Түркістан облысының Бәйдібек ауданында бизнестің әлеуметтік жауапкершілігі тетігі аясында қыруар тірлік атқарылуда. Сондай игі істі аудандағы құс шаруашылығымен айналысып отырған Біріккен Араб әмірлігінің компаниясы іске асырып отыр. Аталған кәсіпорын өз қаражатына аудан орталығы – Шаян елдімекенінен су жаңа заманауи үлгідегі спорт кешені құрылысын аяқтап, өткен жылы ел игілігіне тапсырған болатын.
Түркістан облысы, Жетісай ауданында отырғызылған көшеттердің басым көпшілігі жергілікті бақта өсірілген. Бүгінде өңірде саябақтар мен гүлзарларды, көше бойларын көгалдандыру жұмыстары жүргізілуде.
Жетісай ауданында мемлекеттік қызметкерлер жаппай ағаш отырғызды. Көпке үлгі боларлық шара Жетісай қаласы мен Қазыбек би ауылдық округін байланыстыратын үлкен жолдың бойында өтті.
Түркістан қалалық жолаушылар көлігі және автомобиль жолдары бөлімінің ұйымдастыруымен қоғамдық көліктерге рейд жүргізілді. Бұл шара күн санап түлеп жатқан шаһардағы қоғамдық көліктің қала жұртшылығына сапалы қызмет көрсетуін қатаң бақылау мақсатында ұйымдастырылды.