Арыста балық асырау бассейндеріне 3 млн-ға жуық балық шабақтары жіберілді. Ағымдағы жылдың мамыр айында Арыс қаласы, Дермене ауылынан «Дермене Агро Групп» ЖШС директоры, жеке кәсіпкер Дүйсенбі Дінмұхаммед өз қаржысы есебінен үш балық асырау бұғатының (бассейн) құрылысын бастаған болатын.
Түркістандық шаруаларға су жаңа тракторлар берілді. Түркістан облысының бір жылдық мерекесіне орай Түркістан облысының шаруа қожалықтары мен өндірістік кооперативтер өкілдері мемлекеттік қолдауға ие болды.
Түркістан облысында өндірілген ауылшаруашылық өнімдері керуені Нұр-Сұлтан қаласына жөнелтілді. Облыстық ауылшаруашылық басқармасының басшысы Нұрбек Бадырақовтың айтуынша, керуен Нұр-Сұлтан қаласына жеткеннен соң өнімдер жәрмеңке қойылады.
Түркістан облысында астық ору науқаны басталды. Егінге алғашқы орақты қазығұрттық шаруалар салды. Биыл диқандар «бітік өнім аламыз» деп құлшынып отыр. Алайда аграршылардың ісін артқа тартқан түйінді мәселелер де аз емес.
Биыл Түркістан облысы Жетісай ауданынан облыстық «Жобалық басқару кеңсесіне» ауыл шаруашылығы саласы бойынша жүзеге асырылуы жоспарланған 59 жоба ұсынылған болатын. Оның 20-сы өсімдік, 39-ы мал шаруашылығы саласы мен қайта өңдеу саласын дамытуға бағытталған. Олардың жалпы жобалық құны 2 млрд теңгені құрайды. Аталған жобалардың 20-сы кәсіпкерлердің өз қаржысы есебінен жүзеге асырылмақ. Оның ішінде 15 жоба 2 өнім алу, 2 жоба мал бордақылау, 1 жоба бие шаруашылығын ашу, 2 жоба лимон өсіру. Бүгінгі таңда 15 жобаның арқасында 2 өнім алу үрдісі ойдағыдай жүзеге асып отыр.
Сайрам Ауданында картоп егістігінің көлемі артып отыр. 2018 жылы ауданның ауылшаруашылығы саласында 63,5 млрд.теңгенің өнімі өндірілді. Облыстағы үлес 11,7 пайызды құрап, 1-ші орынға тұрақтады.
Жалпы, Сайрам ауданы қай кезде болса да ауыл шаруашылығы өнімдерін өндіруден облыс бойынша көшбасшылардың бірі болатын. Соңғы жылдары ел үкіметінің ерекше қолдауының арқасында өнімділік көлемі еселеп арта түскен. Мәселен, өткен жылы ауданда 52 288 га жерге ауылшаруашылығы дақылдары егілді. Нәтижесінде 34 200 тонна бидай, 8 056 тн.майлы дақылдар, 123 946 тонна көкөніс, 60 200 тонна картоп, 18 100 тонна жеміс-жидек, 13 680 тонна жүзім және басқа да дақылдар жиналып алынды. Биыл 3500 га картоп егілмек.
Ал, Қарабұлақ ауылындағы «Лола» шаруа қожалығыныңегістік көлемі 12 га. Оның 3 га картоп егілген. Гектарынан 18-20 тонна өнім алынуда. Ерте піскен картоп Нұр-Сұлтан қаласына жөнелтілуде. Осылайша, Сайрам ауданы өзінің ауыл шаруашылығы саласы бойынша ерекше қарқынмен дамып отырғанын, облыста көшбасшы аудандардың қатарында екенін дәлелдей түсуде.
«AQ-QARA-KZ» - ақпарат»
Қазақстан Республикасы мен Өзбекстан Республикасы арасындағы екіжақты ынтымақтастық жөніндегі бірлескен үкіметаралық комиссиясының 18-ші отырысында, Түркістан облысының әкімі Өмірзақ Шөкеев Өзбекстан Республикасының Премьер-Министрі А.Ариповпен, Өзбекстан Республикасы Су ресурстары жөніндегі министрі Ш.Хамряевпен және «Узбекистан Темір жолдары» АҚ Басқарма Төрағасы Х.Хасиловпен кездесті.
Құрылыс материалдарының негізсіз өсуін болдырмау – басты назарда. Түркістан облысы әкімінің орынбасары М.Мырзалиевтің төрағалығымен өткен жиында баға тұрақтылығын ұстау бойынша меморандумға қол қойылды.