Түркістан облысының кәсіпкерлері елордаға 10 мың бетперде беріп жіберген. Шеберханаларда тігілген маска бір реттік емес, бірнеше мәрте қолдануға болады.

Елдегі төтенше жағдайға орай, түркістандық  еріктілер бірқатар жобаларға атсалысуда. «Жастар ресурстық орталығы» көрсетілетін қызметтерді қашықтықтан жүзеге асыруда. Жастардың үздіксіз дамуын әрі бос уақытын тиімді пайдаланып, қашықтықтан оқуға дағды қалыптастыру мақсатында бірқатар жобалар қолға алынды.

Түркістан облысы Сайрам ауданы мəслихатының депутаты, фракция мүшесі Байсейіт Жамалбеков пен Nur Otan партиясының белсендісі Қадір Қуатбеков бастаған азаматтар #BizBirgemiz акциясы аясында 50 отбасына көмек көрсетті.

Түркістан облысында 4525 зейнеткердің зейнетақысы үйлеріне жеткізілді. Оның 2361-і Түркістан қаласына тиесілі. Бұл төтенше жағдай кезінде мекеме ғимараттарына адамдардың көп шоғырлануын болдырмау мақсатында қолға алынған шара.