"Жаздың бір күні, қысқа азық" деген ұранды ұстанған Қарақұр ауылдық округінің шаруалары мал азығын дайындау жұмысына қызу кіріскен. Бүгінде Қарақұр өңірістік копперативті 2 трактор, 2 пресстеу машинасымен 6000 дана пресс шөп әзірлесе, «Бірлік" шаруа қожалығы жеке қаржысына сатып алынған 1 трактор, 1 пресс, 1 ротормен 7000 дана пресс шөп, жеке кәсіпкер Назаров Нұрман жеке қаржысына сатып алынған 1 трактор, 1 пресс, 1 ротормен 5500 дана пресс шөп дайындады. Осы шаруалардың еңбегінің арқасында бағасы 950-1000 теңгеден сатылған дала шөбі қазіргі таңда бағасы 700-750 теңгеден сатылуда.

Қарақұр ауылдық округінде мал азығын дайындау науқаны шілде айының басынан басталды. Қарақұр ауылы округі бойынша 2021-2022 жылдарға мал азығын дайындау межесі 9500 тонна мал азығын дайындау жоспарланса, қазіргі күнде 3650 тонна шөп дайындалды.

«AQ-QARA.KZ» - ақпарат