құқықтық сауаттылығын арттыруға және тұрғындарға заңгерлік көмек көрсетуге бағытталған «Халық заңгері» жалпыреспубликалық акциясы өтті. Аудан орталығындағы «Мыңжылқы» мәдениет үйінде ұйымдастырылған шараның мақсаты – тұрғындардың құқықтық мәселелерін шешуге жәрдемдесу, заңнама талаптары бойынша түсіндіру жұмыстарын жүргізу және азаматтардың мемлекеттік органдармен өзара байланысын нығайту.