Шымкент қаласы әкімдігінің Өңірлік коммуникациялар орталығында Еңбекші ауданының әкімі Есілбек Досбол Күздікбайұлы 2023 жылдың алты айындағы ауданның әлеуметтік-экономикалық дамуы туралы есептік брифинг берді.

Қазақстан Республикасы Президентінің әкімдердің халықпен кездесулерін өткізу туралы №826 жарлығын орындау бойынша:

2023 жылы аудан тұрғындарымен жалпы 22 рет кездесу өткізіліп, оған 690 нан астам тұрғын қатысты.

Оның ішінде, қала әкімі Еңбекші ауданының тұрғындарымен кестеге сәйкес және кестеден тыс екі кездесу өткізіп, нәтижесінде 59 тапсырма берді. Бүгінгі таңда оның 28-і орындалып, 31 мәселе орындалу барысында.

Сонымен қатар, Мәслихат бекіткен кестеге сәйкес аудан әкімі Исфиджаб, Азат, Абдулабад, Тоғыс, Қаратөбе, Базарқақпа, Елтай тұрғын алаптарында кездесу өткізіп, тұрғындар тарапынан 75 мәселені қарауға алды. Оның бүгінде 36-сы шешімін тапса, 39 мәселе бойынша жұмыстар орындалу барысында.

Жаңа «Тұран» ауданының құрылуына байланысты Еңбекші ауданының шекарасы өзгерді. Қаратау ауданынан «Исфиджап», «Орманшы», «Достық» тұрғын алаптары мен «Азат» шағын ауданы қосылса, Әл-Фараби ауданынан «Бадам» шағын ауданының 2-ші бөлігі қосылды. Сондай-ақ, Еңбекші ауданынан Қаратау ауданына «Шапағат», «Мирас», «Тараз», «Солтүстік Шығыс» шағын аудандары, Әл-Фараби ауданына «Теріскей», «Сайрам», «Күншығыс», «Шымкентстрой», 15-ші, 16-шы, 17-ші, 18-ші шағын аудандары, орталықтағы үйлер берілді.

Қазіргі таңда аумағы 22 800 гектарды алып отырған Еңбекші ауданындағы халық саны 228 830 құрайды.

Жалпы аудан аумағындағы 17 тұрғын алап пен 12 шағын ауданда 728 көше мен өткел, 1 саябақ, 2 гүлзар, 283 көпқабатты және 37 061 жеке тұрғын үйлер орналасқан.

Инфрақұрылыммен қамту:

Ауданның халық шоғырланған негізгі бөлігі инженерлік жүйелермен қамтылған. Атап айтқанда, ауыз сумен 94,5%, электр жарығымен 98,3%, табиғи газбен 90,7%, кәріз жүйесімен 41%, асфальт жолмен 74% қамтылған.

Қала әкімінің тапсырмасына сәйкес, Еңбекші ауданында инфрақұрылым жүйелерін дамыту туралы 2022-2025 жылдарға арналған «Жол картасы» қалалық энергетика және инфрақұрылымды дамыту басқармасымен бекітіліп, жұмыстар жүргізілуде.

Ауыз сумен қамтамасыз ету:

2022 жылы ауыз сумен қамтылу көрсеткіші 94,5% құраса, биылғы жылдың қорытындысымен халық шоғырланған аумақтар толық ауыз сумен қамтылады. Ал жаңақұрылыс аумақтары 2024-2025 жылдары 100 пайыз ауыз сумен қамту жоспарланған.

Сапалы электр жарығымен қамтамасыз ету:

Аудандағы елді мекендердің 98,3% мемлекеттің сапалы электр жарығымен, 1,2% жекеменшік жүйедегі жарықпен қамтылса, қалған 0,5% электр жарығымен қамтылмаған жаңақұрылыс учаскелері. 2024-2025 жылдары аудан аумағын толығымен сапалы электр желісімен қамту жоспарланған.

Табиғи газбен қамтамасыз ету:

Табиғи газ жүйесімен қамту көрсеткіші 2022 жылы 90,7% құраған болса, 2023 жылы жаңа шекараның белгіленуіне сәйкес, қамту көрсеткіші 87,2% төмендеді.

Оңтүстік, Қарабастау, Жұлдыз, Жалын, Қаратөбе тұрғын алабының жаңақұрылыс аймағындағы 3739 абонентке жобалау-сметалық құжат әзірленіп, сараптамадан өткізуге тапсырылған. Оның ішінде, Қаратөбе тұрғын алабының жаңақұрылыс аймағына әзірленген ЖСҚ сараптаманың оң қортындысын алды.

2025 жылдың қорытындысымен 5992 абонентті құрайтын жаңақұрылыс аймақтарын көгілдір отынмен қамтамасыз етіп, көрсеткішті 100%-ға жеткізу жоспарланған.

Кәріз жүйесімен қамтамасыз ету:

Кәріз жүйесімен қамтылу көрсеткіші 2022 жылы 57%-ды құраған болса, қазіргі таңда әкімшілік аумақтың өзгеруіне байланысты кәріз жүйесімен қамтылу жағдайы 41%-ды құрап отыр.

Оның ішінде, «Ұлағат» шағынауданында кәріз жүйесінің құрылыс жұмыстары жүргізілуде, нысан құрылысы 2023 жыл қорытындысымен аяқталатын болады. Жұлдыз тұрғын алабындағы көпқабатты 27 үйге кәріз жүйесі жүргізілді. Қазіргі уақытта пәтер иелеріне абоненттеу бойынша түсіндіру жұмыстары жүргізілуде.

Автожолдар сапасы:

Ауданда ұзындығы 732,91 шақырымды құрайтын 728 көшелер мен өткелдер бар. Жолдардың 73,1%-ын асфальт, 21,6%-ын тастақ 5,3%-ын топырақты жол құрайды.

2023 жылы ұзындығы 45,5 шақырымды құрайтын 73 көшені жөндеу жоспарланған. Қазіргі таңда 38 көше асфальтталды, 25 көшеде жұмыстар жүргізілуде, 9 көше бойынша мемлекеттік сатып алу конкурсы өтуде.

«Исфиджап» т/а ауыз су құрылысы жүргізілетіндіктен 1 көше 2024 жылға ауыстырылды. 2027 жылға дейін жаңақұрылыс аймағындағы инфрақұрылым жүйесімен қамтылғаннан аудан аумағын қанағаттанарлық жол үлесін 100%-ға жеткізу жоспарда бар.

Көшелерді жарықтандыру:

Еңбекші ауданы аумағындағы жарықтандырылған көше саны - 89.

Биылғы жылы 28 көшені жарықтандыру, 2024 жылы 21 көшені, 2025 жылы 22 көшені жарықтандыру жоспарлануда.

Ирригациялық арықтар орнату:

2023 жылдың І-кезеңімен 3,5 шақырымды құрайтын 10 мекен-жайға, ІІ-кезеңімен 2,8 шақырым болатын 3 мекен-жайға ирригациялық арықтар салу жоспарланып, тиісті жұмыстар атқарылуда.

Қалған 23 көшеге ирригациялық арық орнату 2024-2025 жылдарға жоспарланған.

«Халық қатысатын бюджет» жобасы:

Еңбекші ауданы бойынша 283 көпқабатты үй 132 аулаға біріктірілген. 2021 жылдан бастап «Халық қатысатын бюджет» жобасы аясында тұрғындар өз ұсыныстарын жасау арқылы, жергілікті бюджеттің қалыптасуына қатысып келеді.

2021 жылы 41 көпқабатты үйдің 32 ауласы абаттандырылып, ойын алаңшалары құрылса, 2022 жылы 75 көпқабатты үйдің 42 ауласы абаттандырылып, жеке секторда 11 кешенді балалар ойын алаңшалары құрылды.

2023 жылы 35 үйдің ауласын абаттандыру және 4 жеке секторда балалар ойын алаңшасын құру жоспарланған.

2024-2025 жылдары 62 ауланы абаттандыру жоспарлануда.

Спорт алаңшаларын салу:

Қазіргі таңда аудан аумағында 55 ашық спорт алаңшасы орналасқан.

2023 жылы 7 спорт алаңшасын орнату жоспарланса, 6 алаңшаның құрлысы аяталу сатысында, ал, 1 алаңшаны құру бойынша жер телімі дайындалуда.

Жылыту маусымына дайындық:

Еңбекші ауданына қарасты 283 көпқабатты тұрғын үйдің 175-і орталықтандырылған жылумен қамтылған. 2023-2024 жылдары көпқабатты тұрғын үйлерді қысқы жылу маусымына сапалы және уақытылы дайындау мақсатында аудандық жұмыс штабы құрылған. Сонымен қатар, «Қуат жылу орталық-3» МКК мен бірлескен іс-шаралар жопары бекітілген.

Қазіргі таңда аудан аумағындағы 105 (60%) көпқабатты тұрғын үйлерге сығымдау жұмыстары жүргізіліп, дайындық актісі алынды.

Сонымен қатар, түсіндіру жұмыстарының нәтижесі бойынша 6 үй тұрғындары сервистік компаниямен келісім-шарт түзді, ал 7 үйдің тұрғындары сервистік компаниямен келісім-шарт түзіуде, 5 үйде сығымдау жұмыстарына дайындық жүргізілуде.

Әлеуметтік нысандардың жылыту маусымына дайындығы:

Аудан аумағында жалпы саны 61 әлеуметтік нысан орналасқан, оның ішінде орталық жылуға қосылған 16, автономды жылыту қазандығы бар 45 нысан бар.

10 нысанға сығымдау жұмыстары жүргізілген, 6 нысанда сығымдауға дайындық жүргізілуде. Қатты отынымен жылытатын №124 мектепке көмір түсірілді, ал № 67 мектепке бір апта көлемінде түсірілетін болады.

Қызмет көрсететін сервистік компаниялар:

Еңбекші ауданында 64 үйге 7 сервистік компания қызмет көрсетуде. Олар:

- «Теплокомсервис» ЖШС-ы (16 шағынауданы, тел: 8-702-655-05-82),

- «Нұр-Арыстан» ЖШС-ы (Түркістан көшесі №314, тел: 8-701-727-45-47),

- «NUR-D» ЖШС, ЖК «Шоманбаев» (Ш.Уалиханов көшесі №213А, тел: 8-705-483-85-54),

- ЖК «Аскар» (Елшібек батыр көшесі №114, тел: 8-705-885-77-30),

- «Kaz construction service-2020» ЖШС (Кожановкөшесі №1/10, тел: 8-708-478-60-38),

- ЖК «МолИз» (Академгородок №61, тел: 8-701-728-56-98).

Қатты отын қоры бойынша:

Еңбекші ауданы бойынша жеке секторда көгілдір отынмен қамтылмаған 1212 тұрғын үй бар. Ағымдағы жылдың қысқы жылу маусымында қатты отын қажеттілігі – 4242 тоннаны құрайды. Аудан тұрғындарын көмірмен қамтамасыз етумен «Азамат-Мұнай» ЖШС-ы (Қойкелді батыр көшесі) және ЖК «Арганат» (К.Цеткин көшесі 159) мекемелері айналысады. Қоймада – 3200 тонна қатты отын бар (бағасы – 18300 тг). Қазіргі таңда 1100 тонна (25%) көмір сатып алынды.

Жалпы аудан аумағында ұзындығы 260 шақырымды құрайтын 390 көше, даңғыл және өткелдер бар. Жолдардың 233,2 шақырымын (89,7%) асфальт жол, 22,5 шақырымын (8,7%) тас жол және 4,3 шақырымын (1,6%) топырақ жол құрайды. 2023 жылы барлығы 28 көшеге ораташа жөндеу мен 12 көшеге шағал тас төсеу бойынша ұсыныстар қалалық Жолаушылар көлігі және автомобиль жолдары басқармасының жұмыс жоспарына енгізіліп, қазіргі таңда қарқынды жұмыстар атқарылуда. Жыл басынан бері 13 көшеге асфальт жабындысы төселді.

Аудан аумағындағы 110 көше жарықтандырылған. 2023 жылы 14 көшені жарықтандыру мақсатында Энергетика және инфрақұрылымды дамыту басқармасының жоспарына ұсыныс енгізіліп, оның ішінде 8 көшені жарықтандыру бойынша жұмыстар толығымен аяқталды.

Бүгінгі таңда Әл-Фараби ауданы тұрғындарының 99,9% табиғи газбен, ал, 100%-ы ауыз су және электр қуатымен қамтамасыз етілген. «Сәуле» ш/а 276-орамдағы табиғи газ желісінің құрылыс жұмыстары «Ремстрой» ЖШС мердігер мекеме тарапынан жүргізілуде. Құрылыс жұмыстары 2023 жылдың қыркүйек айына дейін аяқталып, аудандағы табиғи газбен қамту көрсеткіші 100% құрайтын болады. Әл-Фараби ауданы аумағында 926 көпқабатты тұрғын үйдің 857-сі орталықтандырылған жылу қабылдайды. Қазіргі таңда, сол 857 көпқабатты тұрғын үйдің 455-іне сығымдау жұмыстары жүргізілген. Нәтижесінде жалпы аудан бойынша қысқы жылу маусымына дайындық көрсеткіші 53% құрап отыр.Қалған көпқабатты тұрғын үйлерді жылу маусымына дайындау бойынша "Қуатжылуорталық 3" пен аудан аумағында 7 сервистік қызмет көрсетушілермен бірлесіп, арнайы іс шара жоспары құрылып, бекітілді.  

Аудан аумағында орналасқан 926 көпқабатты тұрғын үй 623 аулаға біріктірілген. «Халық қатысатын бюджет» бағдарламасы аясында 2023 жылы 39 көпқабатты тұрғын үйдің аулаларында абаттандыру және балалар ойын алаңшаларын орнату жұмыстарын жүргізу үшін бюджеттен қаржы қаралды. Қазіргі таңда, мердігер мекемелер 24 көпқабатты тұрғын үйдің аулаларында абаттандыру және балалар ойын алаңшаларын орнату жұмыстарын жүргізуде.

Биылғы жылы «Халық қатысатын бюджет» бағдарламасы аясында Береке ш/а. 276 орамда ашық спорт алаңшасы пайдалануға берілсе, қазіргі таңда Жангелдин көшесі №14 көпқабатты тұрғын үйдің ауласына спорт алаңшасын орнату жұмыстары жүргізілуде. Соңғы 3 жыл ішінде аудан аумағында 41 ашық спорт алаңшасы салынып, халыққа пайдалануға берілді. Жалпы аудан аумағында 105 ашық спорт алаңшасы орнатылған.Аудан аппараты тарапынан су басу қауіпі бар аумақтарға зерделеу жұмыстары тұрақты жүргізіліп, бірінші кезекте (маңызды) ирригациялық жүйелерді орнатуды қажет ететін көшелердің тізімі анықталды. 2022 жылы 28 көшеге ирригациялық арық орнатылса, 2023 жылы 5 мекен-жайға жалпы ұзындығы 1,3 шақырымға ирригациялық жүйелер орнату жұмыстары жүргізілуде.

Бұл туралы Шымкент қаласы Абай ауданы әкімінің міндетін уақытша атқарушы Нұрлан Тілеш ақпараттық-коммуникациялық орталықта өткен брифингте хабарлады. Ол атқарылған жұмыстар және ауданның одан әрі даму жоспарлары туралы айтып берді. Абай ауданының жалпы ауданы 24 мың га құрайды. Xалық саны-257,7 мың адам. Аудан аумағында 27 шағын аудан мен елді мекен орналасқан. Абай ауданында 202 көпқабатты үй, 1 274 көше, 93 әлеуметтік нысан бар. Баспасөз мәслихатында тұрғындарды ауыз сумен, сапалы электрмен, табиғи газбен, кәрізбен қамтамасыз ету үшін жүргізіліп жатқан ауқымды жұмыстарға талдау жасалды. Ауданның 27 елді мекенінің 26-сы сапалы ауыз сумен қамтамасыз етілген (96,2%). 27 елді мекеннің 25-і электр жарығымен қамтамасыз етілген (92,5%). Ал қалған екі елді мекен жеке трансформаторларды пайдаланады. Сондай-ақ, 27 елді мекеннің 20-сы сапалы газды тұтынады (74,1%). Қалған 7 елді мекен қатты отынды пайдаланады. Көкбұлақ, Батыс, арғымақ, Ақжар, Ақтас, Ақтас-2, Нұршуақ елді мекендеріне газ құбырын салу жұмыстары басталды, олардың бір бөлігі жыл соңында аяқталады, ал кейбіреулері келесі жылға көшеді. Жоспарға сәйкес, жыл соңына дейін 257 мыңнан астам халқы бар аудан ауыз сумен, сапалы электр энергиясымен толық қамтамасыз етіледі. Абай ауданына әлеуметтік маңызы бар денсаулық сақтау нысандары да қажет. Ауданда әзірге 18 емдеу мекемесі жұмыс істейді. Оның 11-і жеке, қалғандары мемлекеттік. Бірақ бұл жеткіліксіз. 2023-2024 жылдары жеке инвесторлар Ынтымақ шағын ауданының №14 емдеу орталығының филиалын салуға ниетті. Сондай – ақ, Қайнарбұлақ тұрғын алабында емхана салу жоспарлануда", - дейді Нұрлан Тілеш. Ауданда мектеп тапшылығын жою үшін 2023-2025 жылдары "жайлы мектеп" ұлттық жобасы аясында жеті заманауи оқу орны салынады. Қазір аудандағы мектептердің жалпы саны - 29, ал жекеменшік мектептердің саны - 16. 2023-2024 жылдары төрт мектеп салу жоспарлануда. 2024-2025 жылдары үш мектеп салынады. Аудан аумағында тұрақты негізде санитарлық жұмыстар жүргізілуде. Бүгінгі таңда аудан аумағы 7 секторға бөлінген. Әр секторға тазалыққа жауапты мамандар бекітілді. Тазалау ауданның ішкі орамдық көшелері бар көп қабатты тұрғын үйлердің аулаларында жүргізіледі. Тазалауды "Шымкентспец комплект" ЖШС және "Sana Global"ЖШС орындайды. Тазалауға 23 бірлік техника, 210 адам жұмылдырылды. Биыл ауданда 57 көшеге орташа жөндеу жұмыстары жүргізіледі. Абай ауданының аумағындағы көшелер саны-1 274 және 1 080,1 км.573 км (48,5%) - асфальтталған жолдар; тас жолдар - 450,2 км (25,7%); қара жолдар - 57 километр (2,8%). Аудандағы халықтың қауіпсіздігі де әрқашан назарда. Биыл жоспарға енгізілген көшелер жарықтандырылады, осы аумақтарда 250 бейнебақылау камерасы орнатылады. "Халыққа қатысу бюджеті" аясында биыл 15 әмбебап спорт алаңы мен үш спорт алаңы салынады. Жобаның құны 497,5 млн теңге. Олар Бозарық, Самал-3, Асар, Достық, Қызылжар, Тұрлан, Нұршуақ, Алтынтөбе шағын аудандарында салынады. Ал үш спорт алаңы Асар, Достық, Қайнарбұлақ елді мекендерінде салынады. Бұдан басқа, ауданның экономикалық әлеуетін арттыру жөніндегі ірі жоба аудан аумағында "Бозарық" тамақ өнеркәсібінің индустриялық аймағын салу болып табылады. Ауданы 132,9 га индустриялық аймақта жалпы құны 29,5 млрд теңге болатын тамақ өнеркәсібімен айналысатын 30 инвестициялық жоба іске асырылатын болады. Мұнда 1,5 мыңға жуық жаңа жұмыс орны ашылады деп күтілуде.

Мемлекет басшысы Қасым-Жомарт Тоқаев өз Жолдауында бұқаралық спортты дамыту мен халықтың денсаулығын жақсарту мәселесіне ерекше көңіл бөлген болатын. Бүгінде спорт бағытында нәтижелі жұмыс жүргізіліп жатқан аймақтардың біріне – Шымкент қаласы енеді. Күн санап, даму үстіндегі қалада спортқа айырықша көңіл бөлініп, Мемлекет басшысының тапсырмасына сәйкес, көптеген спорттық шаралар өтіп келеді. Солардың бірі - «Базар жастар лигасы» турнирі.

Жастар ресурстық орталығының бастамасымен бастау алған спорттық сайысқа базар және сауда орындарынан 200-ге жуық өтінім түскен. Спорттық сайыс ережесіне сәйкес, 160 жастан тұратын 16 команда жасақталған. Атап айтқанда, «Барыс», «Тұлпар», «Авто-Нұр», «Айна, Жібек» жолы, «Алаш», «Акбар», «Көне қала», «Пионер», «Орталық қырғы» базарлары мен «Технодом», «Evrika», «Магнум», «Мечта», «Sulpak», «Север» сауда орталығы.

Турнир ұлдар арасында кіші футболдан 8 тамыз күні басталып, I-орын-«Акбар» базар, II-орын-«Көне қала» базары, III-орын-«Барыс» базары иеленсе, екінші кезеңі қыздар арасында 16 тамыз күні өтіп, I-орын-«Sulpak» базар, II-орын-«Магнум» базары, III-орын-«Тұлпар» базары иеленді.

Сондай-ақ, үздік қақпашы, үздік шабуылшы, үздік қорғаушы мен үздік байланыстырушы, үздік шабуылдаушы, үздік қорғаушы анықталды.

Жеңімпаз барша командаларға Ішкі саясат және жастар істері жөніндегі басқармасы басшысы Мұратжан Шотановтың атынан арнайы дипломдар, кубокпен қатар, бағалы сыйлықтар табыс етілді.

Айта кетейік, базар жастар лигасының басты мақсаты, сауда орындарындағы жастарға салауатты өмір салтын насихаттау, бос уақытын тиімді пайдалану және жастар арасында бұқаралық спортты дамыту болып табылады.