Басқосуда Зұлпыхар Сансызбайұлы Заңның маңыздылығына тоқталып, Қожа Ахмет Ясауи кесенесі мен басқа да ескерткіштерді қорғау, археологиялық және ғылыми-реставрациялық жұмыстарды реттеу, туризмді дамыту, қаланың әлеуетін көтеру жолдарын атап өтті. Сондай-ақ мүгедектігі бар адамдарға қолжетімді инфрақұрылым және инклюзивті туризм құру, дизайн код енгізу қажеттігі айтылды.

Сала мамандарымен бірге тарихи-мәдени ескерткіштерді аралап, жұмыстарымен танысты. Қожа Ахмет Ясауи мұражайын құнды экспонаттармен толықтырып, ғимарат сыртындағы заңсыз саудаларды ретке келтіруді тапсырды. Сондай-ақ қалаға келген туристер үшін QR-коды бар арнайы карталар енгізілу жоспарлануда. Туристер үшін қызмет көрсететін «Визит орталығында» болып, орталықтың жұмысымен танысты.

Айта кетейік, орталықтағы гидттердің біліктілігін арттыру мақсатында мамандарды Самарқанд, Ыстанбұл қалаларына тәжірибе алмасуға жіберу көзделуде. Қаланың туризмін дамыту бағытында музейлердің жұмыстары күшейтіледі.

«WWW.AQ-QARA.KZ» – ақпарат