Үстіміздегі жылдың 23 қарашасы күні Түлкібас аудандық ішкі саясат бөлімі «Жастар ресурстық орталығы» КММ-нің ұйымдастыруымен «Tulkibas Vine» атты медиа – жобасы өткізілді. Байқаудың мақсаты – жастардың шығармашылық қабілетін дамыту, талантты, дарынды жастарға қолдау көрсету, қоғамда заманауи жастарды тәрбиелеу бағытының жаңа жолының пайда болуы, жастардың әлеуметтік желіні дұрыс пайдалана білуі, ауданда жас вайнерлерді шығару, идеологиялық бағыттағы идеяға бай жастарды қалыптастыру болып табылады.

Дін – нәзік әрі күрделі мәселе. Өйткені, діни сенім адам құқығының ежелден келе жатқан табиғи феномені. Діннің еліміздегі бірліктің бір діңгегі әрі рухани тірегі болуына ел Президенті мен Үкіметі тарапынан ұдайы назар аударылып келеді. Күні кеше Елбасымыздың жариялаған «Ұлы даланың жеті қыры» атты мақаласында біздің тарихымызбен дәстүріміз туралыда кенінен тоқталған.

Қарашаның 22 күні Түлкібас ауданындағы Абай атындағы мектеп-лицейде тарих пәні мұғалімдеріне «Тарих пәндерін өткізу процессіндегі әдістемелер, нұсқаулықтар» тақырыбында әдістемелік семинар өтті. Семинардың мақсаты: тарих пәндерін жүргізуде тиімді әдіс-тәсілдерді меңгерту бағытында үлгілі сабақ, шебер сынып және тренигтер өткізу арқылы педагог мамандардың білімдерін жан-жақты шыңдау.
Семинарды Түлкібас АББ-нің әдіскері Д. Уразбаев ашып, іс-шараның мақсаты мен міндеттерін айтып өтті.

17- қараша Халықаралық студенттер күніне орай «Жастар ресурстық орталығы» КММ-нің және Түлкібас аудандық «Жас Отан» Жастар қанатының ұйымдастыруымен 2019 жыл – Жастар жылын өткізу бойынша ұсыныстар мен пікірлер айту, ауданда жастар саясатын дамыту, бастамашыл жастарды айқындау, жастар арасында патриотизмді дамыту, дарынды, студенттерді қоғамдық өмірге тарту мақсатында «Жастар жалыны» атты Түлкібас ауданы студенттерінің слеті өткізілді.

Тазалық шарасына 13 ауыл округінің тұрғындары белсене қатысып, «Тазалық денсаулық кепілі» деген ұстаныммен көшет отырғызу, тазалық жұмыстарына бір кісідей атсалысты. Бұл игі іс-шараға мекеме, ұйым қызметкерлері де қатысқанын айта кетейік. Сенбілікте төңіректер тазаланып, тал-дарақтар әктелді, арық-атыздар шабылды, мекеме-ұйым ғимараттары алдына көшеттер отырғызылды. 

Мақтаарал ауданының 90 жылдық мерейтойына орай елімізбен көршілес жатқан Өзбекстан Республикасынан бір топ делегация келіп, Сырдария облысының әкімі Ғафуржон Ғаниұлы Мирзаевтың құттықтау хатын жеткізді. Тілі, діні, мәдениеті бір қазақ пен өзбек халықтарының достығы соңғы жылдары нығая түскенін, ақ алтын өндірумен аты шыққан Мақтаарал ауданының жетістіктерінен хабардар екенін Ғ.Мирзаев құттықтау хатында баяндаған.

«Нұр Отан» партиясы Мақтаарал аудандық филиалының ғимаратында облыстық ұлттық спорт түрлері федерациясы өкілдерімен және аудандағы ат спорты ұлттық құраманың шабандоздарымен кездесу жиыны өтті.

Сәрсенбі, 21 қараша күні Шардара қаласындағы «Абай» Мәдениет сарайында Түркістан облысы бойынша ұйымдастырылып жатқан «Дәстүрлі құндылықтар керуені» тақырыбындағы көшпелі жиын өткізілді. Аудан әкімінің орынбасары Бауыржан Шомпиевтің төрағалығымен өткен жиынға аудандық терроризмге қарсы комиссия мүшелері, ақпараттық түсіндіру топтары, аудандық құқық қорғау органдарының қызметкерлері, аудандық ардагерлер кеңесінің мүшелері, қала және ауылдық округтердегі ауыл билері, қала, ауыл әкімдері, үкіметтік емес ұйымдар мен қоғамдық ұйымдардың өкілдері және басқалар қатысты.

Түркістан облысының аудан, қалаларында облыс әкімі Жансейіт Түймебаевтың арнайы тапсырмасына сәйкес, халыққа мәдени, рухани, діни тұрғыда түсіндіру жұмыстарын жүргізу мақсатында «Дәстүрлі құндылықтар керуені» тақырыбындағы көшпелі жиындар өтіп жатыр. Бүгінге дейін өңіріміздің Арыс қаласы мен Сарыағаш, Мақтаарал, Жетісай, Келес, Шардара, Қазығұрт жəне Төлеби аудандарында ұйымдастырылған шараға облысымызға танымал дінтанушы-теологтар, беделді спортшылар, мәдениет майталмандары мен зиялы қауым өкілдері, Қазақстан мұсылмандары діни басқармасының облыстық филиалдарының  имамдары  және өзге де сала өкілдері қатысты.

Түркістан облысы әкімінің орынбасары Ербол Тасжүреков Францияның Алматы қаласындағы Бас консулы Алексис Шахтахтинскиймен кездесті. Басқосуда тараптар екі ел арасындағы сауда-экономикалық байланыс пен инвестициялық ынтамақтастықты арттыру жайын талқылады. Кездесуде облыс әкімінің орынбасары қонақтарды өңірдің экономикалық әлеуетімен таныстырып, бірлескен жобаларды жүзеге асыруға шақырды.