Өзінің керемет ән айтуымен, бойындағы өнерімен көпшілікті тәнті етіп жүрген, ауданның мақтанышы, бірнеше байқаудың жеңімпазы, лауреаты, тамаша өнер иесі, студент Атабек Рүстемовтің «АРМАНДАР ОРЫНДАЛАДЫ» атты ән кеші өтті. Жыл басындағы Жастар форумында Атабек Айбекұлы аудан әкімінен жеке концерт өткізуге қолдау көрсетуді сұранған болатын. Ұсыныс аудан әкімі тарапынан қолдау тапты.
Қазақтың көрнекті жазушысы Жүсіпбек Аймауытовтың «Үміт — адамның бағы, үміт – жүректің тағы» - дегеніндей, арманын аялап, үмітін саялап жүрген тағдырлы жандарға рухани қолдау көрсету — қоғамдағы барша адамның қасиетті парызы. Бүгін осы орайда аудандық мәдениет үйінде Елбасымыздың «Болашаққа бағдар: рухани жаңғыру» бағдарламалық мақаласы аясында аудандағы мүмкіндігі шектеулі азаматтарды қолдау мақсатында аудандық жұмыспен қамту және әлеуметтік бағдарламалар бөлімі мен орталық кітапхананың көзі көрмейтін және әлсіз көретін азаматтарға арналған бөлімінің ұйытқы болуымен «Үміт керуені» атты өнер фестивалі өтті.
Үмітсіз – өмір тұл, жер бетінде барша адам – үмітіне құл. Ал тағдыр сынағын кешіп жүрген жандар үшін үміттің құны алтыннан қымбат. Ертеңгі күнге үмітті жандардың үмітін үкілеуге бағытталған бүгінгі өнер фестивалі «Өмір-өлең», «Ән-ғұмыр», «Мың бұрала би билеп» және «Қолөнер» аты төрт бөліктен тұрды. Фестивальге арнайы қатысқан аудандық жұмыспен қамту және әлеуметтік бағдарламар бөлімінің басшысы Е.Қаратаев: «Тағдырдың ауыр тәлкегін басынан өткеріп жүрген, мүмкіндігі шектеулі болғанына қарамастан сол ұғымды санасынан өшіріп, алдыға қойған мақсаттарына нық қадам басып жүрген Сіздер әр қашанда біздің мақтанышымызсыздар» - деп, фестивальге қатысушыларға құттықтауын жеткізіп, алғыс хат және естелік сыйлықтармен өнерлі жастарды марапаттады.
«AQ-QARA.KZ»-ақпарат.
Түркістан облысы мәдениет басқармасының ұйымдастыруымен 2019 жылғы 20 қарашада сағат 11.00-де "Жастар ресурстық орталығында" облыстағы мектепке дейінгі мекемелердің 4-6 жас аралығындағы бүлдіршіндердің қатысуымен «Бала шақтан болашаққа – ана тілімен!» байқауы өтеді. Байқауға аудандық, қалалық байқаулардың 15 бүлдіршін жеңімпазы қатысатын болады.
Төлеби аудандық мәдениет үйінде Төлеби ауданы әкімдігінің қолдауымен, аудандық мәдениет және тілдерді дамыту бөлімінің ұйымдастыруымен балалардың шығармашылығын дамыту, халқымыздың асыл мұраларын насихаттау, білімді де өнерлі, салауатты өмір салтын ұстаған ұрпақ тәрбиелеу мақсатында «Ақбота - 2019» атты аудандық балалар арасындағы ән – би байқауы өткізілді.
Түркістан облысының аудан, қалаларынан келген өнерпаздардың қатысуымен 2018 жылдан бастап қайта қолға алынған облыстық «Мырзашөл жұлдыздары» байқауының іріктеу кезеңі басталды. Түркістан облысы, Жетісай ауданында Қазақстан Республикасының тұңғыш Президенті, Елбасы Н.Ә.Назарбаевтың «Болашаққа бағдар: рухани жаңғыру» бағдарламасы аясында Жетісай қаласының 50 жылдық мерей тойына орай «Мырзашөл жұлдыздары» жас әншілердің облыстық байқауының іріктеу кезеңі басталды.
Бүгін Шәмші Қалдаяқов атындағы мәдениет сарайында қалалық "Биле, биле" атты би байқауы өтті.
Түркістанды көгалдандыру жұмыстары жалғасуда. Қала аумағына 3 жылда 3,5 миллион түп тал көшетін егу жоспарланған. Сондықтан көне шаһарда әр аптаның соңғы күндері жалпыхалықтық сенбілік ұйымдастырылуда. Оған облыс әкімдік қызметкерлерінен бастап барлық мемлекеттік орган өкілдері қатысуда.
Түркістан облысының қоғамдық-саяси тарихы архивінің басшысы Гүлнәр Шардарбекова және бірнеше мұрағатшы Мақтаарал ауданына іссапарлап қайтты. Іссапар барысында Мақтаарал ауданының құрметті азаматы, Социалистік Еңбек Ері, агротехник Нұрмұхамед Есентаевтың 110 жылдық мерейтойына орай салтанатты іс-шарасы өтті.