Құрылыс алаңына арнайы барған аудан әкімі Мұхит Тұрысбеков жұмыс барысымен танысты. Сонымен қатар, аудан орталығында жүзеге асырылып жатқан бірқатар инфрақұрылымдық жобаларды да аралады. Атап айтқанда, орталық саябақтағы абаттандыру жұмыстарын, С. Қожанов және Жібек жолы көшелеріндегі кешенді жөндеу және көріктендіру шараларын назарға алды.

Сондай-ақ, қазіргі заман талаптарына сай жабдықталатын жаңа кітапхана ғимаратының құрылысымен танысып, жаңадан төселіп жатқан аяқжолдардың сапасына көңіл бөлді. Аудан басшысы аралау барысында барлық нысандардың құрылыс жұмыстары белгіленген талаптарға сай, сапалы және уақытылы орындалуы қажет екенін атап өтті. Бұл бойынша жауапты мамандарға нақты тапсырмалар жүктеді.

«WWW.AQ-QARA.KZ» - ақпарат