Мақтаарал ауданының әкімі Бақыт Насырханұлының бастамасымен өткен аудандық сенбілікке 5 мыңнан астам адам қатысып, 410 тонна күл-қоқыс шығарылды. Аудан орталығы Мырзакент кентінің С.Қожанов көшесіндегі бордюрлердің топырағын тегістеу жұмыстарымен танысып, жұмысшыларға қолғабыс жасаған Бақыт Насырханұлы кент әкіміне көшелердегі сауатсыз жарнамалар мен тозығы жеткен билбордтарды ретке келтіруді мықтап тапсырды.
Арыс қаласында 6,5 мыңнан астам тұрғын үй қалпына келтірілді. Бір айдан бері құрылыс жұмыстары қызу жүргізілуде. Қаланы қалпына келтіруге 10 мыңнан астам құрылысшы атсалысты. Бүгінгі таңда Арыс қаласындағы құрылыс жұмыстарының 90%-дан астамы аяқталып отыр.
Төлеби ауданының орталығы Леңгір қаласы абаттандырылып, жаңаша кейіпке еніп келеді. Бұл өз кезегінде қала тұрғындары мен қонақтары үшін қуанышты жағдай екені айтпаса да түсінікті.
Бүгін қаладағы «Лидер» балабақшасында жаңа оқу жылының алдында жыл сайынғы жалпы республикалық «Мектепке жол» акциясы өтті. Акцияның мақсаты – оқушылардың мектепке баруын қамтамасыз ету, аз қамтылған және көпбалалы отбасылардан шыққан балалардың қажетті білім алуына көмектесу.
Құрылғанына енді ғана бір жыл болған Мақтаарал ауданы құрылыстың ордасына айналып үлгерді. Қазір аудан орталығы Мырзакент кентінде жүргізіліп жатқан абаттандыру, жарықтандыру жұмыстары мен жол, аяқжол құрылыстары сөзіміздің айқын дәлелі болмақ.
Келес ауданының әкімі Ақментай Есбаев және аудан әкімінің орынбасары Серік Қарақұлов Ошақты ауылдық округі Ошақты және Жетітөбе елді мекендерін бөліп тұратын, Саңырау су түсіргісінің үстіндегі «КХ-72-Ошақты-Жолбасшы-Ораз ата» автомобиль жолының 0+350 шақырымдағы көпір құрылысының барысымен танысты.
Арыс қаласындағы Қостанай облысы мен Сарыағаш ауданына қарасты 16 - секторда қарбалас тіршілік. Жұмыс қыз-қыз қайнауда. Қауырт жұмыстар қолға алынуда. Айта кетейік, Арыс қаласында бүгінгі таңда 8408 жеке тұрғын үй бар. Соның 1105 - көпқабатты үй. Қырық мыңнан астам тұрғыны бар қаладағы қалпына келтіру жұыстары 7597 жеке тұрғын үй мен 78 көпқабатты үйлерде жүргізілуде.
«Еңбек» нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы Отырар ауданында сәтті жүзеге асуда. Кәсіпкерлікті дамыту бойынша шағын несие беріп, әлеуметтік жұмыс орындарына сұранысқа ие мамандар тартылып жатыр.