Түркістан қаласында«Түрік дүниесі ақсақалдар кеңесінің отырысы» өтті.

Алқалы жиынға бауырлас елдерден арнайы келген өкілдер мен Халықаралық қазақ-түрік университет ұжымы және студент жастар қатысты.
Түрік дүниесі ақсақалдар кеңесінің отырысында ТМҰ ақсақалдар кеңесінің мүшесі Икрам Адырбеков, Өкілетті Кеңес төрағасы Мухиттин Шимшек, Түркі мемлекеттері ұйымының Бас хатшысының орынбасары Өмер Қожаман өз ойларын ортаға салып, «Түркі дүниесінің келешек келбеті – 2040» тұжырымдамалық құжатты жүзеге асыруда жасалып жатқан жұмыстарға тоқталды.
Жиында Өкілетті Кеңес төрағасы Мухиттин Шимшек, «Білім іздеген әрбір жастың көкірек көзі ашық болуы үшін, ең алдымен тоқтаусыз ізденіс керек. Бауырлас мемекеттер арасында, ынтымақтастықты нығайтуда түрлі оқу бағдарламаларын қолжетімді етіп жасаудамыз. Өткен тарихымызды қайта түгендеп, біртұтастығымызды көрсететін уақыт келді»,-деді.
Түрік мемлекеттер кеңесінің мүшесі Икрам Адырбеков, «Түркі мемлекеттері ұйымының құрылып, бүгінгі таңда қарқынды жұмыс жасап жатқандығы қуантады. «Келешек келбеті» деп аталып отырған маңызды құжатты осылай талқылап, оған енетін әрбір бөлімге, бауырлас елдер өкілдерінің пікірлерін топтастыратын болса, расымен маңызды құжат болмақ. Ендігі кезекте, әдебиет пен өнер, білім мен ғылымның даму жолына берік көпір бола білетін, ортақ алфавит болса деген ұсынысым бар»,- деді.
Сонымен қатар, Түркі мемлекеттері ұйымының Бас хатшысының орынбасары Өмер Қожаман «Әлем өркениетіндегі Түркі мәдени мұрасын айшықтауда атқарылып жатқан жұмыстарға шолу жасап, ортақ мәдениет пен құндылықтарды сақтау және оларды дәріптеу мен дамыту ортақ парызымыз»,- деді.
Осылайша Түрік дүниесі ақсақалдар кеңесінің отырысында келешек келбеті талқыланып, Өкілетті Кеңес Төрағасы Мұхиттин Шимшек қадірлі қонақтарға арнайы сый-сияпат табыстап, алғыс білдірді.

25-қазан Республика күні мерекесіне орай Отырар ауданында жалпыуандық сенбілік өтті.

Түркістан қаласында орын тепккен Халықаралық қазақ-түрік университетінің кітапханасында 25 қазан – Республика күніне орай кітап көрмесі өткізілді.

Көрменің мақсаты – Тәуелсіз Қазақстанның егемендік алғаннан кейінгі қалыптасу тарихымен таныстыру, сондай-ақ еліміздің қоғамдық-саяси, экономикалық, әлеуметтік және рухани өміріндегі оң өзгерістерді кеңінен насихаттау, қоғам алдындағы жоғары жауапкершілік, патриотизм мен Қазақстан азаматтарының бірлігін көрсету.
Іс-шараға кітапхана ұжымы мен студенттер қатысты. Көрмені тамашалауға келген студенттер тек қана кітаптармен танысып қана қоймай, Республика күнінің маңызы туралы да ақпарат алды.

2022 жылдың 20-22 қазан күндері аралығында Түркістан қаласындағы Балуан Шолақ спорт кешенінде  қазақ күресінен қалалық ашық біріншілік өтті. Шара Түркістан қаласы әкімдігінің мәденит, тілдерді дамыту, дене шынықтыру және тілдерді дамыту бөлімінің ұйымдастыруымен  «2022 жыл – Балалар жылы» аясында, «25 қазан Республика күні» мерекесіне орай, «Қала күніне» арналды. Шараға  2010-2011 жылы туылған кіші жасөспірімдер қатысты. Екі күнге созылған Түркістан қаласының ашық біріншілігі өз мәресіне жетті.

Жарыстың жеңімпаздары мен жүлдегерлерін Түркістан облысы дене шынықтыру және спорт басқармасының «Түркістан қалалық №2 балалар мен жасөспірімдер спорт мектебінің директоры Сарсенбаев Ануар Амантайұлы және Атырау облысы ұлттық спорт түрлері Көкпар спортының аға бапкері Күнпейов Төлеген жеңімпаз спортшыларды арнайы грамота, медальмен марапаттап құттықтады.

Отырар ауданы аумағында қоғамдық қауіпсіздікті сақтау, жол-көлік оқиғасының және құқықбұзушылықтың алдын-алу мақсатында көпфункциялы «Сергек» камералары орнатылды.

Түркістан төрінде Түркістан облысы әкімдігінің және облыстық мәдениет басқармасының ұйымдастыруымен Ұлттық мерекеміз – Республика күніне орай 19-20 қазан күндері халықаралық «Voice of turan» қазақ әндері байқауы өтті.

Екі күні бойы әлем елдерінен келген қатысушылар қазақ әндерін шырқап, өз өнерлерін ортаға салды. Ашылу салтанатына ТҮРКСОЙ халықаралық ұйымының бас хатшысы Сұлтан Раев, Түркістан облысы әкімінің орынбасары Сәкен Қалқаманов, сонымен қатар еліміздің танымал жұлдыздары мен зиялы қауым өкілдері қатысты.

Ұлы Тұран даласын әнмен тербеген Халықаралық байқаудың бірінші күні шартараптан келген қатысушылар елімізге танымал эстрада әншілерімен бірге қазақ әндерін шырқап, көрерменге көтеріңкі көңіл күй сыйлады. Екінші күні қатысушылар алдымен Шәмші Қалдаяқовтың «Арыс жағасында» әнін бірге орындады. Содан соң байқау талабы бойынша қазақтың танымал әндерін орындап, қазылар алқасының бағасын алды. Әділ қазылар құрамында композитор, ҚР Мемлекеттік сыйлығының лауреаты Төлеген Мұхамеджанов (қазылар алқасы төрағасы), әнші, ҚР Мемлекеттік сыйлығының лауреаты, Қазақстанның, Татарстанның Халық әртісі «Құрмет» орденінің иегері Нұржамал Үсенбаева, әнші, композитор, продюсер, ҚР Еңбек сіңірген қайраткері, Халықаралық ән байқауларының жүлдегері Медеу Арынбаев, әнші, композитор, ҚР Еңбек сіңірген қайраткері Маржан Арапбаева, әнші, ҚР Еңбек сіңірген қайраткері, композитор, Халықаралық ән байқауларының жүлдегері Жанар Дұғалова, дәстүрлі әнші, ҚР Мәдениет қайраткері, Айгүл Қосанова, композитор, ҚР Мәдениет қайраткері Бекжігіт Сердәлі бар.

Қазылар алқасы шешімімен Грузия елінен келген Татия Кобаладзе Гран-при иегері атанды. Ал 1-орын Татарстаннан Ильгиз Шайхразиевқа бұйырды. Жүлделі 2-орынды Сербия елінен Стефан Здравкович пен Польша әншісі Михал Качмарек иеленді. Ал 3-орын иегері Черногориядан Катарина Богичевич, Болгария мемлекетінен Христиана Данкова, Өзбекстан Республикасынан Навруза Махамаджанова атанды. Түркиядан Сонгул Екан, Беларусь елінің қатысушысы Егор Шаранков және Қарашай-Шеркессиядан Мариана Алботова халықаралық байқау дипломанты атанды. Үздік оранжировка үшін Грузия елінен келген Татия Кобаладзе мен Польша әншісі Михал Качмарек марапатталды. Барлық жеңімпазға арнайы дипломдар мен қаржылай сыйлықтар, ал Гран-при иегеріне арнайы статуэтка табысталды.

Айта кетейік, бұған дейін аталмыш байқау 2 рет онлайн түрде өткен болатын. 2020 жылы Молдова республикасынан Галина Шкода бас жүлдені жеңіп алса, 2021 жылы Бурятиялық Цыден Еши Бимбаев Гран-при иегері атанған. Жобаның бас продюссері – Мейіржан Алиакбаров. Халықаралық ән сайының нәтижесінде 4 елдің үздік әншілерінен құрылған «Turan Boys» квартеті байқаудың жабылу салтанатында ән шырқады. Бүгінде олар қазақ әндерін насихаттауда зор үлес қосып жүр.

Отырар ауданының орталығы Шәуілдір ауылында орналасқан аудандық мәдениет сарайында 25-қазан Республика күні мерекесіне орай «Жүйріктердің жұлдызын жаққан ұстаз» атты іс–шара болып өтті.

Сарыағаш полициясына жергілікті тұрғын арызданып, түнгі 04:30 шамасында үйінің қорасында тұрған 4 бас жылқысын белгісіз біреулер ұрлап кеткенін жеткізді. Жәбірленушіге келтірілген шығын көлемі 2 000 000 теңгені құрады. Бұл жайтты полицейлер тез арада тіркеуге алды.

Жедел-тергеу тобы ақпарат алысымен оқиға орнына аттанып, жедел шараларды жүргізді. Орын алған мал ұрлығы қылмыстарын ашу, күдіктілерді ұстау мақсатында тәртіп сақшылары қарқынды қызмет атқарды. Мал таситын көліктерді, мал базарларды мұқият тексеріп шықты. Полиция қызметкерлері бастаған жедел уәкілдердің жан-жақты іздестіруі нәтижесінде, күдіктінің ұрлаған жылқыларды жасырып отырған орны анықтады. Сонымен қатар күдікті ретінде жергілікті тұрғын, яғни 46 жастағы ер адам ұсталды. Аталған жайт ҚК-нің 188-1-бабы «Мал ұрлығы» бойынша тіркелді.

Бұл істі Сарыағаш ауданының тергеушілері толығымен аяқтап, сотқа жолдады. Нәтижесінде сот шешімімен күдікті ер азамат 3 жыл мерзімге бас бостандығынан айырылды.

ҚР Қылмыстық Кодексте 188-1-бапта «Мал ұрлау»:

Мал ұрлау, яғни бөтеннің малын жасырын жымқыру – 

мүлкі тәркіленіп, үш мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына, не бес жылға дейiнгі мерзімге бас бостандығын шектеуге, не сол мерзімге бас бостандығынан айыруға жазаланады. 
Мынадай: 
1) алдын ала сөз байласу арқылы адамдар тобы жасаған; 
2) ірi мөлшерде жасалған мал ұрлау – 
мүлкi тәркiленiп, үш жылдан жеті жылға дейiнгi мерзiмге бас бостандығынан айыруға жазаланады. 
 Мынадай: 1) бірнеше рет; 2) тұрғын үй-жайдың, кәсіпорынның, ұйымның, мекеменің, мал қораның, қашаның немесе өзге де қойманың ауласына кiрумен жасалған мал ұрлау – 
мүлкi тәркiленіп, бес жылдан он жылға дейiнгi мерзiмге бас бостандығынан айыруға жазаланады. 
Мынадай: 1) қылмыстық топ жасаған; 2) аса iрi мөлшерде жасалған мал ұрлау – 
мүлкi тәркiленіп, жеті жылдан он екі жылға дейiнгi мерзiмге бас бостандығынан айыруға жазаланады. 
Ескертпе. Осы бапта мыналар мал деп түсініледі: 
ірі қара мал; 
жылқылар мен есектер; 
түйелер; 
ұсақ мал; 
шошқалар. 
Ескерту. 6-тарау 188-1-баппен толықтырылды - ҚР 27.12.2019 № 292-VI (қолданысқа енгізілу тәртібін 2-баптан қараңыз) Заңымен деп көрсетілген.

Шымкент қаласында «Sarap» эксперттік клубының «Жолдау –2022: Қазақстанда қандай реформалар жүргізіледі?» атты өңірлік отырысы өтті. Ақпарат және қоғамдық даму министрлігінің қолдауымен шаһарда алғаш рет ұйымдастырылған жиынға «Қазақстандық қоғамдық даму институты» КеАҚ ұйымы ұйытқы болып отыр. Еркін форматта өткен басқосуға қоғамдық даму институтының сарапшылары, қоғамдық ұйым жетекшілері, қаланың азаматтық белсенділері және студент жастар Мемлекет басшысының Жолдауы және алдағы орын алатын елеулі саяси оқиғалар туралы пікірлесті. Отырысқа «Қазақстандық қоғамдық даму институты» сарапшысы Олжас Бейсенбаев модераторлық етті. Ол өз сөзінде Президент Жолдауын жүзеге асыруда азаматтық қоғамның белсенділігінің маңызына тоқталды.–Біздің өңірлерді аралап көшпелі жиын өткізуіміздің негізгі мақсаты – азаматтар мен қоғамдық ұйымдарды саяси оқиғаларға белсенділікке шақыру. Қазір Мемлекет басшысы Жаңа Қазақстанды құру үшін заңдарға өзгеріс енгізуде. Біз осы жаңашылдық үшін маусым айында өткен жалпыхалықтық референдумда дауыс бердік. Жуырда жарияланған Жолдау алдағы уақытта орын алатын жаңалықтардың бастауы ғана. Сондықтан қоғамның да жаңғыруы өте маңызды. Бұл бағытта сіздерді белсенді болуға шақырамыз, - деді сарапшы.Ал, Шымкент қалалық Қазақстан халықтары Ассамблеясы жанындағы Журналистер мен блогерлер клубының төрайымы Зәуре Оралбаева Мемлекет басшысы Жолдауда келтіргендей нағыз еңбек адамы елдің дамуының негізі екенін атап өтті.–Бүгінде халық бір-бірімен жиі пікірлесіп, тәжірибе алмасып отырмаса біз көзделген нәтижеге қол жеткізе алмаймыз. Ол үшін бірінші кезекте адамның ішкі мәдениеті дұрыс қалыптасуы керек. Сондықтан Жаңа Қазақстанды құрушы әрбір азаматқа, оның ішінде жастарға терең білім мен саналы тәрбие қажет. Осы ұғымдар үйлесімін тапқанда ғана нағыз еңбек адамы қалыптасады. Ал, еңбек адамдары әр саланы жоғары нәтижеге жеткізуші, әрі елдің дамуының негізі болмақ, - деп атап өтті З.Оралбаева. Жиынға қатысушылар өз ойларымен бөлісті. Мәселен, «Жалын жастар ұйымы» қоғамдық бірлестігінің төрағасы Құрмет Керімбеков Жолдауда ауыл шаруашылығы саласына қатысты бағытты тарқатып берсе, саясаттанушы Бауыржан Серікбаев жастарды жұмыспен қамтудың басымдықтары туралы баяндады. «Шымкент қаласының әйелдер кеңесі» қоғамдық бірлестігінің төрайымы Баян Жандосова Жолдауда айтылған негізгі басымдықтардың бірі – әлеуметтік мәселелер жөнінде айтты. Талқылау нәтижесінде қатысушылар тарапынан түскен барлық ұсыныс Ақпарат және қоғамдық даму министрлігіне ұсыныс ретінде жолданатын болды.

Шымкент қаласында Мемлекет басшысының Қазақстан халқына Жолдауы аясында кәсіпкерлікті, оның ішінде туризмді дамыту мәселелеріне арналған жиын өтті. Басқосуға мемлекет және қоғам қайраткері Еркін Сатқанбаев, қалалық туризм және сыртқы байланыстар басқармасының басшысы Ерлан Қыдыров және туризм саласының өкілдері қатысты.

 – Президент Қасым-Жомарт Кемелұлы Тоқаев 1 қыркүйектегі Жолдауында елде, қоғамда орын алатын ауқымды саяси-экономикалық өзгерістердің басым бағыттарын айтып берді. Бұл маңызды құжат жазда Ата заңымызға өзгерістер мен толықтырулар енгізуге байланысты өткен жалпы халықтық референдумның жалғасы іспетті. Мемлекет басшысы сол референдумда ұсынылған өзгерістердің негізінде елде саяси реформалар жүргізіп келеді. Оның ішінде әділетті Қазақстан қалай құрылады? Ол үшін мемлекеттік басқару жүйесін өзгерту қажет. Соның бір көрінісі – алдағы 20 қарашада ел президентінің кезектен тыс сайлауы. Әділетті Қазақстанды құру жолында әр қазақстандық қалыс қалмауы қажет. Халық өзінің талап-тілегін заң аясында жеткізіп, іске асыруда шеттен тыс қалмауы керек, – деді Еркін Тұрниязұлы.

 Ал туризм және сыртқы байланыстар басқармасының басшысы Ерлан Қыдыров Шымкент қаласының инвестициялық әлеуеті мен туризм саласында көрсетілетін мемлекеттік қызметтерге тоқталды. Кәсіпкерлерге ақпарат берді.

 – Бүгінде туристік бизнес өкілдеріне мемлекет тарапынан түрлі қолдау көрсетілуде. Соның бірі – жеңілдетілген несие беру. Мысалы, кәсібін жаңа бастағандар үшін 7 жылға дейін сомасы 10 миллион теңгеге дейін 1 пайызбен несие беріледі. Ал ірі кәсіпкерлерге алты пайызбен ұсынылады. Оған қоса шетелден келген туристер үшін туроператорлардың шығындарын субсидиялау, туристік нысан құрылысы шығындарының бір бөлігін өтеу, жол бойында қызмет көрсету, көлік сатып алу шығындарының бір бөлігін өтеу секілді бірнеше қолдау бар, – деді Ерлан Ермекұлы.

Басқарма басшысы әр инвесторға еліміздің заңдарына сәйкес қолдау көрсетуге дайын екендіктерін ерекше атап өтті.