Бір жыл бұрын Қазақстанда ескі көліктерді қайта өңдеуге өткізу бағдарламасы басталған-ды. Бұл қаншалықты сәтті болды? Бағдарлама басталғалы өткен 12 ай  ішінде 10 мыңнан астам азамат ескі көліктерін өткізуге және өзімізде құрастырылған жаңа көлік құралын сатып алу үшін жеңілдік алуға мүмкіндік алды. Айта кетерлігі, ескі көліктерін өткізу жөнінен Шымкент қаласы бірінші орыннан көрінген.

Миллионер қала Шымкент таяуда Shymkent City Bike үшін қосымша велосипед сатып алуды жоспарлап отыр. Шымкенттіктер екі жылдың ішінде бір де бір велосипедті бұзбапты. Және де велосипедпен жүретіндердің қарасы арта түскен.

Шымкент қаласының мемлекеттік қызметшілерінің еңбекақылары Қазақстан Республикасының орталық мемлекеттік органдарының деңгейіне дейін көтеріледі. Қазақстан Республикасы Парламентінің Мәжілісінде Қазақстан Республикасының Қаржы министрі Бақыт Сұлтанов жаңа Түркістан облысын қалыптастыруға байланысты бюджетке өзгерістер енгізудің және Шымкент қаласына республикалық маңызы бар қала мәртебесін берудің шарттары туралы әңгімеледі.

Шымкент қаласындағы үлкен құрылыс алаңдарының бір болып табылатын Темірлан тас жолының «Бекжан» базары маңындағы жолайырық құрылысында дәл қазір жұмыс қызу жүріп жатыр. Ең басты айта кететін жаңалық – мердігер компания құрылыс жұмыстарын мерзімінен бұрын аяқтауды жоспарлап отыр екен. Таяуда Шымкент қаласының әкімі Ғабидолла Әбдірахымов осындағы құрылыс жұмыстарының барысымен танысып қайтты.