Түркістан облысында коронавирус дертіне шалдыққан азаматтар жоқ. Бұл туралы Өңірлік коммуникациялар қызметінің алаңында Түркістан облысы әкімінің орынбасары Жолдымұрат Аманбаев хабарлады. Брифингке облыс әкімінің орынбасары Сәкен Қалқаманов, Түркістан облысы Тауарлар мен көрсетілетін қызметтердің сапасы мен қауіпсіздігін бақылау департаментінің басшысы Нұрбек Нышанов қатысты.
Бүгін Түркістан қаласында облыс прокуратурасының «Қауіпсіз балалық шақ» тақырыбында Бірінші ашық форумы өтті. Шараға аймақ әкімі Өмірзақ Шөкеев, Х.А.Яссауи атындағы Халықаралық Қазақ-Түрік университетінің президенті Болат Әбдірәсілов және профессор-оқытушылар құрамы, облыстық жергілікті атқарушы органдарының басшылары, қала және аудан әкімдері, құқық қорғау және бақылау органдарының басшылары, қоғамдық бірлестіктер мен үкіметтік емес ұйымдардың өкілдері, сондай-ақ еріктілер қатысты.
Шымкент қаласының әкімі Ерлан Айтаханов шаһар тұрғындарын жеке мәселелері бойынша кезекті қабылдауын өткізді. Дәстүрлі түрде әр аптаның жұма күні өтетін бұл жолғы қабылдауда 10-ға жуық қала тұрғыны өз өтініштері мен ұсыныстарын жолдады.
Түркістан облысында 39410 оқушы Тұңғыш Президент күніне орай өткізілген өткен ашық сабаққа қатысты. Жас жеткіншектерге 59 қоғам қайраткері дәріс оқыды.