Ұлттық құраманың бас бапкері, Олимпиада чемпионы Бақыт Сәрсекбаевтың айтуынша, қазіргі оқу-жаттығу жиынының негізгі мақсаты – спортшылардың техникалық және физикалық дайындығын жетілдіріп, құрлықтық бәсеке алдында бабын толықтыру. Айта кетейік, бокстан жастар арасындағы Азия чемпионаты 3-19 шілде аралығында Индонезияның Джакарта қаласында өтеді деп жоспарланған. Осы маңызды жарысқа дайындық мақсатындағы Түркістандағы оқу-жаттығу жиыны 19 маусым мен 2 шілде аралығын қамтиды. Қазіргі таңда ұлттық құрама сапында Түркістан облысының бес боксшысы шеберліктерін шыңдап, ел намысын халықаралық аренада қорғауға әзірленіп жатыр.
«WWW.AQ-QARA.KZ» - ақпарат