«Мемлекет басшысы Қ.Тоқаев Жолдауда «Еліміздің басты құндылығы – адам. Бұл – айқын нәрсе. Сондықтан, ұлттық байлықты тең бөлу және баршаға бірдей мүмкіндік беру – реформаның басты мақсаты. Ұлт саулығы жақсы болса ғана, қоғам орнықты дамиды», - дей келе, денсаулық саласын дамытуды тапсырған болатын. Бүгін Шымкент қалалық мәслихатының депутаты Н.Анарбеков пен «AMANAT» партиясы Абай аудандық филиалының Атқарушы хатшысы Е.Бертаев Шымкент қалалық №2 емханасының ұжымымен кездесіп, Жолдаудың басым бағыттарын баяндады.

— Бұл Жолдау – жаңа Конституцияны іске асырудың негізгі тетігі. Мемлекет басшысы Қасым-Жомарт Тоқаевтың халыққа арнаған кезекті Жолдауы маңызды бастамаларға толы болды. Соның ішінде елдің көкейінде жүрген көп сұрақ көтерілді. Халықтың денсаулығы, әлеуметтік мәселелері, елдің экономикалық дамуы, ешбірі назардан тыс қалмады. Мәселен, 2024 жылдан бастап Ұлттық қордың инвестициялық табысының жартысы елдегі балалардың шотына 18 жасқа толғанға дейін аударылмақ. Сондай ақ, биыл күзде Президент сайлауы өтеді. Ал, келер жылы Парламент құрамы жаңадан жасақталмақ, - деді Н.Анарбеков.

ҚР Президенті Қ.Тоқаев Жолдауда «Денсаулық сақтау саласында біраз реформа жүргізілді. Дегенмен, оның жағдайы әлі де мәз емес. Әрине, жылдар бойы қордаланған түйткілдер бір мезетте шешілмейді. Сондықтан, аса маңызды мәселелерді ретке келтіруге баса мән берген жөн. Соның бірі – қаржыландыру жүйесі. Осы салаға қаржының жеткілікті бөлінбеуі қалыпты жағдайға айналған. Соның кесірінен, жұрт сақтандыру жүйесіне қосылса да, медициналық қызмет толық көлемде көрсетілмей отыр», - деп, саланың әлі де дамытуды талап ететін бағыттарына тоқталған-ды. Жиын барысында дәрігерлер Жолдауға қатысты өз пікірлерін айтып, оның жүзеге асуына атсалысатындарын жеткізді.

«Смартфонды ойлап тапқан өнертапқыштардың өзі технократтық ойлау құлдырауға әкеледі. Яғни, руханиятты дамыту керек дегенді алға тартып жүр. Себебі, келешек гуманитарлық, педагогикалық ғылымдардың дәуірі болмақ». Бұл туралы «Егемен Қазақстан» РГ» ЖШС бас директоры Дихан Қамзабекұлы Шымкентке келіп, М.Әуезов атындағы ОҚУ-дің оқытушы-профессорларымен және студенттерімен кездесу барысында баяндады. Жиынды М.Әуезов атындағы ОҚУ Басқарма төрағасы-ректоры Д.Қожамжарова жүргізіп отырды.

— Марқұм Рахманқұл Бердібаев ағамыз біз ғылым академиясында жүрген жас маман кезімізде «Елге барсаңдар, үш істі қатар алып жүріңдер. Әуелі, жергілікті газет, телевизияға барыңдар. Елдің жаңалығы сонда. Екінші, жергілікті кітапханаға соғыңдар. Ел ішінде сирек кітаптарды табуың мүмкін. Үшінші, сол өңірдің жергілікті зиялыларымен тілдесіп, пікір алмасып, рухани азық ал» деп айтып отыратын. Мен бүгінгі жас буынға да осы әңгімені айтқым келеді. Бір кездерде білімді сатып аламын деген буын шықты. Алайда, адам білімді өзі ізденіп, еңбектеніп жинауы керек. Еңбекпен келген білімнің берері мол, - деді Дихан Қамзабекұлы.

Филология ғылымының докторы, профессор, ҚР ҰҒА корреспондент-мүшесі Д. Қамзабекұлы жастарға Алаш арыстары салған сара жолдың маңызын түсіндірді.

— Алаш зиялылары 1924 жылғы съезде тіл жүйесі мен білім жүйесін қалыптастырудың негізгі қағидаларын ұсынды. Терминологияға қатысты басты 3 негізгі қадамның орындалуын қадағалады. Біріншісі, терминдерді тілге бейімдеп аудару. Мәселен, Қытайға іс-сапармен барғанда мені таныстырды. Ол кезде Гумилев атындағы Еуразия ұлттық университетінде қызмет етіп жүрген жылдар болатын. Таныстырғанда есімімнен басқа бірде-бір сөзді ұқпадым. Сұрасам, қытай тілінде профессор, университет деген сөздердің бірі де жоқ екен. Міне, терминологияны өз тіліне аударып алған. Екіншісі, өзіңде ұғымы жоқ сөз болса, терминді туыс түркі тілінен ал. Ал, үшіншіден, мүлдем икемге келмеген терминді тілдік табиғатына бейімдеп алу керектігін насихаттаған, — деп Д. Қамзабекұлы жастарға Алаш зиялыларының тілге, терминдерге қатысты аманатын жеткізді.

Кездесу барысында Алаш тарихы, білім жүйесіндегі олқылықтар, қоғамдағы сауатты адамдардың азаюы сынды келелі мәселелер қозғалды. Университет студенттері «Егемен Қазақстан» газеті, тіл ғылымындағы проблемалар төңірегінде сауалдарын жолдап, пікір алмасты.

Шымкентке іс-сапармен келген ҚР Сыбайлас жемқорлыққа қарсы іс-қимыл Агенттігі Превенция қызметінің басшысы Саян Ахметжанов жергілікті кәсіпкерлермен кездесіп, олардың мәселелерімен танысты. «Антикор орталығында» өткен жиынды Шымкент қаласы әкімінің орынбасары Айбек Сәттібаев жүргізіп отырды.

Басқосуда Агенттіктің бизнесті қорғауға арналған жүйелі жұмыстары мен қаладағы проблемалық мәселелері талқыланды.

Бүгінде Агенттік тарапынан бизнесті қорғауға үш бағыт бойынша жүйелі жұмыс жүргізуде. Біріншіден, бұл бизнестің парасаттылығына жәрдем көрсету жөніндегі тұжырымдамалық шаралар болса, екіншіден, кәсіпкерлік қызметке заңсыз араласудан қорғау тетіктерін енгізу. Ал, үшіншісі кәсіпкерлердің қажеттіліктеріне қарай өңірдің ерекшеліктерін ескере отырып жедел ден қою.

–Сыбайластыққа қарсы саясат тұжырымдамасында кәсіпкерлікті қолдау үшін нақты жоспар бекітілген. Заң бойынша жұмыс істейтін және сыбайлас жемқорлыққа қарсы стандарттарды енгізуді қолдайтын компаниялар үшін мемлекеттік қолдауға түрлі жобалар бар. Мұндай жеңілдіктер мен преференциялар мемлекеттік сатып алу саласына көп жеңілдіктер сыйлайды. Сондықтан әрбір кәсіпкер бюджет ақшасымен жұмыс істеу кезінде өз бизнесінің ашықтығын қамтамасыз ету тиіс, -деді Саян Қылышұлы.

Сондай-ақ, жиында бизнесті қорғау шаралары да сөз болды. Жемқорлықтың алғышарттарын жүйелі талдау және әкімдік өкілдерінің бизнеске әсер ету мүмкіндіктерін азайту бойынша да жүйелі жұмыстар қолға алынған.

–Кәсіпкерлік мүдделеріне қатысты кез келген тергеу әрекеттерін қосымша келісуді көздейтін алгоритм дайындалды. Негізсіз тексерулерге жол бермеу үшін мемлекеттік қызметкерлердің іс-әркеттеріне бақылау қатаңдайды, - деп түсіндірді Превенция басшысы.

Кәсіпкерлердің жиын барысында айтқан мемлекеттік сатып алу мен қолданыстағы басқа да заңнамалық актілерге өзгертулер мен толықтырулар енгізу қажеттігі туралы ұсыныстары назарға алынды.

Шымкент қаласы әкімдігі жанындағы сыбайлас жемқорлыққа қарсы іс-қимыл жөніндегі комиссияның және қалалық қоғамдық кеңесінің бірлескен отырысы өтті. Жиынға Сыбайлас жемқорлыққа қарсы іс-қимыл Агенттігінің Превенция қызметінің басшысы Саян Ахметжанов қатысты.

Қала әкімі Мұрат Әйтенов сыбайлас жемқорлыққа қарсы іс-қимылдағы принципті ұстаным билік органдарының барлық басшыларына қатысты екенін атап өтті. Шаһарда сыбайлас жемқорлықтың алдын алу және сыбайлас жемқорлық тәуекелдерін жою бойынша бірқатар жұмыстар қолға алынған. Сыбайлас жемқорлыққа қарсы саясатты жүзеге асыру мақсатында 2021-2023 жылдарға арналған өңірлік іс-шаралар жоспары әзірленді.

Іс-шара барысында С.Ахметжанов Агенттіктің елдің сыбайлас жемқорлыққа қарсы саясатын іске асырудағы жаңа тәсілдері туралы баяндады. Сыбайлас жемқорлық тәуекелдерін жою мақсатында республиканың әрбір өңіріне арнайы бекітілген сыбайлас жемқорлық тәуекелдерінің картасы туралы айтты.

– Шымкент қаласының тәуекелдер картасында білім беру, медицина, құрылыс, жер қатынастары, қаржы, полиция, әлеуметтік қорғау және т.б салалар көрсетілген. Қазіргі уақытта атқарылған жұмыстардың оң қорытындысы бар. Сыбайлас жемқорлық тәуекелдерін жою басты назарда тұр. Өңірлерге сапарымда халықпен, азаматтық қоғам өкілдерімен, кәсіпкерлермен кездесіп, қандай тәуекелдер барын талқылаймыз. Оның қорытындыларына талдау жүргізіледі, – деді Саян Қылышұлы.

Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің басшысы Шаттық Өтеев департаменттің 2022 жылғы жұмысының қорытындылары туралы баяндап, халыққа көрсетілетін мемлекеттік қызметтердің, жер қатынастары саласындағы ашықтықты қамтамасыз ету қажеттігіне тоқталып өтті.

Іс-шара соңында қала әкімі аппаратқа және басқарма басшыларына хаттамалық нұсқаулар берді.

Мемлекет басшысының «Жаңа Қазақстан: жаңару мен жаңғыру жолы» атты Қазақстан халқына Жолдауын іске асыру мақсатында «Жастар нашақорлыққа қарсымыз» тақырыбында Түркістан қалалық плакаттар байқауы өтті.

Байқаудың мақсаты - Жаңа Қазақстанның денсаулығы қуатты ұрпағын қалыптастыру, жастарды салауатты өмір салтын ұстануға үйрету, сондай-ақ, жасөспірімдерге нашақорлық пен темекінің зиян екендігін насихаттау. Ғасыр дерті саналатын зиянды әдеттер-темекі шегу, есірткі заттарды пайдаланудан аулақ болуға, бүгінгі жас буынды адамгершілік қасиетке тәрбиелеу. Сонымен қатар, жастарымызды жаңару мен жаңғыру жолына баулу, қоғамның қауіпсіздігімен қамтамасыз ету болды.

14 пен 25 жас аралығындағы аталған тақырыпта плакаттарға сурет салып, байқауға ұсынды. Қазылар алқасының сараптауынан соң қорытындылау кезеңінде өзі салған тақырыптық суретін ауызша, қысқаша түсіндіріп берді.

Жалпы, байқауға ұзын саны 37 үміткер қатысуға өтінім білдірсе, 10 қазан күні өткен іріктеу кезеңінен 23 үміткердің жұмысы кеңінен сараланды.

Қазылар алқасының құрамында Суретші, Евразия дизайнерлер одағының мүшесі, Қ. А. Ясауи атындағы ХҚТУ-нің суретшісі – Бабажанов Омар Базарбайұлы, №23 Ж. Тәшенов атындағы ІТ мектеп-лицейінің Графика және бейнелеу өнер пән мұғалімі, Оқушылар сарайының сурет пәні мұғалімі Нурмашев Темірбек Тұрарбекұлы, Түркістан Ахмет Ясауи кәсіби колледжінің дизайн мамандығының оқытушысы – Қинабаев Серік Алиайдарұлы болды.

«Жібек жолы» саябағында өткен марапаттау рәсімінде байқау жүлдегерлеріне арнайы дипломдар мен қаржылай сияпаттар табысталды. Байқау нәтижесі бойынша Бас жүлде Салы Нұрайға бұйырса, I орынды Жетибаева Альбина еншіледі. Екі бірдей ІІ орынға Байғабылова Жансая, мен Бердалы Айбану лайық деп танылды. Үш ІІІ орын Курласбаева Қазына, Айса Тоғжан, Нурханова Насибаға берілді. Сонымен қатар, түрлі номинациялармен бірнеше үміткерлер марапатталды. «Үздік композиция» номинациясы - Зуриева Барчиной, «Үздік ой» номинациясы - Торехан Нұрлы, «Акварель шебері» номинациясы - Елеусіз Шыңғысхан, «Қылқалам шебері» номинациясы - Сабиров Жасурбек, «Графикалық кескіндеме» номинациясы - Әбдіманап Асылзатқа табысталды. Одан өзге қатысқаны үшін бірқатар үміткерлер Алғыс хаттармен марапатталды.

Барлық жүлдегерлерге марапатты Түркістан қалалық мәдениет үйінің директоры, ҚР Мәдениет қайраткері Шәмет Лиза Төлегенқызы сөз алып, табыстады.

Биыл Мемлекет басшысы Қасым-Жомарт Тоқаев 1 қыркүйектегі Жолдауында ҚР Президентін кезектен тыс сайлауды ұсынған болатын.

Мерзімінен бұрын өткелі отырған сайлаудың ерекшелегін де Президенттің өзі «билікті монополизациялаудың алдын алу» екенін айтып, түсіндірді. 2022 жылдың маусым айында Конституцияға өзгерістер енгізіліп, бірінші Президент туралы баптар күшін жойды. Тоқаевтың бастамасымен Президент өкілеті жеті жылға дейін ұзарып, Мемлекет басшысы тек бір-ақ мерзімге сайланатын болды. Бұл шешімнің өз уақытында және орынды қабылданып отырғанына және бұл өзгерістердің қоғамда туындап отырған көптеген сұрақтарға жауап беретініне сенемін.

Қазіргі таңда «жаһан қоғамы», қала берді кез келген транснационал одақтар мен қозғалыстар әрбір ұлт - мемлекеттің ішкі ережесі мен тәртібіне бағынады. Олай болса мемлекет қаншалықты тұрақты әрі бейбіт өмір сүрсе демократиялық институттары мен саяси мәдениеті де соншалықты эволюциялық жолмен дамымақ. Сондықтан да елдің болашағы үшін мемлекетіміздің тұрақты түрде дамуына, тұрақтылықтың орнауына мұқтажбыз. Бұл «тұрақты болу», «тұрақтылық» деген ұғым мен практикаларды қаншалықты сынға алсақ та, дәл сол тұрақтылыққа мұқтажбыз.

Елімізде Қаңтар оқиғасынан кейін пайда болған Жаңа әрі әділетті Қазақстан риторикасы маңызды трансформацияларға бастау болып отыр. Бұл өзгерістер кейде баяу, кейде жылдам, кейде ойлағанымыздай болып жатыр. Бұл өзгерістерді еліміздің жаңадан даму жолының бастамасы деп бағалаймын.

Биыл ел тұрғындарын маңызы жоғары саяси науқан күтіп тұр. Яғни, 20 қарашада кезектен тыс Президент сайлауы өтеді. Сайлауда әрбір азаматтың дауысы маңызды рөл атқарады. Сондықтан отандастарымыз бұл сайлауға бейжай қарамай, белсене атсалысуы керек.

Мемлекет басшысы сайлау науқаны қатаң түрде заңға сәйкес өтетініне кепілдік беретінін айтты. Бұл сайлау ел экономикасын қарқынды дамытуды, халықтың әл-ауқатын арттыруды көздейтін міндеттерді жүзеге асыруға мүмкіндік береді деген сенімдемін.

ҚР Президенті Қ.К. Тоқаевтың жолдауы аясында Түркістан қаласы " Санитас" емханасында Ұлттың денсаулығын қамтамасыз ету тақырыбында кездесу шарасы болып өтті. Шараға «AMANAT» партиясы Түркістан қалалық маслихатының атқарушы хатшысы Ғ.Сәрсенбаевпен Түркістан қалалық маслихат депутаты С.Арыстанов қатысты.

Кездесу барысында кез келген елдің жоғары деңгейде өркендеп дамуының басты алғышарттарының бірі – халқының мықты денсаулығы екенін атап өтті. Міне, Қазақстанның денсаулық сақтау саласының халықаралық стандарттарға сай болуына, инновациялық технологиялардың емдеу орталықтарында кеңінен қолданысқа енгізілуіне және денсаулық сақтау мекемелерінің білікті мамандармен қамтамасыз етілуде.

Мемлекет басшысының ұлт ден­сау­лығын жақсарту мақ­сатын­дағы шынайы қам­қорлық­пен іс жүзіне асырып жатқан кешенді бастамалары өз жемісін беруде.

«ПрезидентімізҚасым -ЖомартКемелұлыТоқаев 1990 жылы 25 қазандаҚазақстанныңегемендігітуралыдекларацияқабылданғанынескеалаотырып, Республикакүнінеұлттықмерекемәртебесінқайтарудыұсынды. ҚазанныңжиырмабесікүніжылсайынЕгемендіккүнінеліміздіңбастымерекесіретіндеатапөтуімізкерекжәнедеРеспубликакүніелдіңмемлекетқұружолындағытарихиқадамыныңсимволыболуыкерекекенін», Ұлттыққұрылтайотырысындаайтты. Қ.Сәтбаеватындағы№12 жалпыортамектебіміздеосыатаулымерекеденқалысқалмай, мерекелікісшараларөткізуде. МектепдиректорыМадинаРысбековабаршаҚазақелін, қонақтарды, ұстаздарменоқушылардыРеспубликамыздыңәразаматыүшінайтулымереке – Республикакүніменшынжүрекпенқұттықтап, бостандықпенеркіндіктіңбастауыболыптабылатыносысалтанаттыкүніигілікпенбақыт, бақ - дәулет, ырыстіледі. Қазақстанныңтұрақтыдамуыменкемелденуіжолындағыеңбектерінетабыстіледі.

Мектебіміздеконцерттікбағдарламаменқатар, кітапханадатанымдықсағаттарұйымдастырылды. Барлықсыныптарда «Мәңгілікжаса, қыранелім - Қазақстан» тақырыбындатәрбиесағаттарыөтілуде. «Қыранелім - Қазақстаным» тақырыбындаоқушылардандиктанттар, «Меніңарманымдағы – Қазақстан » тақырыбындаэсселералынды, Мектепаралықоқушыларарасындаволейболданспорттықжарыстарұйымдастырылды. Көпбалалыотбасыларға, мүмкіндігішектеуліазаматтарғажағдайытөменотбасыларғақайырымдылықакциясыұйымдастырылып, киім-кешектерменоқуқұралдарыберілді. Жәнеде «ЖаңаҚазақстан. Тазатабиғат» мектепауласында, сыныптардатазалықжұмыстарыұйымдастырылды.

Полиция қызметкерлері жол-көлік оқиғасының алдын алу мақсатында күнделікті рейд жүргізуде. Осы тұрғыда Төлеби аудандық полиция бөлімінің қызметкерлері түңгі сағат 22:30 шамасында «Опель-Вектра» маркалы автокөлікті тоқтатты. Оны тексеру кезінде, ер адамның көлік құралын басқару құқығы жоқ екендігі анықталды. Сонымен қатар полицейлер оның масаң күйде екендігіне күдіктеніп, сараптама тағайындады.

Сараптама қорытындысына сәйкес жүргізушінің алкогольді мас күйде екендігі белгілі болды. Аталған жайтты полиция қызметкерлері ҚР ӘҚБтК-нің 608-бабы 6-бөлігі «Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру» бойынша тіркеді.

Жинақталған іс-құжаттар сотқа жолданды. Нәтижесінде, мас халде көлік тізгіндеген жүргізуші 20 тәулікке әкімшілік қамаққа алынып, көлік айыптұраққа қойылды. Түркістан облысының полицейлері көлік басқару құқығы жоқ жүргізушілерге көлік айдамауға кеңес береді.

Әкiмшiлiк құқық бұзушылық туралы 608-бапта «Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру»:

1. Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру – 
он бес тәулікке әкімшілік қамаққа алуға және жеті жыл мерзімге көлік құралын басқару құқығынан айыруға алып келеді. 
2. Алып тасталды - ҚР 27.12.2019 № 292-VI (қолданысқа енгізілу тәртібін 2-баптан қараңыз) Заңымен.
3. Осы баптың бірінші бөлігінде көзделген, жәбірленушінің денсаулығына қылмыстық жазаланатын іс-әрекет белгілері жоқ зиян келтіруге немесе көлік құралдарын, жүктерді, жол құрылыстары мен өзге де құрылыстарды не өзге мүлікті бүлдіруге әкеп соққан әрекеттер – 
жиырма тәулікке әкімшілік қамаққа алуға және жеті жыл мерзімге көлік құралын басқару құқығынан айыруға алып келеді. 
3-1. Осы баптың бірінші бөлігінде көзделген, әкімшілік жаза мерзімі өткеннен кейін бір жыл ішінде қайталап жасалған әрекеттер – 
жиырма тәулікке әкімшілік қамаққа алуға және сегіз жыл мерзімге көлік құралын басқару құқығынан айыруға алып келеді. 
3-2. Осы баптың үшінші бөлігінде көзделген, әкімшілік жаза мерзімі өткеннен кейін бір жыл ішінде қайталап жасалған әрекеттер – 
жиырма бес тәулікке әкімшілік қамаққа алуға және тоғыз жыл мерзімге көлік құралын басқару құқығынан айыруға алып келеді. 
4. Алып тасталды - ҚР 27.12.2019 № 292-VI (қолданысқа енгізілу тәртібін 2-баптан қараңыз) Заңымен.
5. Алып тасталды - ҚР 27.12.2019 № 292-VI (қолданысқа енгізілу тәртібін 2-баптан қараңыз) Заңымен.
6. Осы баптың бірінші, екінші және үшінші бөліктерінде көзделген, көлік құралдарын басқару құқығы жоқ адамдар жасаған әрекеттер – 
жиырма тәулікке әкімшілік қамаққа алуға әкеп соғады. 
7. Осы баптың алтыншы бөлігінде көзделген әкімшілік жаза мерзімі өткеннен кейін бір жыл ішінде қайталап жасалған, осы баптың алтыншы бөлігінде көзделген әрекеттер – 
отыз тәулікке әкімшілік қамаққа алуға әкеп соғады.  
8. Осы баптың алтыншы және жетінші бөліктерінде көзделген, осы Кодекстің 50-бабының екінші бөлігіне сәйкес әкімшілік қамаққа алу қолданылмайтын адамдар жасаған әрекеттер – 
екі жүз айлық есептік көрсеткіш мөлшерінде айыппұл салуға әкеп соғады деп жазылған.

Ордабасы аудандық полиция бөліміне Шымкент қаласының тұрғыны арызданды. Жәбірленушінің айтуынша, оның қарамағында жұмыс істейтін шопаны құны 1 миллион теңге болатын 5 бас асыл тұқымды қошқарларын рұқсатсыз сатып, өзі қашып кеткен. Бұл жайында жәбірленушіге танысы хабарласып, қойлары қараусыз жүргенін жеткізгенде бірақ біледі.

Полицейлер аталған жайтты ҚР ҚК-нің 189-бабы «Сенiп тапсырылған бөтен мүлiктi иемденiп алу немесе талан-таражға салу» бойынша тіркеді. Осы қылмысқа байланысты тәртіп сақшылары бірден іске кірісті. Куәлардан сұрастырып, жан-жақты тексеру жүргізді. Нәтижесінде жинақталған ақпарат көздері арқылы Алматы қаласына қашпақ болған шопан дер кезінде анықталды.

Ол полиция бөліміне жеткізіліп, орын алған жайттың ақ-қарасын ажырату мақсатында жауап алынды. Анықталғандай, күдікті Өзбекстан Республикасының азаматы 1 жылдан бері жәбірленушінің қойларын бағып жүрген. Алайда осы жолы тұрғынның 5 бас қошқарын таныстарына сатып, қалған малдарды қараусыз қалдырып, өзі бой тасалаған. Қазіргі таңда күдікті азаматқа қатысты сотқа дейінгі тергеу амалдары жалғасуда. Айғақты зат ретінде талан-таражға түскен малдар алынып, заңды иесіне қайтарылды.

ҚР Қылмыстық Кодекстің 189-бапында «Сенiп тапсырылған бөтен мүлiктi иемденiп алу немесе талан-таражға салу»:

1. Кiнәлiге сенiп тапсырылған бөтен мүлiктi иемденiп алу немесе талан-таражға салу, яғни жымқыру – 
мүлкі тәркіленіп немесе онсыз, бір мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не сегіз жүз сағатқа дейінгі мерзімге қоғамдық жұмыстарға тартуға не үш жылға дейiнгі мерзімге бас бостандығын шектеуге не сол мерзімге бас бостандығынан айыруға жазаланады. 
2. Мынадай: 
1) адамдар тобының алдын ала сөз байласуымен; 
2) алып тасталды - ҚР 21.01.2019 № 217-VI Заңымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі);
3) адам өзінің қызмет бабын пайдалана отырып жасаған дәл сол іс-әрекет – 
мүлкi тәркiленіп, белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейiнгi мерзiмге айыра отырып немесе онсыз, үш мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не бір мың сағатқа дейінгі мерзімге қоғамдық жұмыстарға тартуға не төрт жылға дейiнгi мерзiмге бас бостандығын шектеуге не сол мерзiмге бас бостандығынан айыруға жазаланады. 
3. Осы баптың бiрiншi немесе екiншi бөлiктерiнде көзделген іс-әрекеттер, егер олар: 
1) iрi мөлшерде жасалса; 
2) мемлекеттiк функцияларды орындауға уәкiлеттік берілген адам не оған теңестiрiлген адам не лауазымды адам не жауапты мемлекеттік лауазымды атқаратын адам жасаса, егер олар өзiнiң қызмет бабын пайдалануымен ұштасса, – 
3) бірнеше рет жасалса – 
мүлкi тәркiленіп, екі жылдан жеті жылға дейінгі мерзiмге бас бостандығын шектеуге не сол мерзiмге бас бостандығынан айыруға, ал 2) тармақта көзделген жағдайларда, мүлкi тәркiленіп, белгiлi бiр лауазымдарды атқару немесе белгiлi бiр қызметпен айналысу құқығынан өмір бойына айыра отырып, жымқырылған мүліктің он еселенгеннен жиырма еселенгенге дейінгі мөлшерінде айыппұл салуға не екі жылдан жеті жылға дейінгі мерзiмге бас бостандығынан айыруға жазаланады. 
4. Осы баптың бiрiншi, екiншi немесе үшiншi бөлiктерiнде көзделген іс-әрекеттер, егер оларды: 
1) қылмыстық топ жасаса; 
2) аса iрi мөлшерде жасалса, – 
мүлкi тәркiленiп, белгiлi бiр лауазымдарды атқару немесе белгiлi бiр қызметпен айналысу құқығынан өмір бойына айыра отырып немесе онсыз, жеті жылдан он екі жылға дейiнгi мерзiмге бас бостандығынан айыруға жазаланады деп жазылған.