Көрменің басты мақсаты - Түркістан өңірінің бай тарихи-мәдени мұрасын кеңінен насихаттау, өңіраралық мәдени байланысты нығайту, ішкі туризмге әсер ететін жобаларды көрсету және ұлттық құндылықтарды дәріптеу. Көрмеде музей қорында сақталған археология, этнография, тарих және рухани мұраға қатысты құнды жәдігерлер көпшілік назарына ұсынылды. Келушілер Түркістан өлкесінің сан ғасырлық тарихынан сыр шертетін бірегей экспонаттармен танысып, тарихи мұраның маңызын тереңірек тануға мүмкіндік алды.

Іс-шараға мәдениет саласының өкілдері, зиялы қауым мүшелері, жастар мен жергілікті тұрғындар қатысып, көрме жоғары деңгейде өтті. «Мәдени көпір: Түркістан мұралары» жобасы аясындағы бұл көшпелі көрме өңірлер арасындағы мәдени ынтымақтастықты арттыруға, музей қорларындағы құнды жәдігерлерді кеңінен танытуға және ұлттық тарихымызды дәріптеуге бағытталған маңызды мәдени бастама ретінде бағаланды.

«WWW.AQ-QARA.KZ» - ақпарат