Түркістан облысында азық-түлік бағаларын реттеу мақсатында кәсіпкерлік субъектілеріне төмен пайызбен несие беріледі
Түркістан облысында әлеуметтік маңызы бар азық-түлік тауарларының тиісті қорын қалыптастырып, бағасын реттеу мақсатында бірнеше бағытта жұмыстар атқарылады. Ірі супермаркеттер мен өндірушілерге жылдық 0,01% пайыздық мөлшерлемемен бір жылға несие беріледі.
Созақ ауданында түйе шаруашылығы дамып келеді
Облыс әкімі Өмірзақ Шөкеевтің тапсырмасына орай ауданда түйе сүтін көптеп өндіріп, тиімді бағада саудалау үшін түйешілермен арнайы семинарлар өткізіліп тұрады. Ауданда биылғы жылдың өзінде өңірдегі сүтті бағыттағы түйе санын 1600 басқа арттыру көзделіп отыр.
Қазығұрттық 618 азамат шағын несие мен қайтарымсыз қаржының игілігін көріп отыр
Соңғы жылдары Түркістан облысы, Қазығұрт ауданында шағын және орта кәсіпкерлік нысандарының саны артып келеді. Бұл ретте кәсіп ашсам деушілерге 6 пайыздық несие мен қайтарымсыз берілетін қаржының көмегі орасан болып отыр. Айталық, былтырғы жылы ауданда 264 азамат «Ауыл шаруашылығын қолдау қоры» және «Оңтүстік» әлеуметтік кәсіпкерлік корпорациясы арқылы жалпы сомасы 876 млн. 325 мың теңге несие алып, кәсіп ашқан. Оның ішінде 19-ы мүмкіндігі шектеулі азаматтар, 69-ы жастар, қалғандары көпбалалы отбасылар саналады.
Түркістандағы құрылыс қарқыны Еуроодаққа мүше мемлекеттердің елшілерін тамсандырды
Облыс әкімі Өмірзақ Шөкеев Түркістан өңіріне жұмыс сапарымен арнайы келген Еуропалық Одаққа мүше мемлекеттер Елшілерімен кездесті. Түркістан облысының таңғажайып табиғаты мен терең тарихына қаныққан қонақтар облыстың экономикалық және туристік әлеуетімен таныс болғанын атап өтті.
Сарыағашта жылына 6 млн. көшет өндіруге қауқарлы кәсіпорын бар
Түркістан облысы Сарыағаш ауданы Жібекжолы ауылдық округіндегі «Agro Tur» шаруа қожалығы 1 гектар жылыжайда ерте көктемгі дақылдардың көшеттерін дайындаумен айналысуда. Мұнда көшет түрлері мен санына шектеу жоқ. Яғни, жылына 5-6 млн түп көшет өндіруге қауқарлы.
Созақтың тұзына сұраныс артып келеді
Созақ ауданында өндіріс орындарының қатары артып келеді. Сондай кәсіпорынның бірі-"Дархан-ас" өндірістік кооперативі былтырғы жылы жалпы құны 150 млн теңгені құрайтын тұз өндірген.
Түркістан облысында 1300-ден астам жұмысшының 164 млн. теңге жалақы қарызы қайтарылды
Түркістан облыстық Еңбек инспекциясы бойынша басқармасы өткен жыл қорытындысымен 11 кәсіпорын мен мекемелерде 1344 жұмысшы алдында 214,3 млн. теңге жалақы қарыздарын анықтады. Жүргізілген жұмыстардың нәтижесінде 8 кәсіпорында 164 млн. теңге жалақы қарыздары төленіп, 1 313 жұмыскердің еңбек құқықтары қорғалды.