Кеншілер қаласы Кентау тек өндірісті аймақ қана емес, руханият мекені де. Қаратау тәжі атанған бұл қаладан қазақтың маңдайына біткен талай-талай танымал тұлғалар шыққаны белгілі. Ол үрдіс бүгінде сақталып келеді. Оған қаладағы рухани орталықтар мен кітапханалардың да әсер еткені анық. Өйткені, мұнда ғибарат алар мекендер жетерлік және ең ерекше кітапхана да осында орналасқан.
Жетісай – ел шетінің айбары мен берекенің қайнары болған аймақ. Бүгінде Мырзашөлдің жүрегіне айналған бұл қалаға 50 жыл толып отыр. Қала жұртшылығы жарты ғасырлық мерейтоймен қатар «Алтын күз» мерекесін де дүркірете тойлайды. Сондай-ақ, бұл күні талай- талай таланттың бағын ашқан «Мырзашөл жұлдыздары» атты ән байқауы да болып өтті.
Мәдениет және спорт министрі Ақтоты Райымқұлова Түркістан облысының мәдениет саласы қызметкерлерімен кездесті. Мемлекет басшысы Қасым-Жомарт Тоқаевтың «Сындарлы қоғамдық диалог - Қазақстанның тұрақтылығы мен өркендеуінің негізі» атты Қазақстан халқына арнаған Жолдауын іске асыру жөнінде министрлік тарапынан қолға алынған шаралар туралы баяндаған Ақтоты Рахметоллақызы мәдениет саласы қызметкерлерінің жалақысын көтеру, бұқаралық спортты дамыту, туризм саласын жандандыру, шетелден келетін туристердің Қазақстанға визасыз кіру мәселелерін де айтып өтті.
Аудандық «Абай» мәдениет сарайында ауданның 55 жылдық мерей тойына арналған «Шырқалсын Шардараның әндері» атты облыстық ән байқауы өтті. Өнер байқауында негізінен Шардара туралы әндер мен әйгілі сазгер, «Қара бауыр қасқалдақ» әнімен әлемге танымал Лесбек Амановтың әндері орындалды.
Түркістан қаласының әкімі Рашид Аюпов шаһардағы қарашаңырақ басылым «Түркістан» газетінің жұмысымен танысты. Басылым қызметкерлерімен арнайы кездесіп, газет ұжымының жағдайын көзімен көрді.
Кентау қаласы Шәмші Қалдаяқов атындағы мәдениет сарайында "Ардагерлер хорының 35 жылдық мерейтойы" аталып өтті.
Бүгін Жастар жылына орай және Елбасымыздың "Болашаққа бағдар: Рухани жаңғыру" бағдарламасы аясында Жартытөбе ауылдық округі әкімдігі және Созақ ауданы ішкі саясат бөлімінің "Жастар ресурстық орталығы" КММ-нің ұйымдастыруымен "ЖІГІТТЕР, СЕГІЗ ҚЫРЛЫ БІР СЫРЛЫ БОЛ" атты "Жігіт сұлтаны-2019" байқауы өткізілді.
Жастар жылына орай, Шерхан Мұртаза атындағы қайырымдылық қоры мен «Мархабат мирас» қоғамдық қоры, Түлкібас аудандық білім мен мәдениет және тілдерді дамыту бөлімдерінің ұйытқы болуымен 2019 жылдың 25 қазан-25 қараша аралығында «Өңір мен ұлы тұлғалар» атты жас қаламгерлердің аудандық байқауы өтеді.