Қаратау мен Алатаудың тоғысқан жері, киелі мекен Түлкібаста біршама ауқымды іс- шаралар атқарылды. Бүгінде ауданындағы тұрғындар саны 111 мыңнан асып жығылды. Елбасының «Болашаққа бағдар, рухани жаңғыру» бағдарламалық мақаласы аясында алты бірдей мәдениет нысаны бой түзіп, ел игілігіне берілді.
Елбасымыз Н.Ә.Назарбаевтың "Болашаққа бағдар: Рухани жаңғыру" мемлекеттік бағдарламасы аясында Мақтаарал ауданында "Социалистік Еңбек Ері" атанған Нұрмұхамед Есентаевтың 110 жылдық мерейтойы кең көлемде аталып өтті.
Бүгін Жетісай аудандық ардагерлер кеңесінің ұйымдастыруымен “Ұрпақ тәрбиесі – ұлағатты іс” тақырыбында аудан ардагерлерінің семинар-кеңесі болды. Жылысу ауылдық округінде орналасқан І.Жансүгіров атындағы жалпы орта мектебінде өткен жиынға аудан әкімінің орынбасары Мақсат Жолдасбеков пен аудандық білім бөлімінің басшысы Тұрсын Мырзалиев, аудан ардагерлері қатысты.
Осындай атаумен көне шаһарда ерекше думанды шоу өтті. Онда өнер жұлдыздары халық шығармалары мен бүгінгі жастардың сүйіп тыңдайтын әндерін орындады. «Шараның басты мақсаты – қасиетті мекенді жасыл желекке бөлеп, қауіпсіз қалаға айналдыру», - дейді ұйымдастырушылар.
Қазығұрт ауданындағы «Өнер» мектебінде ҚР Тәуелсіздік күніне арналған «Сәлем саған, Түркістан»өнер фестивалі аясында балалар мен жасөспірімдер арасында ән орындаушылар байқауы болып өтті. Байқаудың мақсаты:Тәуелсіздік ұғымын балаларға, өскелең ұрпаққа кеңінен түсіндіру арқылы қазақ халқының, өз елін, жерін қорғайтын елжандылық рухқа тәрбиелеу, мәдениет пен өнерді ұрпақтан-ұрпаққа жеткізу, жастарды ұлттық рухта тәрбиелеу және патриоттық тақырыптағы жаңа классикалық әндерді халық арасында кеңінен насихаттау, классикалық әндерді өз нақышында орындау, сондай-ақ жас талант иелерін анықтау.
Көпшіліктің көңілін күпті еткен Түркістандағы «Шаңырақ» монументі бұзылды. Естеріңізге салсақ, әлеуметтік желіде жұрттың талқысына түскен бұл нысанды, әсіресе, «Фейсбук» белсенділері иісі қазақ қасиет тұтқан шаңырақтың төңкерілуін жаман ырымға балаған болатын.
Жүлде қоры 600 мың теңгені құрайтын Жетісай қаласының 50 жылдығына арналған жайдарман ойындарында Түркістан облысының азулы командалары бас қосты. Жетісай қаласы әкімдігі мен «NurOtan» партиясы Жетісай аудандық филиалы, Жетісай аудандық «Жастар ресурстық орталығы» КММ ұйымдастыруымен Қ.Жандарбеков атындағы Жетісай драма театрында жайдарманшылар бас қосты.
Әрбір азаматтың қоғамда қалыпты өмір сүруін қамтамасыз ету, интелектуалдық, шығармашылық қабілеттеріне қолдау көрсетіп, өнерлерін насихаттап, танытып, өмірге құлшынысын арттыру мақсатында Түркістан облысы және Шымкент қаласының зағип оқырмандары арасында "Шарықта, шалқар шабытым!" атты өңірлік фестиваль өтті. Фестивальге Созақ ауданына аттанған өнерлі топ мүшелері жақсы дайындықпен барғандарын паш етіп, жүлделі орындардан көрінді.