Жыл басынан бері «Нұрлы жер» мемлекеттік бағдарламасы аясында 60 пәтерлі 3 тұрғын үйдің құрылысын аяқтап, тұрғын үй кезегінде тұрған азаматтарға табыстаған Жетісай ауданындағы «BinazarGroup» ЖШС басшысы Берік Кембилдің өз қаржысы есебінен тағы 50 пәтерлі 2 үйдің қабырғасы қалануда.

Түркістан облысының әкімі Дархан Амангелдіұлы Жетісай ауданына жасаған іс-сапары барысында «Керімхан» шаруа қожалығының егіс алқабында болып, қытай технологиясымен мақта дақылын егу жұмыстарының барысымен танысты.

Негізгі табысы агросектор саналатын Жетісай ауданында ауыл шаруашылығы саласын, оның ішінде ағын су бағасын тұрақтандыру, жеңілдетілген жанар жағар май мен минералды тыңайтқыштардың уақытылы жеткізілуін қамтамасыз ету, егістікке қажетті ағын су тапшылығын төмендету үшін каналдарды жөндеуден өткізу, ауыл шаруашылығы өнімі мен сапасын арттыру мақсатында тік дренаждарды іске қосу, елді мекендердегі жерасты суын төмендете отырып көгалдандыру, абаттандыру бойынша атқарылып жатқан жұмыстар Түркістан облысының әкімі Дархан Амангелдіұлының тікелей бақылауында.

Түркістан облысы кәсіпкерлер палатасының Өңірлік кеңес төрағасы Нұралы Әбішев бастаған топ Созақ және Бәйдібек аудандарының кәсіпкерлерімен кездесті.

Түркістанда Сидней Олимпиадасының жеңімпазы, «Барыс» орденінің алғашқы иегері Бекзат Саттархановты еске алуға арналған бокстан жастар арасындағы XXII халықаралық турнирі өз мәресіне жетті. Дүбірлі додада Қазақстан, Қырғызстан, Өзбекстан, Тәжікстан елдерінен келген жігіттер мен қыздардан құралған 200-ден астам спортшы 19 салмақ дәрежесінде сынға түсіп, жеңімпаздар мен жүлдегерлерді анықтады.

Абай ауданы «Жасыл аймақ” апталығында белсенділік танытуда. Апталық аясында бүгін ауданда сенбілік өтті. Аудан аумағында ұйымдастырылған сенбілікке аудан тұрғындары, 10 кәсіпкерлік нысан, 8 әлеуметтік нысан, барлығы 1100 адам қатысты. 

Қаратау ауданында “Жасыл аймақ” апталығы қарқынды өтіп, бүгін сенбілікке жалғасты. Аудан әкімі қызметкерлері мен аудан тұрғындары қатысқан сенбілікте 30 көп қабатты үйдің ауласында шөп ору, ағаштарды әктеу, қоршаулар мен орындықтарды сырлау жұмыстары атқарылды. Одан бөлек, 3,3 шақырым ирригациялық арық жүйесі, 9,7 шақырым жол жиектері тазартылды.

-Туған қалаңның, оның көшелері мен гүлзарларының ұқыпты, таза болуы біздің әрқайсымызға байланысты, әрдайым қамқорлық танытуымыз қажет. Мұны ешқашан ұмытпауымыз керек, - дейді акцияға қатысушылар. Ауласының таза, жасыл желекті болғанына тұрғындар да дән риза.

Сенбілік жұмысына 1000-нан аса тұрғын, 8 техника жұмылдырылды.

Айта кетейік, іс-шараға 200-ден аса адам қатысып, 300 көшет отырғызылды. Мазараттың шөп басқан жерлері тазартылып, маңайындағы бей-берекет қоқыс орындары жойылды. Оған 10 техника жұмылдырылды.

Айта кетейік, аталмыш шара Мемлекет басшысының тапсырмасын сапалы жүзеге асыру мақсатында өткізілуде. Шымкент қаласы әкімдігі тарапынан «Таза Қазақстан» республикалық экологиялық акциясын өткізудің іс-шара жоспары бекітілді.
Экологиялық акцияның алғашқы «Таза өлке» апталығында қала тұрғындары ерекше қолдау білдіріп, қоғам белсенділері, ерікті жастар, ұйымдар мен кәсіпорындардың қызметкерлері іргелес аумақтар мен белгіленген аулаларды тазалау, көгалдандыру, ағаштарды күтіп-баптау жұмыстарына белсене қатысты.
Акция аясында 380 арнайы техника, 49 мыңға жуық адам жұмылдырылды. Сонымен бірге, 282 шақырым көше бойы, 85 шақырым аяқ жолдары, 59 мың дана ағаштарды әктеу және қырқу жұмыстары жүргізілді.
Нәтижесінде қаладан 300 тонна шамасында қоқыс шығарылды. 355 шақырым ирригациялық жүйе, 95 аялдама жуылып, 1200 дана қоқыс жәшігі (урна), 285 дана орындық сырланды.

Тұран ауданы, Құрсай мөлтекауданының тұрғындары аудан аумағына қарасты мұсылман мазараты маңын күл-қоқыстан тазартып, “Таза Қазақстан” акциясына өз үлестерін қосты.

Тұран ауданы әкімдігі мен дін істері басқармасы ұйымдастыруымен өткен сенбілікте жиналған көпшілік бір кісідей атсалысып, мазарат маңын айнадай етті. 

Әл-Фараби ауданы аумағындағы басты көшелерге санитарлық тазалау, абаттандыру жұмыстары жүргізілді. Тазалық жұмыстарына ауданның тұрғындары, ақсақалдары, ерікті жастар және аппарат қызметкерлері белсенділер атсалысып, шөптерді орып, ағаштарды қырқу, әктеу мен қатар иригациялық жүйелер мен аумақты тазалады. 

Ауыл шаруашылығы министрі Айдарбек Сапаров жұмыс сапарымен Шымкент қаласына келді. Ведомство басшысы «АйМар Құс» ЖШС жұмысымен танысып, шаруалармен кездесті. Кездесу барысында шаруалармен бірге сүт-тауарлы фермалар мен көкөніс қоймаларын жеңілдікпен несиелендіру мәселелері талқыланды. Сонымен қатар, шаруалар ауыл шаруашылығы мақсатындағы жерге салықтың тарифтік ставкасын төмендетуді және асыл тұқымды мал шаруашылығын субсидиялау ережелеріне өзгерістер енгізуді сұрады.