Полиция — мемлекеттік қызметтің ерекше түрі. Полиция — әрқашан мемлекеттің тірегі, әділеттілік пен тәртіптің айнасы, еліміздің тұрақтылығы мен қауіпсіздігінің кепілі болуы қажет,-деп хабарлайды Шымкент қаласы Полиция Департаментінің баспасөз қызметі.
Бүгін ақпараттық-коммуникациялық орталығында Шымкент қалалық Полиция департаментінің бастығы, полиция-генерал майоры Е.Жұмаханбетовтің қатысуымен брифинг өтті.
Баспасөз мәжілісінде Ералы Мұсаәліұлы қаладағы карантин талаптарының сақталуы және құқық бұзу фактілерінің алдын алу бойынша сөз қозғады.
– Елімізде карантин режимі енгізілгеннен бері Шымкент қаласында ҚР ӘҚБтК-нің 425-бабы (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ, гигиеналық нормативтердi бұзу) бойынша 513 құқық бұзушылық дерегі болған. Оның ішінде 351-ін мобильді топ өкілдері анықтаған, – деді Е.Жұмаханбетов.
Оның айтуынша, Бас мемлекеттік санитарлық дәрігердің Қаулысының талаптарын ескермей, бұрынғы қалыпты кестемен жұмыс істеп жатқандықтары белгілі болған. Атап айтсақ, ресторан, кафе, клуб, компьютерлік ойынханалар мен букмекерлік кеңселер бойынша 91, шаштараз, массаж, монша, сауна, әсемдік салондар бойынша 20, сауда үйлері, базар, дүкендер бойынша 142, ал басқа да қоғамдық жерлерде (саябақ, аллея) карантиндік тәртіпті бұзған 98 жайт анықталған.
Ералы Мұсаәліұлының сөзіне сүйенсек, қоғамдық тәртіпті сақтау кезінде 162 құқық бұзушылық болған. Мұндағы жинақталған іс-құжаттар Шымкент қалалық Тауарлар мен көрсетілетін қызметтердің сапасы мен қауіпсіздігін бақылау департаментіне жолданған.
Айта кетейік, қалада карантин талаптарын сақтамаған тұлғаларға ҚР ӘҚБтК-нің 425-бабы 1-бөлімімен 407 хаттама толтырылып, бүгінге дейін 27 миллион 2160 мың теңге көлемінде айыппұл салынған.
«AQ-QARA.KZ»-ақпарат
Жеке куәлікті ауыстыру мерзімін өткізіп алмаңыз «Азаматтарға арналған үкімет» мемлекеттік корпорациясы жеке куәліктер мен төлқұжаттардың мерзімін жиі тексеріп, уақыты таяса, оны ауыстыру үшін ХҚО-ға кезекті алдын ала брондап қою керектігін ескертеді.
Шымкентте «Ақылды қала» жобасы бойынша қоғамдық қауіпсіздікті қадағалау бейнебақылау камерасының көмегімен жүзеге асырылуда.
Мақтаарал ауданындағы топан су басқан елді мекендерде балықтың жаппай қырылуын болдырмау және оларды құтқару мақсатында сарқынды суды каналдарға қуу жұмыстары жүргізілуде.
Апта басынан бері карантин шектеулерін кезең-кезеңімен жеңілдету жұмыстары басталды. Бірқатар қаржы ұйымдары мен сауда және қызмет көрсету саласындағы нысандар өз жұмысын бастады. Бірақ, тосқауылдар алынғаны мен талаптар қатаң. Шымкент қалалықТауарлар мен көрсетілетін қызметтердің сапасы мен қауіпсіздігін бақылау департаментінің қызметкерлері мониторинг жұмыстарын күшейтуде.
Мақтарал ауданында орын алған төтенше жағдай тұсында полиция қызметкерлері тәулік бойы қызмет атқарып, қалтқысыз қызметімен көрінді. Қазірде тәртіп сақшылары әлі де ауыл көшелерін аралап, ұрлықтың алдын алу, қоғамдық тыныштықты қамтамасыз ету мақсатында жұмыс істеп жатыр,-деп хабарлайды ТО ПД-нің баспасөз қызметі.
Түркістан облысы ПД көші-қон және әкімшілік полиция қызметкерлері су басқан кезде жоғалған Мақтаарал ауданы тұрғындарының құжаттарын қалпына келтіру жұмыстарын жүргізуде. Бұл туралы Түркістан облысының ПД баспасөз қызметі хабарлайды.