Мақтаарал ауданында 61 мың гектарға жуық егістік жер бар. Биыл 51602 гектар жерге қысқы сор шаю жұмыстары жүріп, мақтааралдық диқандар көктемгі дала жұмыстарын бастауға сақадай сай тұр. Ол үшін мемлекет тарапынан жеңілдетілген бағада наурыз айына 1160 тонна, сәуір айына 1190 тонна, мамыр айына 715 тонна жанар жағармай бөлінген.

Түркістан облысы әкімдігі тарапынан өнім өткізу нарықтарын айқындау мақсатында барлық облыс әкімдіктерімен Меморандумға қол қойылып, еліміздің өзге өңірлеріне 50 мың тонна және Ресей Федерациясына 250,0 мың тонна өнім сату жоспарланып отыр.

Елде жарияланған төтенше жағдай кезінде әлеуметтік қолдауға зәру отбасыларға әлеуметтік көмек көрсету үшін Ордабасы ауданындағы бірқатар үкіметтік емес ұйым белсенділері және мешіт жамағаты қайырымдылық шараларын өткізді.

Түркістан қаласында ашық аспан астында өтетін думанды мерекелерге арналған жаңа алаң пайда болды. Шаһардағы Есімхан алаңында әлемге әйгілі Нью-Йорк баспалдағы салынуда.